ياقلبي الله يفرج همك ويقر عينك بشوفه جنينك سليما متعافي أستخيري وشوفي إذا الكيس مايكبر حجمه نفسه ولافيه ضرر خليه أما يكبر ويخافون ينفجر ألحقي نفسك لانه ممكن يسبب إلتصاقات ويعدم الانابيب

السلام عليكم ورحمة الله وبركاته :)
أخباركم رابطات ؟ انا بالنسبة لوضعي لا جديد .. انتظر الفرج :)
بنتظر :
استخيري ياقلبي قبل لا تسوين اي شي .. وإذا فيه صلاح وخير لك بيسره رب العالمين

الفرج انه :
أعرفك على نفسي :)
أختك مجبوس لحم :)
العمر ٣٥ سنه متزوجه من ١٣ سنه
الأبناء : ولدين وبنت حالياً :) وقريب ***** الله أقولك نوع اللي بينضّم لهم :)
تاريخي في الحمل :
عندي إجهاض واحد وولاده مبكره ( توأم أولاد ) وهذا الربط الثاني لي والأول الحمدلله ناجح
الآن انا في أواخر حملي ( ربطي الثاني ) ولله الحمد ما صادفتني مشاكل فيه يعني أتحرك واطلع عكس الاول ( طلعت على السابع ) وفليتها على هذا الشهر ... عندي مشاكل مرافقه في الحمل مثل السكر لكن الالتهابات لله الحمد مكافحتها :)
أعاني من فوبيا الأماكن المغلقة والمرتفعه والصراصير والطيارات وعندي وسواس قهري تجاه الموت والقبور وموت احبابي لكن لله الحمد إيماني بالواحد الأحد خلاني اقاومه واقدر اسيطر عليه
هواياتي : القراءة والطبخ والشوبينغ والسفر ( مع أني أخاف من الطيارات خخخخ )
الوظيفه : مدرسه سابقاً وأداريه بعدها وقاعده في البيت حالياً اجازه مرضيه وناويه على سنه امومه :)
قتلج قصّة حياتي خخخخ .. تبين تعرفين شي آخر بعد :)

عليكم السلام ورحمة الله وبركااته ..
هلا مجبوووس .. يارب تقومين بالسلامه انتي والبيبي ..
الحمدلله استفدت منك ربي يجزاك خير ..
واليوووم بشووف لي دكتوره بالخاص عندي الم بمجرى البول احس وافرازات معي
والم ظهري يروح ويجي ..
واذا قالت طبيعي بروح الصيدلي واستشيره
لان مو معقول اذا ببداية حملي الافرازات طبيعيه ومالها علاج تزيد ويتفاقم الوضع .. هذا الدكتوره اللي اراجع عندها تقول طبيعي
وان شاءالله الاحد بروح اخذ تحويل للحكومي على كلام البنات افضل ..

ايـــه وصرت اخذ الدفاستون ثلاث مرات باليوم على كلامك ويمكن اصير اخذه اربع مرات باليوووم
وياااااااارب يتمم حملي وحملكم ويفرحنا ..

الله يتمم عليكم حملكم بخير أرجوكم كم يكلف الربط بالمستشفي الخاص مثلا المواساة بالدمام

زوجة الوافي :
انتي اي شهر الحين ؟ شكل اللي توصفين أن عندك التهاب في البول .. هل انتي تعاني من التهابات البول عادةً ( مثلي :) ) ؟ بالنسبة للمضادات إحنا في قطر ما يعطونها إلا في الثالث وفوق لكن في حالتي خذتها في الثاني لان عندي سوابق .. كثري ماي قد ما تقدرين .. وفيه غسول اسمه لاكتاسيد انا استخدمته في هذا الحمل والحمدلله ارتحت عليه مرتين في الاسبوع ووقفته اول مادخلت الثامن لان الإفرازات خفّت بشكل كبير!!
الدوفاستون تقدري تاخذيه ٤ مرات .. (وفي اليوم الواحد تقدري تأخذي ٦ حبات هذي الجرعه اللي أخذها ) لكنّي مازالت عند رأيي أن التحاميل افضل لانها هرمون طبيعي والدوفاستون صناعي والدوفاستون مع طول فترة الاستعمال يسبب حكه وأنا جابلي اكزيما:(

أبشركم رابطات الحمدلله الحمدلله الحمدلله الصداع خفّت عن اول .. موجود لكن أخف واقدر استحمله .. رجولي صارت تخرّع منتفخه بشكل فظيع الله يكرمكم النعال ما تدخل وأحس أصابعي بتنفجر :) لكن الحمدلله أنها من ضغط الجنين اهم شي أنها مش زلال .. حركة الجنين بدت تخف هالفتره ولا تخافون ترا طبيعي في الثامن تخف بسبب ضيق المكان .. أما شكلي فحدّث ولا حرج :) صوت اقرف أني اشوف حالي في المرايا .. الخشم من الأذن للأذن والسفاسف كنها قارنتها نحله والبشره جااااافه ومتشققه والشعر حالته حاله أما الجسم هذا خلوه على جنب أخاف اقولكم تتخرعون وماتنامو الليل خخخخ يكفي السواد اللي كأنه صدأ او قاعة جدر محترقه خخخ
اليوم زرت خالتي اباركلها بزواج ولدها يوم شافتني كسرت خاطرها خخخخ تقول انتي مجبوس!! الله يجيرك .. يبيلك سمكره من جد وجديد عشان ترجعي مجبوس الي اعرفها .. والله استأنست وايد عندها .. خالتي هذي امي الثانيه وبناتها راضعين معانا يعني خواتنا من الرضاعه .. عشنا طول عمرنا وما زلنا مع بعض وعلاقتنا فيهم الكل يتكلم عنها.. وحالتي إنسانه تهبّل بكل معنى الكلمه حنونه لأقصى درجه وطيوبه بشكل فظيييييع ودمها عسل عكس امي الله يحفظها شخصيتها قويه وجادّه ... اول ما شفتها بكيت لان ماهان علي أن في اول فرحه لها ما اكون معاها :(