تجربتي مع أوباااااااااااااجي

مرحبا بنات ..

حبيت اخبركم عن تجربتي مع مركز اوباجي .. خاصة ان الكثير منكم كتب عن اوباجي .. في الموضوعات التالية اللي بعضها احبطني و( هشّم ) معنوياتي .. وبعضها الاخر شجعني انفذ اللي في راسي :21:

كل اللي تبون تعرفونه عن (أوباجي) هنيه

طبعاً تعرفون ان اختكم الحبيبة عروس .. وتريد تعدل هالويه اللي ما عاجبنها شي فيه :41:

المهم اول شي كنت اعالج بالتقشير الكيميائي عند دكتورة جلدية بس ما فادني علاجها ..

قلت خلاص ما فيه غير اوباجي واللي يصير يصير ...

اولاً :
انا بشرتي دهنية وفيها المشاكل التالية :
- اثار حب شباب
- ندوب
- مسامات واسعة
- اختلاف لون البشرة
- هالات سودا >>>>>>>>>>>>>> كل هذا فيني :06:

هذا طبعاً كله مخلي بشرتي ما فيها اي نوع من النضارة ..

المرحلة الاولى :
كانت عبارة عن استخدام كريمات اوباجي لمدة 6 اسابيع .. مرتين في اليوم ..

نتائج هذه المرحلة :
احمرار البشرة وتقشرها مما ادى الى اختفاء بعض المشاكل وصفاء البشرة نوعاً ما ..

المرحلة الثانية
مرحلة التقشير الازرق
سويتها من اسبوع
هي عملية يتم التخدير فيها ووضع مادة على الوجه لمدة 20 دقيقة او حسب البشرة ..
نتائجها
10 ايام من الرعب لج ولاهلج واحسن شي تقفلين عليج غرفتج وما تخلين حد يشوف ويهج :42:
لييييييييييييييييييش ؟؟؟؟؟؟؟؟؟؟؟؟؟؟؟
تخيلي
ويهج لونه ازرق مخضر
متنفخ من كل مكان
ومنشد على الاخر لا تقدرين تضحكين ولا تاكلين ( ببأ مفتوووووووح )
بعد اربع ايام يبدا يسود والماسك ييبس ويبدا يقشر
وعاد كله صوب والنفسية في صوووووووووووووووووووووووووووب

المرحلة الثالثة :
مرحلة النقاهة
وانا الحين بديت فيها :
نظام كريمات يقوي البشرة ويعالجها من كل اثار العملية .. من احمرار او غيره ..

النتيجة النهائية تطلع بعد 6 اسابيع من المرحلة الثالثة ..

انا مرتاحة وايد مع العلاج .. وتغير ويهي بشكل كبير .. بس انتظر اخلص هالاسابيع علشان يروح الاحمرار ..
بشرتي صارت غضة مثل بشرة الاطفال .. والمسامات تضيقت وما صارت باينة مثل اول
وكل اثار الحب راحت .. ولون بشرتي صار واحد اللهم باقي الاحمرار اللي بيروح مثل ما قال الدكتور مع الوقت ..

هذي تجربتي حبيت انقلها لكم بكل امانة بعد ما قريت بعض الردود المحبطة من الاخريات ..

واذا عندكم اي استفسار انا حاضرة .. بس دعواتكم عاد :27: