تجربتي مع النحافه

السلام عليكم ورحمة الله وبركاته .. كيفكم صبايا > ان شاء الله بخير
حبايبي بقولكم تجربتي مع النحافه المؤلمه ،انا انسانه من عرفت نفسي وأنا نحيفه ولاشي فادني وأيام أنحف نحف هيكل :( ،>يارب م تنعاد
كنت اكل كثير بس كأنك يا بوزيد م غزيت ،قلت لازم اهتم بنفسي خصوصا أن عمري بالعشرينات


بديت نص شهر 8 أخذت ميسجور وكبد القد وحبوب الخميره وما لقيت غير الخمول والكسل والنوم ( صح المسيجور فتح شهيتي بس كرهته لانه سبب نوم مو طبيعي) ،ومليت منه وتركته
ورجعت لشهيتي الضعيفة ونفسيتي المتأزمة ع النحف ، قلت أكيد ماتقبلها جسمي أو انه يتقبل بشكل بطي > أختكم م عندها صبر وتركتها
وأمسك النت وأعقد ابحث لخلطات تسمن اقعد بالساعات >إصرار وتحدي
المهم ،لقيت خلطتين قلت بأخذها بسبب أنها أكثر شئ اجمعوا عليها البنات في النت وبشكل كبير أنها تسمن
أكيد تعرفونها أو قريتواعنها
واليوم الثاني نزلت السوبر ماركت ،اتوقع ببداية رمضان او قبله بيوم واشتريها بكل حماس ،
وما تكلف كثير

قلت لازم إبدا من بدري ع العيد وأكيد كل وحده تبي لها طله:33::

وجلست عليها يمكن أسبوعين ، بنات حسيت أني أبي اكل وحسيت بامل انو بسمن

كنت أخذها كوب من الخلطه الأولى بعد التراويح وكوب من الثانية بعد السحور واحيانا الكوبين ورى بعض إذا انشغلت > وقتها أحس بثقل مؤ طبيعي بس اهم شئ النتيجة

المهم بعدها جات عزيمه لاقاربي والكل يقول سمنتي > بس مو السمنة الي أبيها
لاني اخذ كوب من كل خلطه وهي لازم أكثر ، زدت يمكن كيلوين أو كيلوا ونص بس نعمه أنو جات ههههههههههههه ،بنات مؤخرتي كبرت شوي مدري منها أو من الرياضه رغم أن رياضتي قليله أو نادره وطلعت خدود بسيطه
فرححححت وقتها لكن بديت أهمل فحسيت أنو شوي شوي نزل وزني
ورجعت لها الحين وان شاء الله أن شاء الله م يجي العيد إلا وسمنت السمنة الي أبيها من غير شر يارب

ادري طولت بس للأمانة قلت لازم انزل الموضوع بالتفاصيل

واخيرا الخلطات هي ..
الخلطه الأولى : حليب أبو قوس كامل الدسم وليس المكثف ، وعصير مانجو الي تحبينه
ألطريقه .. تحطين بالكوب نص من الحليب ونص من عصير المانجو وتحريكهم بالملعقه ع يمتزجوا

الخلطه الثانية : نوتيلا وزبدة الفول السوداني (peanut butter ) وطحينيه ساده وحليب سائل كامل الدسم
الطريقة .. ملعقتين كبار من كل شئ والحليب ع حسب (أنا أخلي الخلطه شوي ثقيلة ) انتي ومزاجك
إذا تحبين تزيدين الأكواب بكيفك ' أنا خفت لانها كلها ثقيلة



والبنهايه ان شاء الله أني أفدتكم ووربي مانزلت الموضوع إلا من باب تجربه وع معاناة البنات الي مثلي
وماابي منكم إلا الدعاء لي أن ربي يحقق م أتمنى ...والي تجرب الخلطه في أي وقت وتذكرتني لاتحرمني من الدعاء
وأبي تجاربكم > عاد شدوا الهمه