ستار شوفي علامة الجمع الي جنب الاقتباس اضغطيها عند الاشخاص الي بتردين عليهم بعدين اضغطي اقتباس > مستانسه توني اكتشفها هههههههههههه

يسعد لي صباحكم جميعاً والله يتمم للجميع
حبيت استفسر منكم لي 3 أسابيع من سويت الربط وعندي إفرازات مع حكة لها اسبوع تقريبا مضايقتني ماادري وش سببها علما انها جاتني نفس الأعراض وقت استخدامي المضاد بعد العملية
أرسلت لدكتورتي قالت لي استخدمه العلاجات هذي .. مين استخدمتها قبل كذا تفيدني
canestin 1 pessary /
dactacort cream

صباح الورد 00انا اول مرة أشارك معاكم و أنا ربطت بالأسبوع الثاني عشر و الحين  انا بالأسبوع 20 00امس اول مرة تنزل معي إفرازات خفيفة بنية غامقة و إستغربت و يبقى عن مراجعتي أسبوعين هل فيه خوف وإلا عادي انتظر ؟؟ وكمان احس بالجنين نازل على تحت احيانا و يضغط و يسبب لي الم 00علما بأني ولدت ولادة مبكرة قبل سنة في الشهر الخامس بسبب ضعف عنق الرحم 

السلام عليكم اخواتي الرابطات سجلوني معكم رابطه جديده الله يتمم علينا كلنا يارب .. قصتي حملت بعد زواجي بشهر وتم حملي طبيعي لما دخلت الاسبوع العشرين انفتح الرحم وجاني طلق واجهضت الحمدلله على كل حال ، بعدها ب٨ اشهر الحمدلله حملت ثانيه وارتحت راحه كامله مع مثبتات دوفاستون بس لما وصلت الاسبوع العشرين برضو جاني الم مفاجيء مع افراز دم خفيف بسرعه خلال ٦ ساعات الم اجهضت ثانيه الله يعوضني في الي فقدتهم ،، طبعا مافي دكتور عرف سبب الاجهاضات بس كلهم اجمعو وان الاجنه ثنينهم بحجم ٤٠٠ جرام يعني لما يوصلو للوزن هذا اجهض ، واجمعو ع الربط انا الحمدلله الحين حامل في الاسبوع ١٥ عملت عملية ربط من ٣ اسابيع واخذ ابر مثبت كل اسبوع وحبوب دوفاستون وابر للتجلطات كل يوم واسبرين وفوليك طبعا قبل العمليه قاسو لي طول عنق الرحم والعنق مسكر وطبيعي ومحتارين ليش اجهض دام كلشي طبيعي ! قالت لي الدكتوره بنسوي لك الربط للاحتياط بس ولاتحطين ببالك ميه بالميه ينجح معاك لان في حالات ماينجح معها ولاننا ماعرفنا سبب حالتك .. الله يجزاكم خير من مرت زي حالتي كلشي طبيعي وتجهض في نص الحمل ؟

اختي موني
تقريبا انا زي حالتك اجهضت طفلين في بداية السادس وبحملي الثالث سويت ربط والحمدلله بفضل ربي وحده تم حملي وجبت احلا بنوتة
وكثير هنا بنات زي حالتك والحمدلله الربط ساعد بعدالله باستمرار حملهم
لكن اهم شي خليك مرتاااااااحه واستمري على علاجاتك ولازم تسوين تحليل للاتهابات كل شهر والله يتمم عليك.....لايهمك كلام دكتورتك خلي ثقتك بالله كبيره وتوكلي عليه واستودعي الله جنينك والله خير حافظ وهو ارحم الراحمين