عساااااااااااكم بخير؟ وياااارب تكونو بألف صحة وعافية
حبيباتي اليوم بكتب لك تجربتي
وبصراحة هذي اول مره انزل تجاربي بمنتديات
لاني دائم اجرب وافيد اللي حولي من اقارب واهل
لكن بما إنكم مثل اقارربي واهلي
قلت خليني انزل تجربتي لهم ويااارب تفيدكم مثل ما فادتني ..
قبل لا اقولكم تجربتي احب اقولكم
إني كنت استخدمها في إستعدادي لفرحي
قبل سنه تقريبا
طبعا لاني كنت ادرس فما كان عندي وقت
للخلطات والكريمات وحمامات البخار وما ادري ايش
فكنت شايلة هم السواد وعدم توحيد لون البشرة
بحثت بالنت وبحثت ولقيت الإسكينول بالليمون
اول شيء - إستخدامه سهل جدا
وسعره رخيص ومتوفر لأي وحده مننا
قلت يابنت خليني أجرب مو خسرانه شيء
المهم جربته على اكواعي وركبي
وكل مفاصل فيني
ورقبتي والمنطقة الحساسة والأرداف
يعني أي منطقة حسيتها أغمق من باقي جسمي
( وكنت احس بحرقان بالمنطقة الحساسه لما احطه بس عااادي ما اغسله اخلية لين يجف
وما سبب لي أي حساسية او اي شيء)
والله يابنات واقسم لكم بالله إستخدمتها
تقريبا شهر وشويا
ولون ركبي صار قررررريب من لون بشرتي
ونسيت شيء إسمه اكواع سمرى
والمنقطة الحساسة هيا كانت اكثر منقطة
كانت غااااامقة بجمسي
لكنها فتحت عن قبل كثييير
لكن لو إستمريت اكيد كان راح السواد مثل ركبي واكواعي
طريقتي كالتالي
\
1\ قطن دوائر من جنسون حق المكياج
2\ اسكينول بالليمون
اخذ قطنه وابلها بالمحلول
وامسح فيها على المنطقه
مع حركات دائرية بالقطن (كأنك تحطي كريم
عشان تتشربه البشرة)
مرتين باليوم
كنت احطه الصباح قبل لا اروح الجامعة
والمغرب بعد ما ارجع
وكنت حاطتها بالحمام ( الله يعزكم ) لاني نسااايه كثير
طبعا كل يوم وإنتي تشوفي السواد ينزل في القطنه
وهذا الشيء اللي يحمسك تستمري
وتستمري لين يروووح
تصدقون يابنات إن إختي كانت بشرتها افتح مني
ويوم سونا مقارنه بالركب
كنت انا مثل لون بشرتي
وهيا اسمر مني بالركبه
رغم إن وجهها افتح مني
حتى أمي إستغربت وإختي
وكلهم صارو يستخدموه
لان اهم شيء بالبنت مو البياض
اهم شيء توحيد اللون
والنعووومة ,,
طبعا هذي تجربتي معاه ...
(وعلى فكره فيه كثير بنات يمدحو اسكينول بالبابايا
للتفتيح لكن انا ماجربته واحب اقول كل وحده وبشرتها إذا حسيتي إنك تحسستي منها
غير نوع الإسكينول وخليك ع البابايا اخف من الليمون ع البشرة)
والهدية اللي قلت لكم
<< اقولكم قصتها عشان تتحمسوو ؟
طيب خلاص موقااايله ....
طيب طيب خلاص بقوول :27:
هذي وحده من صديقاتي وجهها مليان حبوب
وآثار وبلااااوي
المهم قبل يومين شفتها بعد آخر يوم بالجامعة
ماشاء الله تبارك الله كان وجهها فررررق
مراااا
بدأت الحبوب ترووح واللمعه اشوفها بوجهها
والحمار والصفاء ماشاء الله
انا ما عمري سألت احد وش سويت
لكني ماقدرت ما اسألها
قلت لها \ ماشاء الله وجهك متحسن عن قبل مرااا
وفرررحت ياقلبي عليها لانو كان معقدها
قالت \ انا اسوي حمام بخار لوجهي
اجيب قدر واحط فيه مويا حار واعرض وجهي له
10 دقايق لحد مايعرق
وبعدها اسوي سنفره بالمشمش او اي مقشر للوجه
واجلس افررررك وجهي 5 دقايق او اكثر
وبعدها اغسل واحط قناع الزبادي
لمده 30 دقيقة وبعدين اغسله وامسح بماء الورد
وبـــــــــــــس
عاااد ذكرتني بإهتمامي قبل الزواج
والله كنت اسوووي نفس الشيء
لكن فرق القناع بعد التقشير
انا كنت احط قناع بنت عذارى للنضارة والبياض
ملعقة زبادي+ ملعقة عسل + ملعقة عصير برتقال
واخليه 30 دقيقه
والله يابنات كان وجههي يلق وكل آثار حب الشباب اللي بهذلني بالمتوسط راحت
ما شاء الله
المهم البنت حمستني ارجع لأيام الإهتمام يوم كنت عند اهلي
والله وارجع ذلك اليوم البيت وعلى طووول اسوي اللي قالت
ومن اول مرااا تحسي فرررررررررررق
تحسي وجهك إتنظف من الأعمااااق
والأفضل للي ماتهتم بوجهها إنها تسويها مرتين بالإسبوع
لين يصفى وجهها ثم مره بالإسبوع
هذي تجاااربي الشخصية
واتمنى منكم ذكر الله
والدعاااء لي بأن ربي يسخر لي زوجي
ويجعلني قرره عينه
وكل ما سويتي احدى تجاربي
لاتنسيني بدعوه من قلبك بأن ربي
يييسر على دراستي وحملي
وربي يجعلكم بألف صحة وعافية
ويبلغكم رمضااان :cook: