السلام عليكم صباح الخير حبيباتي ربطات فيونكات ..

خواتي حبيباتي الله يسعدكم ماانسى ردودكم علي ريحتوني الله يريح بالكم وييسر اموركم وخليتوني اعرف افكر صح ..
ياحبيلك مجبوس ماتقصرين وعلى قولتك الي روعني يوم تقول كذا فكيه بدون لافحص ولا تخطيط!!
ام عمر هذا الي كان مخوفني انه فيه اطباء يتشدودون هالسالفه..


اللهم لك الحمد رحت الصبح لاستشاري التصوير وقالي الحمدلله كل شي تمام واليوم ادخل التاسع وقالي ماتحتاجين ابرة الرئة لكن لو اخذتيها ماتضر و فك الربط افضلك تفكيه اول دخولك التاسع عادي هو كذا اصلا عشان مايجيكي طلق وانتي بالبيت والرحم مقفل من تحت وتصير مشاكل ومين قالك انك اذا فكيتيه بتولدي على طول فيه ناس تجلس شهر بعدين تولد .. ارتحت الحمدلله لكلامه ورجعت للمستشفى الي قلت لكم لكن عند دكتورتي الي تابعت عندها وكانت في الولاده وسويت تخطيط ووريتها قالت مافيك طلق و خلاص فكي الربط اخر هالاسبوع او بداية الاسبوع الجاي وسالها زوجي عن التخدير قالت لا افكه لك بالعياده واذا خايفه من الالم اطلعك هنا عشان تاخذي بنج موضعي ممايحتاج يعني .. ونفس كلامك يا نور الدنيا الله يريح بالك انا كذا ناويه استخير انه اخر هالاسبوع او بداية الاسبوع الجاي وافكه باذن الله ..
والله كان نفسي اقوم ابوس راسها ريحتني ودعيت لها وهي تبتسم وتطمنك حتى الممرضات مررره كانوا حنونين ياااااارب يحنن علينا خلقه ويسخر لنا الطيبين وقت الولاده..

وبالنسبه للسعر نزل زوجي وسال وطلع الي امس ماعنده سالفه قالوا له سعر الفك بالعيادة بحدود 300 وبالكشك ب 600 يعني تمام الحمدلله ..


احس اني ارتحت وقدرت انام وانا كنت من امس صاحيه ...



الله يطمن قلوبنا جميعا ويريح بالنا وييسر لنا ولاداتنا ويقر اعيننا بالاطفال الصالحين السليمين الرضيين ياااارب ..

صبااااح الخير
نوووووم مافيه خلاص هئ هئ هئ :(
ماعرف أنام عدل خلاص... طول الليل اتقلب وأنام شوي وأقوم :(
ذابحتني هالآلآم ( الطلق الكاذب ) :( انا في كل حمل تبدأ معاي من الثامن هالمرّه من السابع ... الله يكون في العون

ريم :
الحمدلله على السلامه ياقلبي ... وهالله الله بنفسك

بنتظر :
يا حبي لتس خخخخ تهبلين مع خوفج اللي يذكرني بنفسي في اول ربط ... عيل حقروج وماعطوج مهدئ خخخخخ ... وتبين تقولين أكي مجبوس خذت خخخخ حبيبتي انا غير أحم أحم ( شعندها المهمه ) انا ياقلبي أخذهم بالصوت اقعد اصاااارخ واسووي نفسي عندي هياج ويظطرون يعطوني اياها عشان يفتكون مني خخخ بعدج صغيره ما تعرفين شلون تصرفين نفسج خخخ يبه محسوبتج خبره ١٤ سنه مستشفيات :)

دودي :
أن شاء الله الضحكه دووووم ياقلبي ... صادق والله الدكتور إحنا بلانا في الراس :)

نور :
الحمدلله انك تطمنتي والله هيأ لك خلقه اللي ريحوك ياقلبي ... باسألج ؟؟ جهزتي ولا للحين ؟؟ اذا لا انا اشطر منك :)
تقريباً خلصت بقى بس المراضيع ( ما رضّع طبيعي مايطلع حليب هئ هئ ) ولفّه للبيبي وأشياء الاستحمام ... طقم التقديم بس باقي أخذ فناجين وأكواب شاي وعصير


