مجبووووس لالا لاتشمين الفكس انتبببهي انا لما يكون عندي الجنين متوقف نبضه فالاشهر الاولى اشم كافور وهو بالظبط نفس ريحه الفكس ونفاذ زيه عشان يفتح الرحم ويساعد ع نزوله

الله يسهل عليكم ياررب

أخباري ولله الحمد طيبه
امس رحت سويت الأشعه كل شي تمام ولله الحمد..
والبيبي راسه تحت يمكن علشان كذا كنت احس بالم الدورة وبالفخذ ..
لكن الحمدلله اليوم احسن يمكن تحرك او ارتفع..

وانا يا بنتظر اغسل بنتي والبسها واحملها أحيانا اذا اضطريت..
وكمان اتربع :)
بس بم اني ما احس بشيء اتوقع أموري كويسه مع هالأمور..
فإنتي اذا تحسي بشد او ماتبغي تخاطري حاولي تتجنبيه..

لحم مجبوس
الله يعطيك الصحه والعافيه ويتمم حملك ويهون عليك..
دايما تفيدينا ودي افيدك لكن قلة الخبرة مشكله..
والله يشفيك من الصداع يارب..

السلام عليكم صباح الخير حبيباتي ..

مجبوووووس ..
ياقلبي تسلمين على السؤال ان شالله انه خف مارحت ابروح بكره الصباح باذن الله افك الربط وقلت ابخليها تفكه ببنج موضعي مو بالعياده عشان اجلس عندهم تحت الملاحظه كم ساعه عشان اتطمن فيه ولاده ولا لا لاني اعرف عمري اوسوس بس ربي يسهلها ويكتب لي الخير لاني احس بالالام قويه باسفل ظهري اذا قمت ومشيت ..

ومجبووس اعرف الفكس مو زين للحامل بعدي عنه وخليك على المسكن وشوفي وش سبته انتبهي للضغط ..

صباح الخير :)
تسلمون حبايبي على النصيحة وأنا تركته خفت :(
نور : انا الضغط الحمدلله اوكيه بالعكس دائماً يلقونه نازل .. أما السكر ارتفع هالفتره لكن ارتفاع بسيط وقاعده اضبط الجرعه مع دكتوري :(
بكره عندي موعد في الخاص وباشوف شي يقول ؟؟ والأحد موعد الحكومي والاثنين موعد السكر :(
طفرت خلاص ابي أغمض عين وافتحها ألقى أني ولدت والعملية برت عشان ماحس بأي الم ...
اليوم باروح مركز العنايه بالقدم ابي تسووي لي بديكير :) أظافري طولت وأنا اكره ماعلي الأظافر الطويله سواء يد او رجل .. أقرفه أحسها وصخه وععععع .. استغرب من البعض اللي الأظافر شطول والمناكير ما تطير منها كل يوم لون !!! يد ورجل !! وبعضهم نسوان كبار أشوفهم بالمجمعات !! مسووين عمرهم صغار يتشببون لكن اللي يسوونه في انفسهم يفشل المناكير ألوان والماكياج يقطر والأساور للكوع !! وجواتي لوبوتان مصدقين عمارهم والعبايات أشكال وألوان ؟؟؟؟
انا في سن بناتهم استحي اهوّل في عمري .. حتى في عزايمنا الخاصه دائماً احب اللوك الكلاسيك البسيط وخواتي يهاوشوني يقولون وايد كبّرتي نفسج انتي شباب !!! اي شباب عمري ٣٥ سنه مش كل شي يناسبني ..
باسأل كم ؟؟ خل شوي نطلع من جو الوسوسه والكآبه ..
هل اللي أسويه غلط ؟ صج انا مكبره نفسي ؟؟ خواتي يقولون كذا حتى زوجك بيشوفك كبرتي !! لازم تعيش
ين؟؟
انا الحمدلله مب حارمه نفسي من شي أبد .. البس واكشخ على أعلى مستوى لكن بالشي اللي احسّه مناسب .. انا اعرف وحده من أهلنا عمرها الآن ٥١ سنه لكن مكياج الموضه( تان وربعه ) والأسنان ابتسامة هوليوود والأظافر المناكير جميع الألوان والساعه ورآها١٠٠٠ سلسله واليد الثانيه أساور كارتير وفان كليف والحلق والحاله والعبي قصّات والجواتي كعب كأنها ناطحة سحاب !! انا أشوفها بصراحه مثل صباح وهم معاي بهالشي لكن يقولون سووي مش مثلها بالضبط هي أوفر لكن انتي دافنه نفسك !! يعني خليك وسط !!

يعني انا مكياجي خفيف اي شادو ومسكره وروج فاتح ولله الحمد انا بشهادة الكل جميله وما احتاج مكياج .. واغلب وقتي في بيتي بدون مكياج .. بودره ما أحط أبد إلا في الأعراس مظطره لان بشرتي حسّاسه وتتهيج بسرعه .. شعري ماحب اطوله دائماً اقصه مدرج للكتف ولونه الأصلي أشقر وبعض الأحيان اسووي هاي لايت واحيانا أصبغه كامل ( شعري مليان شيب للأسف من اللي مريت فيه ) وهو ناعم ومموج خفيف .. ملابسي تكون في بيتي بجامات قصيره او عاديه ( غرفة نومي هذي ممنوع الاقتراب منها منطقه محظورة وما يجري خلف الأبواب فيها سر حربي وماحب أبداً أتكلم عنه وماحترم اللي تكلمون عن حياتهم الخاصه ) يعني محّد يعرف من أهلي وغيرهم شنو البس وشيصير ..
اذا رحت أزور حد وهذا نادر البس جلابيه حلوه وعبايه كشخه ( ماحب القصات الغريبه والألوان أبدا ) ونعال كشخه وشنطه والبس ساعه وخاتمين فقط في كل يد خاتم ماحب الموضه اللي الف خاتم والصبع الواحد فيه خاتمين واحد فوق وواحد تحت !!
هل انا فعلا قديمه !!! هنا ادخل في بعض الأقسام اقرأ الهوايل !! واخرتها قصص خيانه وضرب وطلاق وبلاوي وزواج ثاني !!

هل لموضوع انا طرحته عشان نسالف فيه .. يله شدوا حيلكم ..

الحينش بتستلموني خخخخخ لكم صغار وأنا عجوز بينكم