تجربتي مع قهوة الشعير

السلام عليكم ورحمة الله وبركاته

حبيت اذكر تجربتي مع قهوة الشعير للاستفادة

انا وحدة من الناس طول عمري من يوم وانا صغيرة اشتكي من التفيخ في كل جسمي ...يعني من وجهي الى اصابع يدي وحتى رجولي فجاة تتنفخ لوحدها وفجاة تنسم...بدون سبب اكون جالسة والاقي جسمي يتنفخ لوحده بدون سبب..

بعدين اكتشفت ان هذا الشي وراثي ورثته من امي..يعني جسمي طبيعته يحب يجمع المويات ويحبسها....وهذا الشي مع الزمن غير انه يسبب السمنه كمان هو ممكن يؤدي لارتفاع ضغط الدم لاسمح الله...وعلى فكرة امي عندها ضغط...

المهم..قرات في قوقل عن فوائد الشعير...وبحكم طبيعتي الكسولة...يعني مافيه حيل اجيب الشعير واغليه واشربه..ولافيه حيل احمصه واطحنه واعمله قهوة...قامت اختكم في الله جابت قهوة جاهزة من عند المطحنة...تجي قهوة جاهزة في علبة يادوب احط ملعقة كبيرة في موية مغلية واغليها لمدة دقيقة واصبها في الدلة بعدين احط علها ملعقة او نص ملعقة زنجبيل بودرة وبس... واجلس اشرب منها طول اليوم...
ماشاء الله لا اله الا الله...التنفيخ اللي كنت دايما اشتكي منه راح وكل اهلى لاحظوا حتى رجولي صغرت:icon28:...بس بصراحة لمن اجلس فترة ما اشرب من القهوة يرجع جسمي ينتفخ تاني ...يعني لازم تكون قهوة الشعير نظام حياة..
بس من جد استفدت منها كتير..غير انها لذيذة...كمان تعطي نشاط للجسم وما تعمل ارق في الليل..لقيت فرق كبير في نشاطي وفي شكلي والكل لاحظ..

صراحة لو كتبت كتاب كامل عن فوائدها ما اوفيها حقها..

بس في تنبيه بسيط...قهوة الشعير بالزنجبيل بتنحف الجسم بعد فترة من استخدامها...يعني ما تجي وحدة نحيفة وتدعي عليه لانها نحفت زيادة..

اللهم صلى وسلم وبارك على سيدنا محمد صلى الله عليه وسلم... يارب لك الحمد كماينبغى لجلال وجهك وعظيم سلطانك...

من جد نفسي ادق على كل بيت واقولهم ...اشربوا قهوة شعير يوميا...وادعولي