تجربتي مع مشغل جدﻻء

مساء الخير بنات
اليوم رحت اقص لبنتي في مشغل جدﻻء اللي في حي الملك فهد العليا ..المهم رحت قبل المغرب وسألت الموظفه عن كوفيره معينه قالت قبلك زبونتين بيسوون تسريحات قلت مو مشكله بجلس انتظر وقعدت يمكن ساعه ..بعدها قالت زبونه انها حابه تسوي شعرها عند نفس الكوافيره اللي طلبتها انا ..قلت للموظفه انه دور بنتي في القص قالت ﻻ هذول مجموعه جايين مع بعض وهم اولى قلت لها ..طيب ليش تقولين لي قبلك زبونتيين بس ليش انتظر ساعه او اكثر واخرتها تخلين زبونه ثانيه تخش دور بنتي قالت المشاغل كذا ..وقلت طيب اصبر بعد لحد ماتخلص الزبونه وامري لله اتفاجأ ان الزبونه كانت طالبه بس سشوار وبعدين طلع سشوار وتسريحه وسكتت وقبل تخلص تقول لي الكوفيره الدوام حقها خلص وقصت لبنتي مستعجله وقالت خﻻص بطلع طيب بنتي استشوري شعرها عشان نشوف القصه قالت ﻻ بطلع وخل كوفيره ثانيه تستشور لها قالو انتظري كمان ساعه لحد ماتفضى الكوفيره ..ياصبر ايوب وانا معي طفل صغير وقلت امري لله اصبر وجت الكوفيره استشورت لبنتي وطلعت القصه جهه اطول من جهه والحل قالت انتظري كوفيره تشوف القصه وقسم بالله انتظرت نص ساعه كمان وجت الكوفيره وذيك النفسيه وشافت القصه وعدلت بس ماش القصه مو مضبوطه ابدا ..وش رايكم انا غلطانه وﻻ معي الحق