الله يسلمكم ان شاء الله
والله يتمم لنا جميعا على خير يارب

السلام عليكم بنات ..

أنا أبي نصيحتكم لي .. بحكم أنكم مجربات للربط ..

أنا حملت قبل 3 سنوات ونص واجهضت بالشهر الرابع .. فجأة زادت معي الآم الظهر .. بعدين انفجر كيس الجنين .. ونزفت نزيف شديد .. ولصقت المشيمة .. مما اضطر الدكاترة لعمل عملية كحت وتنظيف للرحم ..

اخذت حبوب جنيرا فترة 5 شهور .. بعدين تركتها .. وما حملت إلا بعد علاج فترة طويلة ومنشطات وابر ..

قبل 6 أيام كنت حامل في 17 اسبوع .. كنت متمددة على الكنب وعطست عطسة قوية .. بعدين فجأة وبدون أي ألم .. حسيت ان فيه شي بيطيح مني .. بعد فترة ساعتين يمكن شفت قطرات دم ..

رحت ركض للمستشفى صلحوا سونار .. قالت الدكتورة الرحم مفتوح 3 سم .. والجنين صعب يعيش وانت اقرب للاجهاض ..

تنومت يومين .. اليوم الثالث جوا الدكاترة قالوا لازم تاخذين طلق .. حنا الحين خايفين عليك من الالتهابات.. وسلامة الأم بالنسبة لنا أهم من سلامة الجنين .. وطلبوا موفقتي وموافقة زوجي .. على انهاء الحمل .. رغم ان الجنين فيه نبض .. والمشيمة كان وضعها كويس ..


طبعا .. أنا تعبت كثير .. لأني كنت حريصة بقدر الإمكان اني احافظ على جنيني .. لكن الحمدلله ربي ما كتب لي .. ولعله يكون شفيع يارب ..
مع العلم اني طلبت من دكتوري اللي اراجع عنده يعمل لي ربط . . لكن قال لي ما تحتاجين ..

سؤالي لكم :

تصرف الدكاترة معي هل هو تصرف صحيح ؟؟
هل كلامهم صحيح بأن الرحم مستحيل يرجع يقفل مرة ثانية ..؟؟

هم ماحاولوا يعطوني أي دواء .. مجرد مراقبة لين قرروا يعطوني طلق .. وانا خايفة اني اكون تسرعت بالموافقة ؟!!


ثاني شي : هم قالوا انه لازم نسوي لك اشعة رنين مغناطيسي .. عشان نشوف الرحم .. يمكن فيه حاجز رحمي أو ان رحمك ذو القرنين ؟
طيب هم كيف يتوقعون هالشي ؟؟؟..

وأنا دايم أعمل اشعة ويقولون لي الرحم كويس وحجمه كويس والبطانة سليمة .. كل اللي كان عندي تكيس ..
حتى الأنابيب سليمة .. لأني عملت أشعة الصبغة ..

ولو فرضنا ان توقعهم صحيح .. وطلع عندي رحم ذو القرنين أو حاجز بالرحم .. وشو العلاج المناسب .. ؟؟


ابي نصيحتكم يا بنات .. ولو وحدة فيكم مرت بنفس الحالة .. أانا الحمدلله راضية بكتبة ربي .. بس اكثر شي مضايقني مسألة العمر .. لأني حاليا عمري 30 .. واخاف فرص الحمل تقل بعد كذا ..

يابنات احس بالم في عظم العانه يسار ومدري ليه هل هو طبيعي ؟وموعدي عن الدكتوره يوم الاثنين الجاي ولا اعرف رقمها حتى اتصل عليها

Too aspirant

اولا الله يعوضك عما فقدتي ويكتبهم لك شافعين نافعين.. 

ثانيا من الحمل الاول المفروض الدكتورة قررت لك ربط لان اجهاضك بالثلث التاني ومعروف الاجهاضات بالثلث الثاني ((( غالبا )) دليل على عدم كفاءة عنق الرحم او وجود حاجز او رحم ذو القرنين او القرن وكلها علاجها الربط 

ثالثا اذا في حملك الثاني ما انفتح كيس الجنين ولا كان معك نزيف مستمر المفروض صبروا عليك مدام مافي طلق اذكر وحده فتح الرحم معها وهي بالخاامس وسوت ربط طارئ وتم حملها على خير ووحده كمان فتح الرحم وسوت ربط بس ما نفع يعني كله بيد الله والواحد يسوي اللي عليه والباقي على رب العالمين .. لكن اتوقع للدكااترة سبب ثاني خلاهم يقررون ينزلون الحمل.. 

بحملي الاول ربطت اول الخامس لان بين في السونار ان عنق الرحم بدا يتوسع اقل من سانتي ولما ربطت قالت لي عنق الرحم لين ومع كذا الحمدلله تم حملي على خير ولا ولدت الا بعد اسبوعين من فك الربط

الحمل القادم بإذن الله سوي الربط ضروري جدا..  والان سوي الاشعة اللي قالوا لك عليها وتاكدي من سلامة الرحم علشان تحددين سبب الاجهاض هل هو عدم كفاءة عنق الرحم او حاجز رحمي او ذو القرنين 

اختى الي قبل الأخيرة
الى سالت عن تصرف المستشفى اذا صحيح او لا عشان الطلق إيه يا قلبي
وهذا الي صار معي ماكان فاتح الرحم لا بس نزل الماي
ويا قلبي نزلوه قطعه من قلبي نزلت
بنات الاجهاض يتعب أكثر من الولاده انا تعبت بعد الاجهاض أكثر يمكن بعد الأمر النفسي له دوره