تجربتي مع اشعة الصبغه اللي اجلتهاسنه

السلام عليكم \
يابنات نصيحة لوجة الله اللي طلبت منها دكتورتها تعمل الاشعه لاتتردد
وهذي تجربتي
انا قبل سنه بالضبط طلبت مني الدكتوره الاشعه ومن هذاك الوقت وانااسوي موعد
واكنسل من الخوف ومن اللي قريته عنها في النت
وامس تشجعت لاني شفت 4من جاراتي حملوا بعدها مباشرة
وسويتها في المجمع الطبي العسكري بالضهرانالسبب الثاني اللي خلاني ااجلها ان اللي يسويها دكتور
وكل جاراتي سووها عنده
دخلت وانا خانقتني العبره اني بتكشف قدام رجال غير زوجي
المهم دخلتني الممرضه الغرفه وغيرت ملابسي لبست لبس التنويم وعليه النقاب والشيله بس شلت البنطلون والكلوت وغطتي كلي بشرشف اخضر مفتوح فتحة صغيره على القد المنطقه
يعني الحمدلله على الاقل تستر جسمي وكان معي في الغرفه الممرضه وممرض بس بعيد واقف عند شاشة الاشعه وجهزتني الممرضه قبل ماتغطيني دهنت المنطقه ببيتادين
ولما صرت جاهزة كلمت الدكتور يجي
جهزتني الممرضه يمكن حوالي 7دقايق
ولما دخل الدكتور خلص شغله في3دقايق
وسع عنق الرحم وحقن الصبغه بسرعه
بالنسبه للالم بصراحه لما يوسع عنق الرحم الم بسيط انا خفت مرره وكان الدكتور سعودي قال تري اذا شديتي بتتالمين تبغين اوقف لين تهدين لان رجولي تنفض من الخوف قلت كمل وخلصني
والله العظيم رخيت نفسي قلت يمكن انه صادق وربي معد حسيت
ولما حقن الصبغه ماحسيت الا تذكرت جارتي لما تقول تجيك زي تقلصات الدوره وحسيت الم كن بطني مليان مويه الا الدكتور تركني وراح ولما كان طالع قال ابشرك امورك طيبه والممرضه بتطلع اللي فيك
اللي هيه اداة توسيع عنق الرحم (بوز البطه)
كل هذا تم يمكن في 3دقايق الدكتور سريع ولايدقق في منطقتك الممرضه تساعده وهوة نضره موجه للشاشه في الغالب
والحمدلله يارب والله احس اني سويت انجاز يوم اني سويتها
ادعوووووا لي بالذريه
وكل محرومه يارب