عطورالوفا

عطورالوفا @aatoralofa

محررة برونزية

تجربتي لعملية المنظار الرحمي العلاجي لازالة التصاقات بطانة الرحم

تأخر الحمل

اهلين اهلين اهلين
نبغا نفيد ونستفيد ونجتمع هنا للي عندها نفس مشكلتي
الحمدلله دائما وابدا
اخيرا تمت عملية ازالة التصاقات الرحم بنجاح
بعد تأجيل العملية اكثر من 3شهور سبحان الله
كل ما يقترب وقت العملية او بالاحرى وقت الدوره اللي ب اسوي بعدها العملية تتاجل ب سبب
اما لايوجد سرير
و اما عندك كحة مزمنة
واما الدورة تأخرت مانزلت
او اشتباه حمل 🧐
واما نجرب بمنظار مائي بالعيادة طبعا بدون بنج وكان هذا اخر شي بس ما مشي معاهم الماء ف عرفوا انو فعلا عندك يافلانه مشكلة ف لازم نعملها لك بالتخدير الكامل ونجتهد في البحث عن سرير
واخيرا يوم الاربعاء الماضي سويتها من جد شلت همها جدااا ما صدقت انها تمت الا بعد ما افقت من البنج واسالهم هاه ايش شفتوا ايش حصلتو بشروا نادوا الدكتوره فهموني ايش حصل
من جد فرحة عمري هالعملية كانت عقبة بوجهي اذا رجعوني بدون موعد عملية 😭
طبعا للي مايعرف ليش سويت عملية المنظار الرحمي العلاجي
انا تاخرت عن الحمل 3سنوات وماكان فيه اي سبب مقنع لتاخر الحمل
وبعدها اكتشفت انو فيه اسباب بسيطه من جهة زوجي وتعالج وتحسن كثيررر
واما من جهتي ف كل ما اروح عياده يقولوا انتي تمام وتحليلك كلها سليمة مافيك شي بس نجرب معاك الحقن او التلقيح
طبعا رفضت الحقن والتلقيح
قلت اجرب اول شي اشعة الصبغه واطالبهم ليل ونهار ابغاكم تسوون لي هالاشعة هو الشي الوحيد اللي ما سويتوها
قالت طيب بس ماعندنا غير بنج موضعي فقط
طبعا رفضت لان قد جربته فما استطعت اكمل الاشعة والاخصائيه رفضت تكمل يعني فيه صعوبة ومشكلة
لفيت كل مستشفى عندنا حكومي وخاص وماحصلت احد يسويها بالبنج الكامل
الا مستشفى واحد فقط خاص ب 4000ريال 🧐 تقريبا عطيناها المبلغ الجامد وفيه استغلال
وسوت لنا وكانت النتيجه التصاقات شديدة وانسداد بالانابيب كذلك شديدة 🤔


بصراحة فرحت اني عرفت مشكلتي اكثر من حزني بالنتيجه
بعدها تم رفع اوراقي للرياض وابلغتهم بالنتيجة التصاقات وانسدادات وانو لازم افكها ومافيه بمنطقتنا منظار تشخيص وعلاج في ان واحد 😩 ومافيه الا بالرياض


وبعدها صارت المرمطه كل ما قالوا بنسوي لك المنظار العلاجي تجي مشكله واسباب ذكرتها فوووق 🤧
الى ان فُرِجَت اخيرا يوم الاربعاء 21مارس 2018-
الموافق 4رجب 1439 تم تجهيزي استعدادا لعملية المنظار الرحمي العلاجي


بعد الفجر يوم الاربعاء تجهزت لبست لبس العمليات وصمت قبلها من الليل 8ساعات


نادوا على اسمي يالا يالا يالا وينننننك وانا بالحمام مبسوطه استعد 🤕 والدكتوره تنتظرني من الساعه 7 لان عمليتي 7ونص
ومدة العملية ساعة بالكثير
الا ذا كانت معقده الالتصاقات بيوقفون العملية ويعيدونها مع الشهر الجاي لان كمية التخدير كان حق ساعة فقط
المهم وصلت لغرفة التخدير سألوني عدة اسئلة واسوء سؤال تكررر عليه هو ايش رايك نعطيك ابرة في الظهر ويكون العملية تخدير نصفي 😱 قلت لاااااا انا عند كلمتي ابغا بنج كااامل عشان تاخذون راحتكم وانا اخذ راحتي 🤓 قالوا خلاص اكيد ماتغيرين رايك قلت لا 😡
ورحت لغرفة العمليات وشفت الدكتورات الجميلات الله يكتب اجرهم مرررة بشوشيييين ومبتسمين ويذكروني بالادعية
يالا قولي اللهم لا سهل الا ماجعلته سهلا وانت تجعل الحزن اذا شئت سهلا
وقولي بسم الله الذي لايضر مع اسمه شي في الارض ولا في السماء وهو السميع العليم
دايما اسوي عمليات ماقد احد ذكرني ب دعاء اقوله 📣
المهم وجاء دكتور التخدير الله يسعده كان دايما يكرر هالكلمة متسترة ياختي متسترة متسترة لا تخافين 😭
وتوكلي على الله والعملية مامنها خوف ويدعي لي
ويالا مدي يدك ويعطيني ابرة التخدير
واتشهد وانااااام نوووم العافيه 😌
والا وانا بغرفة الافاقه 🙁 صحيت او وعيت الساعة 9🤪
اسال واسال ولا احد يعرف شي كلهم ممرضات مو نفس اللي معاي بالعمليات المهم ورجعوني غرفة التنويم
وبعد ساعتين جاتني الدكتورات كل مرة تجيني دكتورة وحده تتطمن عليه ونفس السؤال اسألهم ونفس الاجابة احصلها منهم
كم مدة العملية قالت نص ساعة او اقل
ايش شفتوا قالت عنق الرحم ضيق جدا و التصاق بسيط جدا في اعلى الرحم
وكيف كانت العملية قالت سهلة وبسيطة وسريعة
يارب لك الحمد
لاحظتوا العكس بالمستشفى الخاص ايش كان التشخيص التصاقات وانسدادات شديدة
بالحكومي قالت ولا شي التصاق بسيط جدا ما اخذ مننا اكثر من نص ساعة
المهم سوو توسعة بسيطة لعنق الرحم وازالوا الالتصاق البسيط في اعلى الرحم
وسالتهم عن الانابيب قالت لا تشيلي هم الانابيب دام احنا بنعمل لك اطفال انابيب
واذا حابة بعد شهر موعدك نشوف موضوع الانابيب بالعياده 😷 من جد خفت من كلمتها مادري ايش قصدها يمكن تحقني بالصبغة عشان تتاكد
قالت العملية اللي سويناها لك منظار عن طريق الرحم مو عن طريق البطن ف مايبين الا بداية انابيب فالوب وشفناها سالكة بالصبغة اما من الانابيب الى المبايض ما تبين الا بالمنظار البطني
طبعا سألوني اسئلة كثيره في التنويم اللي اتذكرها ؛
واعذروني على المصطلحات اللي اذكرها لكم لانها بالضبط نفس كلام الدكتوره :
وقت الجماع تحسي ب الم في البطن او في المهبل؟ جوابي كان اكثر الم في بداية الجماع اتعب كثير مثل التقلصات احسها
تجيك الالام وقت الدورة في الحوض ؟
جوابي من شدة الالام الدورة ما انام الا بعد مااخذ دش حار عالرجلين خاصة وعالظهر احيانا
التهابات جاتك متى ؟ جوابي ما اتذكر قد جاني التهاب بالرحم
عمليات بالرحم ؟ جوابي ما سويت اي عملية بالرحم ولا حمل ولا اجهاض
تستخدمي علاج اعشاب من تحت ؟ جوابي لا 🙁 واخاف اصلا
مثل اللي يستخدم معجون لقاح النحل وطلع النخل مع العسل تحاميل مره خطيرة وتسبب التهابات وغيرها كثير عند المراخات
واخيرا العلاجات اللي عطوني في عملية المنظار هو اثناء العملية عطوني محلول مضاد للالتهاب عن طريق الوريد مع المغذي وبعد العملية عطوني حبوب مضاد للالتهاب استخدام 5ايام كل 6ساعات قوتها 500مل طعمها وريحتها كريهة اسمها CEFRIN-250 حبتين يساوي 500 مل غرام
وعلاج اخر هو مسكن وقت اللزوم والحمدلله مااستخدمته - الالام بعد العملية مغص محتمل اللى الان يزيد اذا نمتي على بطنك بس افضل تتجنبي النوم عالبطن
طبعا انا وقت الدوره انام على بطني ادري مكروه بس غصبا عني لانه يخفف الم كثيرررر وانام مرتاحة
- ونزول دم بسيط مختلط مع محلول الصبغة كل ما اشتغل بالبيت ينزل اكثر
عسى فهمتوا الوصف
هذا اللي اتذكره ....
طوووولت عليكم كثيررر اللي عندها ايس سوال او استفسار تحطه هنا عشان يكون مرجع للكل وتجاربكم حطوها هنا نستفيد
وافضل يكون تنبيه عالخاص اذا تبغون اجابات لاي سوال عندكم لان ما ادخل لمواضيعي دايما
شكرا دعواتكم
48
111K

يلزم عليك تسجيل الدخول أولًا لكتابة تعليق.

تسجيل دخول

عطورالوفا
عطورالوفا
شي مهم
ايش سبب ضيق عنق الرحم ؟
فيه اسباب كثيره
وهل ضيق العنق يؤخر الحمل ؟

من الاسباب ضيق عنق الرحم قد يكون خَلقي
وقد يكون بسبب تعرض المريضه للاشعاعي او الليزر يمكن انا وقت علاجي للاورام تعرضت لاشعاعي كثير يمكن يكون سببها الله اعلم
اما تاخر الحمل وعلاقتها بضيق عنق الرحم طبعا وهذا شي مهم
لان الحيوانات المنويه يصعب دخولها في مكان ضيق

اخيرا؛ الجماع الافضل يكون بعد العملية باسبوع على ما يخف الالم واذا فيه التهابات تخف مع المضاد
وسلامتكم
قطوة56
قطوة56
رفع
مسلمة 💗
مسلمة 💗
جزاك الله خير ع افادتك ..عقبال الحمل ياااارب
فوز محمد♡
فوز محمد♡
حمدلله على سلامتك وعقبال ماتبشرينا بحملك
رحلة طويلة
رحلة طويلة
حمد لله على سلامتك وربنا يرزقك الحمل بس ايه اعراض اللى شوفتيها ولا عرفتى بالمنظار بس