امي سر سعادتي :

صباح الخير حبيباتي  الحمد لله الذي لايحمد على مكروه سواه  انا امس فقدت جنيني اللهم اجرني في مصيبتي واخلفني خيرا منها  دعواتكم حبايبي والله قلبي محروق عليه هذا رابع طفل ادفنه الله يشفع فيه وهو الوحيد الي جتني الشجاعه وحظنته وودعته وصورته   والله يتمم لكم على خير ويفرح بشوفت بيبياتكم وانتم بالف خير 

صباح الخير حبيباتي  الحمد لله الذي لايحمد على مكروه سواه  انا امس فقدت جنيني اللهم اجرني في...

مجبوس لحم :

زوجة الوافي : انتي اي شهر الحين ؟ شكل اللي توصفين أن عندك التهاب في البول .. هل انتي تعاني من التهابات البول عادةً ( مثلي :) ) ؟ بالنسبة للمضادات إحنا في قطر ما يعطونها إلا في الثالث وفوق لكن في حالتي خذتها في الثاني لان عندي سوابق .. كثري ماي قد ما تقدرين .. وفيه غسول اسمه لاكتاسيد انا استخدمته في هذا الحمل والحمدلله ارتحت عليه مرتين في الاسبوع ووقفته اول مادخلت الثامن لان الإفرازات خفّت بشكل كبير!! الدوفاستون تقدري تاخذيه ٤ مرات .. (وفي اليوم الواحد تقدري تأخذي ٦ حبات هذي الجرعه اللي أخذها ) لكنّي مازالت عند رأيي أن التحاميل افضل لانها هرمون طبيعي والدوفاستون صناعي والدوفاستون مع طول فترة الاستعمال يسبب حكه وأنا جابلي اكزيما:( أبشركم رابطات الحمدلله الحمدلله الحمدلله الصداع خفّت عن اول .. موجود لكن أخف واقدر استحمله .. رجولي صارت تخرّع منتفخه بشكل فظيع الله يكرمكم النعال ما تدخل وأحس أصابعي بتنفجر :) لكن الحمدلله أنها من ضغط الجنين اهم شي أنها مش زلال .. حركة الجنين بدت تخف هالفتره ولا تخافون ترا طبيعي في الثامن تخف بسبب ضيق المكان .. أما شكلي فحدّث ولا حرج :) صوت اقرف أني اشوف حالي في المرايا .. الخشم من الأذن للأذن والسفاسف كنها قارنتها نحله والبشره جااااافه ومتشققه والشعر حالته حاله أما الجسم هذا خلوه على جنب أخاف اقولكم تتخرعون وماتنامو الليل خخخخ يكفي السواد اللي كأنه صدأ او قاعة جدر محترقه خخخ اليوم زرت خالتي اباركلها بزواج ولدها يوم شافتني كسرت خاطرها خخخخ تقول انتي مجبوس!! الله يجيرك .. يبيلك سمكره من جد وجديد عشان ترجعي مجبوس الي اعرفها .. والله استأنست وايد عندها .. خالتي هذي امي الثانيه وبناتها راضعين معانا يعني خواتنا من الرضاعه .. عشنا طول عمرنا وما زلنا مع بعض وعلاقتنا فيهم الكل يتكلم عنها.. وحالتي إنسانه تهبّل بكل معنى الكلمه حنونه لأقصى درجه وطيوبه بشكل فظيييييع ودمها عسل عكس امي الله يحفظها شخصيتها قويه وجادّه ... اول ما شفتها بكيت لان ماهان علي أن في اول فرحه لها ما اكون معاها :(

زوجة الوافي : انتي اي شهر الحين ؟ شكل اللي توصفين أن عندك التهاب في البول .. هل انتي تعاني من...