السلاااااااام عليكم

لينا

مبروك الستيانة خخخخخخ وان شاءالله تعجبك وتريحك

دادونيا
انا كمان تعجبني كبة الميريلاند

ترا هو ورا بيتي بالضبط وصايرين هو واخويا اصحاااااااااااااب وطلبت من عنده كبه للتفرييز
خخخخ

وفيه وحده سورية دوقت عندها كبه وقالت انه حرمة تسويها بس صراحة تجننننننن خيال
اطعم من الميريلاند

وقلت لازم اوصي عليها لانه الكبة لاااازم يومبا

خصال الود

ليش ياعمري الاكل كله مفهوم

سمبوسك مثلثات اللي تنقلي يالزيت العاديه هذي
انا اخذ اللعجينة من غوار كمان جنب بيتي

اما الفرموزا هذ نوع من المعجنات ينحشي مفرومة بس مو مستوية لا نية تستوي في الفرن مفروم
معاه بصل وتحطي شوية بهارات
ويصير شكلها مربعات والعجين طبقات وهشه وهذي ماما تسويلي عجينتها لانها مرة صعبة

والبريك
نفس عجينة الفرموزا بس تكون على قد الصينية وتنحشي لحمة مفرومة مطقطقة (مستوية) مع البصل المفروم
وشرايح يندورة وتحطي القطعه التانية من العجين فوقها وع الفرن


والشيش برك
مااعرف اوصفه بس عجين صغير مرررررة محشي مفرومة (نية)وبصل وبهارات تصير شوربة اما باللبن او بالطماطم والخضار

اما البف
زي السمبوسك بس مربعات ومحشية مفرومة مطقطقة مع بصل مفروم وملح وفلفل اسود وتنقلي في الزيت بس لونها يادوب يصفر وتقوم تنفخ وتنفش عشان كده اسمه بف لانه بف خخخخخخخخخخ

وبالنسبة لطريقته
انا اللي اسوي العجين مااشتريه
اصلا ماينباع ولا يعرفوه المحلات خخخخخخخخخخخخخخخخبس حقون المدينة يعرفوه

بس تصدقوا سمعت عن محل هنا طبعا اصحابه من اهل المدينة وفاتحين هنا
يسوي منتو ويغمش وبف وفرموزا بس انا ماعجبني يمكن لانه نحن نسويه احسن من كده

امممممممم

كمان كنت اجيب من المدينة شريك وفتوت وافرزهم بس الحمدلله واحد من اهل المدينة الله يعطيه العافيه

فتح محل هنا في السليمانية اسمه مخابز المدينه وترا هو صاحب اابويا خخخخخخخخخ

وفر علينا البهدله والحمله من المدينة لهنا

وكل يوم طبعا لازم في الفطور يكون فيه فول وشريك مع الدقة اااخخخخخخخ يميممممممم

وبالنسبة للشوربات كل يوم لازم نسوي شوربة الحب وللتغير بعض الاحيان نسوي شوربة خضار او شيش برك او شوربة برغل يعني نشكل

وبالنسبة للحلا كل يوم لااااااااااازم لحوح ياربي والله مايشبعوا منه

عاد تصدقوا يابنات جوزي من المدينة لا من الجنوب

بس لما كنا مخطوبين وكان يجينا في رمضان ويشوف سفرتنا عاد لصق

امتجن جدي لما اتزوجنا يبغى كل الاكل اللي تسويه مااما

وبيني وبينكم انا ليش اخلي ماما تسويلي العجين وافرزه لاني مااعرفلو اولا

وتانيا لاني لسة ماخلصت دراستي انا في تانية جامعه ومايمديني

اجي من الجامعه العصر واقعد الف واعجن ومدري ايشكله لالالا

افرزو وانتهينا

يالله شوفوا قلتلكم اكلي واكل زوجي في رمضان كلله

انتوا قولولي ايش تسووو

استناكم

نعناع ..
ماشالله عليك احس اكلاتكم حلوة وشهيتيني اذوقها .
البف زي الجبنية ولا موالح زي السمبوسة؟؟
اللحوح وشو بعد ؟؟

هل فيه مطاعم في الرياض تضبط هالاكلات؟

ابي بنت ..
اذا جبتي اللبس من القرعاوي صوريه لنا الله لايهينك .

