تجـآربـي في عآلم البشرة , و كيف تغلبت علي مشكلاتي ! مصحوبة ب دعوآتي لكم

السلام عليكم ورحمة الله وبركاته


أتمنى تكونوا كلكم خير وأفضل حال

انا فيني طبع أني أحب افيد غيري مثل ما ابي استفيد
اسرار و أني اتكتم عن اشياء اسويها لا ما اعرف بالعنايه او الطبخات او اي شيء ثاني
قررت هنا احط لكم كل شيء جربته وفادني وكمان اللي جربته وضرني و أسال الله لكم الفايده
وايوه كمان انا نصيرة الطبيعه يعني كل اشيائي بسيطه وطبيعيه
بستعرض لكم بعض المشاكل وحلها "




1- العرق : :confused:

المنفر والبغيض
هذي الطريقه استخدمتها من ايام الجامعه للآن وطبعاً عارفين الجامعه حركه ومشي وتعب ووقت طويل لكن بطريقتي هذي كنت الين ارجع من الجامعه مافي لا رائحة عرق ولا اصلاً عرق والمكان جاف,
أصحى اتحمم واخذ معي نصف ليمونه فيها شوية ملح خشن لما اخلص حمامي افرك فيه الابط بحركة هاديه وبعدها اغسلها واجففها
لما اطلع والبس احط خلطتي الخفيفه والفعاله جداً (بودرة أطفال+شبه مطحونه+مسك القرشي مطحون) وهذي محتفظه فيها واستخدمها من سنوات واضمن لك ان شاء الله لا رائحة ولا تعرق ولا أسوداد ..



2_ حبوب الكتفين والظهر : :unhappy:
عملت لي خلطه صابونيه من اختراعي باني جمعت الصابونات الفعاله للحبوب والمبيضه بعد
(صابونة الكركم
صابونة المر مع الصبر
صابونة البابايا بالحبه السوداء
كوب ماء ورد
صابون مغربي
ملعقة كركم
م حليب بودره
م نشاء
جلسرن مقدار ثلاث اغطيه
الطريقة: بشرت الصابونات ماعادا المغربي لانه سائل
سخنت المويه واضفت الصابونات عليها لين ذابو واضفت الكركم والحليب والنشاء والجلسرين , عبيتهم بعلب وصرت اتحمم فيهم
على طول اختفت الحبوب لكن للامانه لما شفتها بعد فتره لقيت فيها عفن طبعاً جهلا مني احتفظت فيها بالحمام_اكرمكم الله_ وهالشيء عرضها للرطوبه *لذلك اللي تعملها تحتفظ فيها ب الثلاجه وتقدري تضيفي اشياء تناسبك مثل زيت اللوز او جنين القمح او اللي تبغيه
* ملاحظة: اهتمي بالترطيب دوماً هو اللي يحدد صحة بشرتك وتفتيحها مرطباتي كلها من فازلين كان لوشن زبدة الكاكاو وبعدين صرت اتسخدم لوشن توحيد البشرة


3_حب الشباب:
عانيت منه من بداية البلوغ جربت اشياء كثيرة من غسول نتروجينا و الترمس والحلبه والمره مع الطحينيه وكلها كانت تسبب تحسس لوجهي واحمرار ولا راح ولا شيء
العام بس قررت احل هالمشكله من جذوررها رحت لدكتور جلدي بمستشفى حكومي(لان الخاص صراحه لي معهم ذكريات سيئه) وصف لي حبوب مضاد حيوي ماعرف اسمها وكريم مقشر والحمد لله من استخدمتهم اختفت الحبوب لكن لظروف قطعت كورس العلاج لان الحبوب لازم وصف طبيب لذلك صرت اكمل على الكريم والحمد لله راضيه جداً الان وحتى ان ظهرت حبوب بسيطه فترات استخدم المقشر وتختفي والحمــدلله على مامن عليّ به ,
* لذلك انصح اي وحده تعاني من حب الشباب لاتضيعي وقتك بالخلطات روحي دكتور جلدي لان الحبوب مرض جلدي يبيلها علاج داخلي وخارجي
غسولي المفضل لوجهي غسول الشاي من بودي شوب وماستخدمه يومياً يعني فترات بالاسبوع او بعد ازالة المكياج


4_الأظافر:

لاني احب اطول اظافري وعندي مشكلة انهم لما يطولو على طول يتقصفون ويتكسرون بديت استخدم فيتامينات صراحة مافكرت فيهم ل أظافري لكن لاني اتعودت اكل فيتامينات لاني مااهتم بالاكل كثير وجبه باليوم والسلام والحمدلله اظافري طوال وقويات وبدون تقصف
اسمهم (BiO CAP)فيتامينات شامله كثير مكوناتها


5_
صنفرة تلمع وتنظف وتنعم الجسم
صنفرتي هذي معتمدتها من زمان ماكذب واقولك اداوم عليها لكن اكيد قبل اي مناسبه استخدمها
جربتها اخر مره قبل اشيل شعر جسمي وبعد ماتحممت ونشفت جسمي وشلت الشعر ب الحلاوه ماشاء الله ماقد شفت رجولي نظيفات من الشعر حتى الصغير مثل ذيك المره
وقررت اعتمدها ك خطوه اساسيه قبل الحلاوه
تجيبي اي علبه حطي فيها سكر+ملح اعصري فوقها ليمونه واضيفي زيت الزيتون الكميه بالنظر لكن اهم شيء لاتغطي السوائل على السكر والملح سكري العلبه ورجيها كويس
وابدي اعملي سنفرة لجسمك فيها اتحممي بصابونه مغربيه وجففي جسمك ورطبيه وشوفي النتيجه الحلوه لكن اذا كنتي ناوية تشيلي الشعر لاترطبيه وابدي على طول بالحلاوه
وثاني يوم لما يهدأ الجسم ويرتاح بشوفي النتيجه اللي تريحك وتبسطك
*ملاحظه :
الطريقه هذي احبها واحب مكوناتها استخدمت اليمون والملح بعد دهن الركبه والكوع بعمل صنفره لهم وشفت نتيجة مرضيه جداً ,


هذي تجاربي البسيطه واللي الحمد لله حصلت فايدة منها بدون ضرر اتمنى قدرت افيدكم و اضيف لمعلوماتكم هالاشياء البسيطه والجميلة
:26: