تجربتي مع زيت التاج للشعر .. وحلاوه رقه المشاعر للجسم

العناية بالشعر

السلام عليكم ورحمه الله وبركاته
بخبركم عن تجربتي مع الزيت والحلاوه
الزيت لي شهر ممكن استخدمه احيان ثلاث مرات واحيان مرتين بالاسبوع
لاحظت شعر خفيف بدا يطلع في الغره شعر صغير
ومافي ابدا نعومه وتحسنت شوي التقصف وماحس الشعر ثقل ولا كثر
بس هي الشعر اللي بالغره فقط
وحلاوه رقه المشاعر تندمت اني شريتها
خرطي خرطي
اولا تقول تكفي الجسم مرتين او ثلاث ماكفتني الا مره وحده فقط مع اني نحيفه جدا يعني لو اني سمينه كان بقول يمكن
وكاتبه معاها عصا خشبيه وتطلع بالنهايه بلاستك نفس اللي تجي مع كريم نير انا اكرهه المبالغه في الوصف والكذب
وكمان زادت الطين بله قسم بالله طلعت مسامات بيدي وصار الشعر يطلع في اسبوع
مدري ليش ابدا مافي كلمه وحده صح من اللي مكتوب بالعلبه وحاطه15 فايده وهي قسم بالله مافيها فايده ولا ناسبتني ابدا
مرررره مقهوره من الحلاوه والزيت كنت حاطه املي بعد الله فيهم وطلعت خرطي
تكفون اللي عندها زيت ينعم وشي يخفف مسامات الجسم والشعر تخبرني
والف شكرررر
10
4K

يلزم عليك تسجيل الدخول أولًا لكتابة تعليق.

تسجيل دخول

سوسوالفيصل..
سوسوالفيصل..
الله يسعدك ويحقق لك كل ماتتمني انتي وخواتك ياااارب العالمين
وكل من قال امين
ذكرى الفجر
ذكرى الفجر
للامانه انا جربت زيت التاج ونعم شعري على العموم اختي ترى الشعور تختلف اللي يناسبك ممكن مايناسبني و

بس جربي زيت جوز الهند مع الاملج انا نعم شعري كثببر بس مااستمريت
انفاس الغروب
انفاس الغروب
زيت التاج شفت نتايجه على بنت جارتي
كثر,,,وصار ناعم,,,وطويل
لكن لقيت بالبحث بقوقل عدة انواع,,لزيت التاج,,,ماأدري انت أي نوع استخدمتي
سوسوالفيصل..
سوسوالفيصل..
مكتوب على العلبه زيت التاج
وسعره كان خمسين ريال للعلبه
طيب الله يسعدك بسئلك كم علبه استخدمت وطلعت لها النتيجه؟
انفاس الغروب
انفاس الغروب
فعلاً هو كان بخمسين ريال
ولحد الحين ماخلصت علبه,,,شعر بناتها كان قلييييل مره,,ومره ناشف,,مايل للخشونه
وكمان مو راضي يطول
لمن شفت شعر بناتها متغير,,,,سألتها,,,راحت جابت العلبه,,الا هو زيت التاج
وتاخذه من مندوبه
ملاحظتي,,للشعر بناتها,,بعد استخدامه
الشعر طال,,,وكثر,,عن اول,,,وتحسين فيه نعومه,,وحياة
جارتي الثانيه,,,راحت دورت عليه عند العطار,,لقيت نوع ثاني بـــ15 ريال
لكن خافت تاخذه,,وطلبت هي كمان,,,من التاجره,,ولساتها مااستخدمته