بسم الله الرحمن الرحيم
السلام عليكم ورحمة الله وبركاته
حبيت اقول لكم قصتي مع الرجيم
طولي 151
طبعا انا بحياتي ما سويت رجيم صحي >>> هههه تعترف بعد
انا بولادتي الاخيره ما رجعت زي اول لأن صابني تسمم حمل وهالشي يزيد وزن الحامل بشكل مو طبيعي
المهم طلعت من الاربعين قلت ابوزن شفت نفسي ما نزلت غير شي بسيط
على فكره انا قبل ما احمل وزني كان 55 وبعدين سمنت الى 60 وحملت بهالوزن مع اني حاطه ببالي اني اذا بغيت احمل لازم انزل وزني الى 55 ..... بس هذا اللي صار... المهم حملت وبداية الاشهر نزل وزني بسبب الاوحام وصار 58 ك وفجأه ارتفع عندي الضغط اثناء الحمل >>> والسبب الزلال
وما جا الشهر السابع الا والوزن 73 ك >>> اجل في التاسع كم هههه
بس اني ما وصلت للتاسع .... على طول ولاده ....... خلاصة الكلام بعد الولاده بــ 6 شهور وزني صار 68 ك وعلق مو راضي ينزل ...... جربت رجيم دشتي وتعبني حيييل ونزلت عليه 4 ك وبعدها سويت رجيم 8 في 10 وبعدها رجيم التفاح والرمان وبعدها رجيم الرز والزبادي وبعدها رجيم العنب >>>> حقل تجارب هههههه
وصار وزني 57,6 ك :icon28: المهم اخر رجيم سويته >>> بعد ما خلصنا هههه
هو رجيم (((( التمر واللبن ))))
وكان مدة 21 يوم ( ثلاثة اسابيع بالتمام والكمال ) واكلت فيهم (441) تمره و (62)علبة زبادي منزوع الدسم
وبين فيني هالرجيم حيل مع اني ما اتبعت الرياضه كلش .... شغل البيت وبس
وملاحظاتي على هالرجيم هي كالتالي :
1) يــا اسهال يـا امساك ... وانتو بكرامه
2) ما يوم نقصت تمره وحده عكس اللي اتبعوا هالرجيم يقولون انه بعدين بتقللين عدد التمرات لأنك بتملين ... انا الصراحه ما مليت فكنت اخذ التمرات كلهم
3)انصح بمتبعين هذا الرجيم يخلون لهم كل اسبوع وجبه ياكلون فيها اللي يبون ...لأن انا تفلسفت وما خليت لي ولا يوم اجازه وهالشي ثبت الوزن عندي...... و لو اني كاسره الرجيم كل اسبوع ولو بوجبه وحده كان نزلت ازيد من كذا
4) اول رجيم اتبعه وما اصير عصبيه واظافري ما تقصمت وشعري تساقطه قليل جدا وصحتي احسن من اول بكثير ... انا قبل كنت اشتكي من الم الراس ومن الم في العظام بعد ما سويت رجيم دشتي بس مع هالرجيم والله كل الالام راحت
5) صادف جاتني الدوره الشهريه ومع ذلك استمريت والحمدلله ما صار فيني اي شي بل العكس (احسن دوره )
6) اللي يساعدني على الاراده اني احط موضوعي بالمنتدى وكل يوم بالليل ادخل واقول بقى لي كذا...
ــــــــــــــــــــــــــــــــ
واحب اقول لكم بعد هالرجيم صار وزني >>> نزلوا اشوي
صار >>> بعد نزلوا
ولا اقول ما راح اقول وزني الا اذا شفت تفاعل من البنات >>>> صج نذالـــــــــــــــه هههههه
انتظر تفاعلكم
لا....... لا خلاص صار (((( 54,6)))
على فكره لا تقولون قليل
لازم تلاحظون ان انا من رجيم الى رجيم ......و وزني قرب عالمثالي وهالشي يخلي الوزن صعب نزوله
بس والله اني صرت احلى من قبل الحمل بكثير وعمري ما وصلت لهالوزن بعد الوزاج وانا اقول ودي اوصل بس 55 والحين صار ودي اوصل الى 46 ك >>>> قولوا امين
والحين بكسر الرجيم يومين او ثلاثه بالكثير وببتدي نظام التخفيف الشديد بأذن الله
...
يعني أنتي اتبعتي ريجيم التمر واللبن ؟؟؟
وكم عدد التمرات ؟؟واللبن كم الكميه ؟؟؟
ردددددددددددددي ظرررررررروووووووووووري
يارب تنزلي للوزن اللي تبغينه