nais girl @nais_girl

محررة برونزية

تجربتي لخلطه بالقسم هنا مع اضافات من عندي رجعت بشرتي صافيه من جديد

السلام عليكم
اول شيء انا بشرتي صافيه مايطلع فيها حبوب الا وقت الدوره وتروح
وترجع تمام طبعاً بشرتي مختلطه
بس من شهر تقريباً صارت بشرتي حبوب واثار بعد الدوره وعجزت ابغيها تروح ما راحت
فدخلت هنا وشفت خلطه لعضوه اسمها ام احمد المغربيه اتوقع كذا
والله العظيم وربي يشهد استخدمتها4مرات
وصارت بشرتي صافيه صافيه بنسبه99.99٪
بس انا طماعه اكيد بستخدمها الا انا اصير 100٪
الخلطه هي
بكتب لكم المقادير الي استخدمتها انا
وطلعت علبه كبيره تكفي شهر وماتخترب انا صارلها بالثلاجه اسبوع وتمام ماختربت
وطبعا ماستخدمت الايام ورى بعض عجزانه الي يبعد الكسل عنكم
اول مرتين كانو ورى بعض بعدها تركت يومين وحطيت مرتين ورى بعض صارو اربع مرات
المقادير
بطاطس حبه وحده متوسطه
ليمونه صفراء حبه وحده كبيره
تفاحه >>>ماحطيت ماكان عندي بس حطيت بطاطس وليمون
تحطينهم على النار تسلقينهم وبعدين تطفين النار وتخلينهم الى ان يبردون
وبعدها تحطينهم بالخلاط الكاس بقشرهم بدون ماتقشرينهم كاملات بس قطعيهم شوي بالسكين وحطيهم
وتحطين عليهم كل المويه الي باقيه من البطاطس واليمون
تقريبا كاس وشويه مويه
وتحطين 2ملعقه كبيره زبادي>>>حطيت لبنه ماكن عندنا زبادي
وخلطت بالخلاط وبعدها حطيتها بعلبه
وحطيت عليها 2معلقه رز مطحون>>>هذي الاضافه من عندي
الي عندها كبسولات فيتامين eتحط >>انا ماحطيت
قوام الخلطه اقرب للسيوله كانو سائل يعني
طريقه الاستخدام
تغسلين وجهك بصابونه
او بسدر وحليب بودره تحطين عليهم مويه يصيرون مثل الغسول
وتغسلين وجهك وتفركينه وبعدها تغسلين بمويه وتحطين الخلطه
تحطين الخلطه. نص ساعه عاد تحملوا انا احطها واجلس ع الدفايه اتابع. قناه بدايه
وهي تنشف بس يبقى اجزاء بوجهك مانشفت عادي
انا احطها بوجهي ويديني ورقبتي
بعد النص ساعه. تغسلين بمويه دافيه بعدها مويه اقرب للبروده
ولو حابه تحطين كريم على وجهك بعدها حطي
انا احط الخلطه قبل انام واحط كريم وانام
وبس تغسلينها شوفي انفك يلمع من النظافه ووجهك نظيف نظيف من قلب
انا اول مره حطيتها اخوي الصغير قالي الحبوب صارت باينه ووجهك نظيف
لانه يطلع الحبوب على برى ويفتح البشره
صح ويسكر المسام
وبعد مرتين بتشوفين النتيجه.
دعواتكم لي بالزوج الصالح والذريه الصالحه وبنات المنتدى وبنات المسلمين اجمين
عندي كذا تجربه بس تطلع معي نتائج بكتب لكم على طول