نسيت بعد أقول أني مالبس بنطلونات في بيتي خير شر .. ولا في الزيارات !! بس في السفر خخخخخ تحت العباه عشان سهولة الحركه :)
مرّه ولدي جاني يقول يمّه ليش ماتلبسين بجامه بنطلون في البيت !!!!!! استغربت منه قتله ليش !! جان يقول خالتي فلأنه ( مرت عمه ) تلبس في بيتهم !!! يوم قلت لخواتي هالسالفه استلموني :) يقولون انتي زين منك ما تقعيد داخل بيتك بجلال ونقاب خخخخخخ

دكتورتي قالت لي اول ماربطت الجلسه ع الكنب والكرسي الحمام افررنجي.
لاتكثرين جلسه الارض.

مجبوس الله يعافيك ع الرد.

مجبوس يازين سوالفك
انا اصغر منك بشويتين يعني باالثلاثين
انا من النوع احب الناعم لكن مجبوس شو قصدك باالجلابيه اذا نفس مسماه عندنا لا اشوف ياامجبوس تكبيرك حيل
البسي تنوره وبلوزه فساتين ناعمه
اما البيت انا من النوع اللي البس كل ماهب ودب باالبيت لكن الاغلب بنطلون مع تيشرت

المكياج
والاساور باالعكس احلى الناعم الان الناس تركت الذفاشه بااللبس

مجبوس البسي اللي يعجبك
انا من الناس اللي كانوا الناس ينتقدونن لان مااحب الدفاشه باالمكياج الوان واشكال والان كلهم صاروا مثلي



اساس الجمال البشره والشعر باالنسبه لي
شعري حلو لكن بشرتي بعد الاحداث صارت باهته مافيه نضاره ونحفت حيل صار وزني 52

حور :
ياقلبي انا البس تنانير وبلايز وفساتين حسب المزاج خخخخخ .. اذا كانت الزياره في المستشفى افضل الجلابيه أما اذا كانت في البيت افضل التنانير والبلاد .. أما اذا زارني احد في بيتي البس أمّا جلابيه مغربيه او فستان مخصّر :)
القصير امي الله يعطيها الصحه والعافية ماترضى البسه جدام الناس حتى الميني دراعه .. حالفه علي تقول راح ينظلونك ( يحسدونهم ) لين شافوا سيقانك ( انا بيضا ومربربه خخخخ )
في الأعراس تختاظ حدها لاني من النوع اللي احب الدلعه ( فتحة الصدر ) كبيييييييره ... تحاول وتهاوش وأنا أقولها لا تحلفين لاني بالبس وإذا كلفتي وزعي خبز خخخخخخخ .. بس فعلاً كلامها آخر عرس حضرته كنت لابسه احمر والدلعه كبيره ثاني يوم العرس جاتني حساسيه في وجهي وصدري صرت كأني ضبّ :(
بالنسبه لبشرتي الحمدلله الحمدلله بشرتي الكل يسألني عن عنايتي فيها وأنا أبداً ما استخدم شي لها :)
لكن مع الحمل جاني جفاف شدييييييد في وجهي ويتقشّر وحالتي بلا أن شاء الله بعد الولاده ترجع زي قبل في حملي السابقة كنت كذا صرت سوووووووودا وشكلي مقرف لدرجة أني ماحب اشوف نفسي بالمرايه ... والحين نفس الشي .. كلمت السودانية اللي جبتها في الأربعين يوم كردش ومردش واتفقت معاها على كورس مكثّف بعد الولاده بعشرة أيام عشان ارجع مثل ماكنت :)
وهالمرّه نفاسي في بيتي باخليها تجي يوم وترك ..