ما شاء الله مبروك يا فرفوسه وحبيبه
يلا بنات شوا حيكم با العد التنازلي

اسعد امراة
احس الدور عليكي الله يسهل عليك

انا الكالسيوم اسمه كالتلرات والدكتوره قالت لي استمري عليه هو والحي للولاده
بنات اشوفكم ما تتكلمون عن تجهيز النفاس من تقديمات وحلويات والا انتم ما عندكم

ياسلااااااااام عليك يا نعناع شهيتني في اليغمش والشريك والفول والدقة خلاص سعابيلي نزلت حراااااااااااااام عليك يا حبيييييييييييييي لاهل المدينة ...............
مشكورة تينا والله يسمع منك عاد اليوم معاي مغص والم في ظهري بس خسارة ما راح اولد بتاريخ ميلادي ان شاء الله الولد الجاي احسب بدقة واوقت للتاريخ ........

جوليا وخصال الود

ولكل البنات

هذي طريقة البف

العجينة
الكاسة الكبيرة قصدي اللي نشرب فيها مويه
الكاسة حقت الشاي العادية مو ابو يد (تسموها بياله اعتقد) انا اقصد الكاسة اللي بحجم كاسة جبنة كرافت الصغيرة

4كاسات كبيرة دقيق
ا م ص ملح
ا م ص نشاء
ا ونص كاسة كبيرة موية (لاتنقص ولاتزيد)
كاسة شاي الا ربع زيت زيتون

وتعجن وتعجن حتصير قااااااسية ترا انا اخلي زوجي يعجنها مااقدر عليها

ولاتقولوا عجانه تر حتكسرها لكم نبهتكم

واتركوها ربع ساعة متغطيه وارجعوا اعجنوها تاني واتركوها وارجعوا اعجنوها اوكيه

دحين نجي للحشوة

مثلا كيلو لحم مفروم ناعم
بصلتين متوسطة مفرومة نااااااااااااااعمة مرة
ا م ص فلفل اسود
ملح حسب الرغبه

طيب

ولعي ع القدر خليه يسخن
كبي البصل عليه الين تنشف مويته ويدبل
ارمي عليه المفرومة
وخلي النار عاليه الين تطلع موية المفرومة وبعدين وطي النار وغطي القدر
وخليه يستوي على مهلو بس لاتتركيه كل شوية قلبيه

ولما خلاص تنشف مويته وتستوي المفرومة حطي الملح والفلفل

خلاص كده جهزنا الحشوة وبردت هيا دحين قطفي بقدونس وافرميه ناعم ناعم واخلطي مع المفرومه

نرجع للعجين

في طريقتين عشان نحشيها الاولى صعبه وتاخد وقت وتطفش وانا عمري ماسويتها بس هذي الطريقة للي ماعندهم ماكينة الفرد حقت العجين

وهي انك تكوري العجين كور كور صغيرة قد بعض

وبعدين كل وحدة تفرديها بالنشابة وتحشيها ووتقفليها وبعدين تدعسي على اطرافها بطرف اصابعك عشان تتقفل كويس وفي روله زقزاق تقصي اطرافها فيها
وهكذا الين تخلصي الكميه

الطريقة التانيه

للي عندهم الماكينة ياسلااااااااااااااااام تسويلك 50 حبة في ساعه

تمسكي العجينه تقصي وصله قد كفك وتفرديها شوية بالنشابة

وتحطيها في الماكينة على رقم 1

بعدين على رقم 3

بعدين على رقم 4

والا تشوفي العجينة صارت طوييييييييييييييييييييييييييييييييييلة

فتقومي تفرديها وبالنظر كده تقسمي العجينة دي بالنص

تقومي تحطي الحشوة ع العجينة جنب بعض كتلة كتلة بينهم مثلا تلاثتة اصابع فرق المسافة

وتقومي تغطيها بنص العجينة التانية

وخلاص تدعسي بطراف اصابعك وتقصيها بالزقزاق

وكده حتكوني سويتي تقريبا 25 حبة << زيي

بعدين تكوني قادحة الزيت وترميهم حبة حبة وبسرعه تشيليهم يادوب لونها يصير دهبي وتتنفخ

وترا لاتقولوا كتير والله والله 50 حبة لعيلة فيها 4 انفار يادوب يكفوا

تراها خطيرة تموووووووووووووووت وبس تاكلي منها ماتشبعي


................................

بخصوص الماكينة

هي ماكينة فرد العجين الايطاليه تنباع في البطحاء من عند محلات الاجهزة المنزليه

وفي ماطور كهربائي تشتريه لوحده احسن من العجله حقت الماكينة باليد تتعب

انتوا بس قولوا لراعي المحل كده وهو يعرف

الماكينة الايطاليه ترا في زيها تقليد انتبهوا

انا اخدتها كلها على بعضها مع الماطور ب 180 او 200 شي زي كده

وسلامتكم