تجربتي مع منقوع الزعتر والزنجبيل...رووعه

السلام عليكم ورحمة الله وبركاته







صباح/مسالخير ..




كيفكووم .. شخباركوووم ..؟




اولا : أنا سعيده جدا بتواجدي بينكم .. استفدت كثير منكم ومن تجاربكم ومن خلطاتكم ..
وحبيت انقل لكم تجربتي مع الزعتر والزنجبيل والقرفه والقرنفل ..
انا ما صار لي مدة طويله استعمله ..
بس اني بيوم مريت وشفت مواضيع البنات وحبيت اني اجرب .. وفعلا النتايج كانت مرضيه
انا مشيت على نظام تخفيف وما كنت امشي ولا رياضه ولا شي .........نزلت عليها في شهرين 10 ك ..
ومن شهر تقريبا انتظمت على تخفيف + مشي نص ساعه على السير + رقص نص ساعه ..... نزلت 10 كيلو بشهر
بعدها وقف وزني بالمرة خير شر مو راضي ينزل ... تعقدت وبغيت الا اتدمر ... بس اني لقيت بين صفحات هالقسم موضوع لوحده من البنات عن الزعتر مع التفاح ووحده ثانيه عن الزنجبيل والقرفه والقرنفل ..
عجبني وقلت بدل ما اكل التفاح بالزعتر اني اشربه مغلي لاني ما اتحمل الطعم ..
والحين صار لي اسبوع نظام سعرات + مشي ساعه + رقص ساعه + منقوع الزنجبيل والقرفه والقرنفل ..
اتعب وانا اقولكم خطير خطير خطير ..
فعلا كل يومين انزل كيلو كيلو ونص .. رووووعه يا بنات حبيت انقل لكم تجربتي لعلكم تستفيدوا ..


عدلت على الموضوع ... لاجل أكتب برنامجي بالتفصيل للبنات اللي طلبو مني هالشي ..

امممم بقولكم يوم نموذجي من يومياتي بس طبعا مرات اقصر في شي وازود شي بس هذا النظام حطيته لنفسي واحاول التزم فيه قدر المستطاع .. احاول ما ازيد عن 1500 سعره ابددن وان قل فأحسن كمان لاني مستعجله ما اابي امل واتركه بالنص .. لاني اعرف نفسي روحي ونفسي قصير مالي بالصبر

اول ما اقعد من النوم شرب كوبين ماء دافي على الريق .. اغلي ماي واحط عليه ملعقة زعتر بري (ما اعرف اذا هو نفسه الاورغيانو او لا بس مكتوب عندي زعتر بري)+ قرفه + حبتين قرنفل (مسمار) + زنجبيل مبشور ...
اقطع تفاحه واكلها معهم .. اضيع طعم المر بالتفاح ..
بعد ربع ساعه الى ساعه ع حسب اكل شريحتين توست اسمر او نصف رغيف لبناني اسمر مع جبن قريش او شريحه خالي من الدسم او مبشور شيدر قليله دسم او بيضه مسلوقه او ساعات البيضه اضربها مع شوي بقدونس مقطع وعليها ملعقه صغيره زيت زيتون وعلى صاج زي الاومليت (طبع بيضتين في الاسبوع)
+ نصف خيارة مع كم ورقة خس


اذا جعت بين الفطور والغدا اشرب نصف كوب عصير برتقال تروبيكانا او تفاح >> أقل سعرات ..

الغدا

ربع دجاجه (الاغلب صدور) مشويه او مسلوقه ومنتفه في الشوربه او مع الخضروات .. او لحم بمقدار شريحه استيك وحده خالي من الدهن .. مشوي او مسلوق مع الخضروات او مع بصل وثوم وفليفله بالفرن .. او سمك مشوي او صينيه بالفرن قطعه قد كف يدي
+ نصف خبزة اسمر او ثلاثه ارباع علبه الروب رز مشخول او معكرونيه .. او نصف كوب شوفان اذا بحطه في الشوربه اوعلبه روب كامله برغل مطبوخ .. مع سلطه خضار او تبوله من غير برغل او قليل من البرغل مع نصف كميه الملح اللي كنت استخدمها لانو مو متعوده ع خضار بدون ملح بس قد المستطاع اخفف واكل اكل صحي ..
ممكن اضيف روب خالي من الدسم او مع كوب لبن خالي من الدسم
ممنوع شرب الماء خلال الوجبه


العصريه
كوب نسكافيه بدون حليب او سكر او قهوة او شاي اخضر او احمر بنعناع بدون سككر

احاول امشي ساعه ابديها بالتدرج بالسرعه من خفيف الى اسرع الى ان اخفف ساعه او على الاقل ساعه الا ربع .. اشرب خلال الرياضه ماي سمعت انه مو زين لكن سمعت من طبيب على التلفزيون قال انو مافيها شي شرب الماء خلال الرياضه بالعكس يفضل المهم اني اشرب ماي بس يكون دافي ..
مرات قبل الرياضه اخذ ملعقة بذرة الكتان لاجل انها تحرق الكورستول

بعدها بساعه ونص الى ساعتين اكل برتقاله او تفاحه نوع فاكهه او سلطه خضراء واذا كنت جيعانه اكل وجبه عشاء زي الفطور

اقوم اتحرك حركه سريعه مرات رقص ومرات تمارين للزنود او الارداف او الكرش المهم انو ساعه ركض او صعود الدرج انا حره المهم اني ما اجلس

عقب قبل لا انام اشرب كوب زعتر وزنجبيل وقرفه وقرنفل + مع تمرة

المشكله اللي صايبتني بامانه يا بنات انو النوم خف عندي كثير وكله مهوجسه على الريجيم وطاير النوم من عيني لدرجه اني اصدع مرات
لكن الحمد لله شغله لقيتها وان شالله بتكون هي الحل للايام الجايه جربتا امس ونفعت انو اشرب كوب حليب خالي او قليل الدسم قبل النوم ويكون دافي .. واذا ما كنت متعشيه اخذه مع كورن فليكس والله
اني ما احس بجوع الحمد لله يمكني لانو مخففه صارلي مده لكن كان وزني ثابت ومو راضي ينزل مع انو امشي نص ساعه زودت المشي والحركه ونزل ورجع ثبت قمت اشرب هالزنجبيل والزعتر والقرفه والقرنفل نزل شوي والملابس كلها وسعت علي .. وخواتي كلهم مستانسين يقولون لي خصرتي ورقبتج طالت .. ومن هالحركات اللي تشجع الحمد لله .. ان شالله بستمر .. دعواااااااتكم لي والله اني مليت متن عمري صغير وما عشت حياتي لا لبس وكله كآآبه ابي اطلق حريه نفسي شوي .. واوصل للوزن المثالي ياهوووووو....انطلق .. تحمست شكلي بروح العب الحين هههههه

على فكره اللي اسألوني كم الوزن ؟

انا طولي 170
وزني اول ما بديت تخفيف كان 124
يوم بديت رياضه كان 115 في شهر نزلت 10 كيلو وان شالله بلا ردة .. دعواتكم
بنات شجعوني اني التزم .. لمن اوصل اقل شي 70
خاصه انو فيني السكري



والسمووحة منكم على الاطاله ... واعذروني على التاخير في الرد لاني توني جديده ومو مسموح لي باكثر من 3 مشاركات ..


ويعطيكم العافيه ...:)