خل اقولكم سالفه صارت لي من جم يوم ..
انا ماقلت لكم باطلع أروح اجهز ذيك المرّه ... جاتني فرصه أن ولدي الكبير قال يمه ارجوووووج ابي أروح مع عيال خالي وحالتي فيلاجيو ( طلعة أولاد أكبرهم ولد اخوي بيروح اول ثانوي ... وأنا كللللش ماسمح أن ولدي يطلع بدوني او بدون حد كبير مع أن عمره فديته الحين بيدخل ١١ سنه لكن أخاف عليه جداً والزمن هذا يخوّف ) ترجاني مسكين وكلم أبوه وأبوه قال لازم أمك توافق .:: قلت خلاص روح والله حافظك ويستانس فقير .. مادرى أني باروح معاه من غير لا يدري خخخخخ حشى مخبر ... اختي الكبيره تقول حرام عليج ذبحتيه وإنتي صاكه عليه وأنا أبداً عمكم اصمخ .. والبس نقابي وارتز في الويل جير واروح ورآه من غير لا يحس .. وكلمت ولد اخوي وقتله لا تبين له أني انا أكلمك لكن خل بالك عليه وإذا صارله شي يا ويلك خخخخخ .. لما تطمنت انه دخل الألعاب قلت خل أروح جهة الماركات اشوف شنو الجديد بدل ما انا مشاهده بوابة الألعاب ... خليت السواق يحرسها وأنا اختي رحنا نتسوق - سحبتها معاي - اللي يبط الجبد بعض الناس شلون يطالعونج وإنتي على الكرسي!!!
دخلنا محلات الأطفال قلنا نبي المدس للبيبي والطقم كامل حق كشخة الاستقبال ( اختي مالقت اللي ابغيه في لندن تقول من زحمة اهل الخليج مافي بضايع الا بالموت ) دخلنا غوتشي وفندي وبربري وما حصلنا الطقم كامل دائماً شي ناقص .. دخلنا ديور !!! وأنا مابيه من الأساس لان يوم التوأم خذت منه ومابي أكرر :( وكنت بصراحه ابي فندي .. لقيت منزلين أطقم كيوووووووووت تهبل بصراحه وجلست أقول لأختي عاد انا مجهزه منه قبل وهي تقول اخذيه حلو .. قلت خل نشوف فرساتشي طلع المحل في اللؤلؤه وأنا مستحيل أروح هناك لانها مسألة مبدأ عندي بسبب المناظر اللي تتجمع فيه قلت خلاص توكل وجيبه .. دخل الستور قلت خل اشوف شني الأشياء اللي عنده .. عجبتني بدله خذتها لولدي الكبير وخذت له جوتي الله يكرمكم وخذت لكردش ومردش .. وأختي تقول حجيّه تراج في ديور مب سناء خخخخخ .. تذكرت بس عقب ما تدبست فيهم خخخخ وأنا لو المووووت ماقلتله خلاص رجعهم :) ويجيب الفاتورة وانصمع أني خذت ب ٩٨٧٠ :)
هذيه انا رايحه مراقبه .. الله يعين لو تسوق أصلي ... بس الصراحه اسعارنا في الدوحه نااار سرق عيني عينك .. انا صارلي سنيييين مأخذ من الدوحه غير التنانير والعبي لكن شنط وبلايز وجواتي وعطورات أخذها من برا .. وأخذها في الشتا مش صيف ( انا أسافر في الشتا الصيف زحممممه ) وتكون الأسعار روووووعه .. وإذا ما سافرت زوجي يجيبلي بحكم انه يسافر تقريبا كل شهرين بحكم شغله ..
وجلسنا ندور في المجمع واحنا ننطر الشباب يخلصون وكل شوي اتصل على ولد اخوي لوّعت جبده خخخ واتصل على السواق أقوله فتّح عيونك وانتبه .... لحد الساعه ١ وربع واتصل ويقول عمتي يقولون يبغون يدخلون سينما !!! قلت عاد ما تنعطون وجه يلّه اشوف لم الشباب ويلّه على البيت :( انا فاضيه اجلس بعد ساعتين عشان سينما !! انا إبرة السكر ماخذتها وما تغدّيت والسبب المراقبه .. ويطلعون واحنا ورآهم .. كل ذيه وولدي مادرى ولا حس أني معاه في المجمع .. حتى عيال اختي محّد درى إلا ولد اخوي اللي معاي على الخط ...
شرايكم فيني ؟؟ أنفع جاسوسه خخخخ
يوم قلت حق زوجي السالفة سكر من الضحك قال انتي الواحد يخاف منّج خخخخخخخ مباحث



