your_services @your_services
عضوة جديدة
تجربتي مع شعري المتساقط التالف والنتيجه خلال اسبوع باذن الله
السلام عليكم ورحمة الله وبركاته أول موضوع لي يهتم بالجمال وأول مشاركه تفاعليه وبإذن الله راح أكون بينكم لأنقل لكم تجاربي وأستفيد من تجاربكم جيت لكم اليوم بمعاناة سابقه مع حلها عشان الكل يسسستفيد منها والله يابنات الشعر هو زينة البنت تكفوون يابنات لاتهملون شعوركم أبد لايصير فيكم مثلي في البداية تساهلت فيه كان يتساقط كثيررر وفجأه صار جاف وينفش ويتعقد صار قليل للاسف كل مره أهمل أقول بعدين بعدين المهم في يوم من الايام كان فيه عزيمه وبديت انتبه لشعري انه فعلا يفششل وإنحرجت كثير من هاللحظه حسيت فعلا لازم ابدأ تغيير من هنا بدت نقطة التحول بشعري مدحت لي صديقتي زيت للشعر مدح كثير انه يرطب ويطول وانها مجربته ومن هالكلام و و الخ قلت لها اصبري مابي كل هالخربطه ضروري التفت للمهم وفعلا أول شي قررت اسوي تحليل عشان اشوف سبب التساقط وبعد ماطلعت التحاليل وكان كل شي تمام الحمدلله بفضل من ربي بديت بالمرحلة الثانية فققرت أقص شعري وأبدأ من جديدبديت علاجي بشعري الفعلي قصيته كان نص الظهر قصيته قصير أسهل في العنايه وعشان يستجيب أكثر .. بصراحه أحب الشعر الطويل تضايقت في البداية بس لما تذكرت انه تالف وخفيف هانت علي ودعيت ربي يعوضني بأفضل منه ثاني شي : غيرت الشامبو استخدمت شامبو عضوي من الصيدلية من شركة FURTERER مره جمييييل يابنات أنصح كل بنت أنا أخذت حق تساقط الشعر ونوع ثاني للتالف من نفس الشركه ثالث شي قطرة أخذتها من اي هيرب عضوية shen min مره مفيده للشعر أخذتها وشفت عليها تقييمات عاليه بس لو مو قادره توفرينها عادي تقدرين تستغنين عنها رابع شي والأخير والمهم اللي على قد ماتجاهلته في البداية ندمت زيت أخذته على مدح صديقتي لترطيب الشعر وتطويله ولمعانه والحمدلله جاب لي نتيجه ..
نبدأ بطريقة العلاج .. احرصي قد ماتقدرين على الاهتمام الكامل بنظافة شعرك بمعنى لاحظي هل فيه قشره أو فطريات لأن لو كان فيه فطريات أو قشره من الطبيعي أن يكون دهني أو متساقط اذا موجود فيه ضروري تعالجين هالشي استخدمي شامبو نيزوال لعلاج قشرة الشعر وإلتهاب الجلد الدهني مرتين بالاسبوع سعره اتوقع 15 ريال استخدمي القطره تونيك shen min topical hair nutrient يوميا قبل النوم والمهم تنزلين راسك لتحت وتبدين تدلكين فروة راسك لمدة 5 الى 10 دقايق ونامي موضروري تغسلين شعرك بعدها لان اصلا مايبين انك حاطه شي ومالها ريحه واذا مو متوفره استغني عنها
استخدمي زيت الشعر أنا استخدمت واحد أخذته من تاجره جميييل جدا للتطويل والتنعيم والترطيب واللي لاحظته مايتشابك الشعر وريحته تجنن مو مثل الزيوت المعتاده بس عادي لو حابه استخدمي اي زيت شعر يناسب لشعرك مرتين بالأسبوع
قاطعي جميع الشامبوات عدا الشامبوات العضوية الطبيه أنا استخدم شامبو أخذته من الصيدليه جدا سبق ذكرت اسمه بأول الموضوع جمييييل عضوي أخذته لتساقط الشعر
وخصصت لي يوميا أشرب كوب عصير بنجر ( شمندر ) مع برتقال وجرجير محلى بعسل < عصير سحري للشعر والبشره
والأهم من 6 الى 8 كاسات مويه يومياراح تلاحظين الفرق من أول أسبوع
بس نصيحه نصيحه نصيحه استمري على الطريقه واعتمديها في برنامجك اليومي العنائي للشعر
راح يقل التساقط راح تلاحظي الفررررق نعومه ولمعان بالشعر وحيوية
والله على ما أقول شهيد ..
تجربتي مع معاناتي مع شعري المتساقط التالف حبيت أنقلها لكم وإن شاء الله نستفيد جميعا ونفيد وأعتذر على الاطاله
23
19K
يلزم عليك تسجيل الدخول أولًا لكتابة تعليق.
ام تالين المطيري
•
ماشاء الله .صادقه الشعر زينة المراءه. الله يبارك لك بشعرك .واهم شي التحصين وقرايه الرقيه ..
الصفحة الأخيرة