ترا قاعده أهذر واسالف من الملل ... من صليت الفجر وأنا عيوني مش راضيه تغمض .. قلت خل ادش أهذر واسالف عليكم عشان تنسون وسواسكم

يسعدك ربي يامجبوس جزاك الله خير

الله يسعدك مجبوس لحم.. الحمدلله ان نفسيتك صارت احسن..
والله يخفف عنك الطلق الكااذب ويتمم حملك على خير..


والله الحمدلله اموري تمام..
ومن الربط ما رحت عند الدكتورة الحين صار لي ٣ اسابيع..
وأخذت موعدين الأسبوع اللي فات وماقدرت اروح بسبب النوم..
بس بسببكم صرت اوسوس ان عندي التهابات وصرت خايفه مع ان مافي اعراض غير كثرتها ولونها مصفر ومتعوده على هاللون الله يكرمكم..

والأسبوع اللي فات كنت اداوم مع بنتي.. دخلتها روضه ولله الحمد فرحانه ومو متعلقه فيني ..
والحمدلله اموري تمام من ناحية الحركه.. صحيح اني حاليا ما اشتغل بالبيت ولا اطبخ ..
بس مع بنتي الله يحفظها على طول حركه كل شوي توسخ حالها وكل شوي ترويش ورايحه وجايه وحتى الشغالات مافي استقرار كل شوي شغاله..
لأني اجيبهم بالشهر وحده راحت علشان طلع لها حبوب في جسمها وقالوا قرصه حشره وقالت خلاص ماراح اجي مع اني فرحت فيها لأنها تحب الأطفال وتساعدني في بنتي حبا في الصغار..
والثانيه يالله تفهم وعندها حساسيه من الروائح وانا ابغاها تساعدني في بنتي اذا وسخت بس هي ماترضى..
والثالثه الحين صغيره ما يعتمد عليها وكمان يالله تفهم عربي وماتفهم في التنظيف ولا بالكلام يعني لازم اكون فوقها علشان تفهم.. وانا ما حب الح وازن واوقف معاهم..

الله يعين..

لا تخافي الحمل السابق قالت لي نفس الشيء..
انه مفتوح شوووووي وطري .. ولا سألتها عن شيء..
وتم حملي على خير ..



التحاميل زي ماقالوا البنات من الشرج..
طبعا وبالرابع تبدأي بالحيد والمكمل الغذائي والكالسيوم ..
هذا اللي آخذه
وبعد العمليه كتبت لي ابر لمدة شهر ..
ولما سمعت انها تنفخ قلت ياريت انها ماكتبت لي اياها:44:
والحمدلله على كل حال..


الحمدلله على سلامتك..
والبنات ما قصروا بالجواب..



هو على حسب حملك والأفضل تحطي سرير لك تحت..
انا اطلع درج مره بالأسبوع لما اروح بيت اهل زوجي..
بس الحمدلله حملي اللي فات كنت اطلع بس بالبيت ولا حركه..
لكن هذا الحمل الله يتممه على خير مع بنتي والشغالات اللي كل شوي تروح فاضطر اني اتحرك ..


الحمدلله على سلامتك..
والله يتمم حملك على خير