اما كلام الناس ماعلي فيهم اطنش اذا قالوا تعب قلت الله يكتب الاجر ماجات الجنه تحت اقدام الامهات من شي سهل
مع اني بالبدايه كانوا يقولوا راح تنسي النوم وكذا واحس بدأت اتأثر بكلامهم بس بعدين بدأت افوق وصرت اطنش

ليش تبعدهم من السيريلاك وش فيه 🙄
بالنسبة للنوم وحده من بناتي مريحه بِسْم الله عليها عادي فيها نوم حطيها وبتنام ماشاءالله الثانية لين اللحين معاناه اكره لحظه عندي وقت نومتها نومها استغفر الله صياح وتسوي حركة ماعرف شلون اوصفها المهم تتيبس تصير يابسه اذا سوتها ودي اضربها 😂😂
لازم هز وهدهده وهواش وصراخ حرب نفسيه الله يصلحها😪😪
شكلها تبي تكمل السنه وهي للحين تبي هز تخيلي في السياره اَي طفل يركب السياره بينام حتى وهو قاعد هي بِسْم الله عليها لا انا ولا من نام في السياره وتبي بس نوقفها في السياره شي فظيع هداها الله وبارك لي فيهم
لميس شغل الأجانب انا مايمشي مع بنتي احطها في سريرها لين تنام ياويلي وانسانه ماتحب ألعابها تحب مطارة الماي تحب المفاتيح تحب الخلاقين اَي شي مب لعبه تحبه
وبالنسبه لكلام الناس ان بيّنتي انج تعبانه على قولتج بس خلاص شوي وتنزل الدمعة زين إنتوا قاعدين تلعبون في نفسيتي يعطوني طاقة سلبيه احس كلامهم صج واني مب قادرة أسيطر عالوضع وخلاص وحده قبل عيد الأضحى تقول مب لآزم تشترين لهم ملابس العيد قلت ليش ان شاءالله قالت اقعدوا في البيت تعب عليج الحمدلله والشكر رديت عليها اذا ماكشخوا بناتي من اللي بيكشخ من شكى لج الحال الحمدلله نفسياً ومادياً مستعده من القهر والله شريت لهم من محل غالي بيلي كاريرا اذا سمعتي فيه علشان تعرف اني ماعندي اَي مشكله ولبستهم ذهب
وفيه ناس عكس العينه الاولى تماماً متى بتجيبين بعد عيال 🤕
وحده من فتره تقول يلا احملي إنتي مب صغيره قلت انا مب صغيره بناتي صغار من اللي مفهمكم ان احنا في سباق مع الزمن من تجيب عيال اكثر خلاص والله راضيه بعطايا الله ان عطاني غيرهم خير وبركة وان ماعطاني والله العظيم انهم احلى شي صار ويكفوني الحمدلله وراضيه باللي ربي بيختار لي إياه
وبعضهم يستظرف جيبي توام عيال وخلاص وقفي إنتوا من علشان تحددون كم اجيب ولا شنو الجنس الله يكفينا شرهم مايخلون حد في حاله

طريقتكم بالتنويم الي تقولون عليها اسمها CIO او Cry It Out اللي هي انكم تخلون الطفل يصيح لين ينام وشوي شوي يتعود ينام من حاله بدون بكى..للاسف هالطريقه نفعت مع وحده منهم لفتره معينه والحين ماعاد تبي..والثانيه والله زي ماوصفت ام سعد كذا تجيها حاله تصفن وتتيبس وماعاد اعرف وشلون انومها الله ياجرني ويعيني..
ام سعد السيريلاك عشانه حلو يصعب عالطفل تقبل الخضار اول شي..فا تبدا بالفواكه والخضار وبعدين تعطيهم سيريلاك والافضل تبعد عنه نهائي وتستبدله بالشوفان..
لميس..انا هالتعليق ماحبه واصلا مااحب اي تعليق على وضعي لايرحموني ولاينتقدوني..بس انا الي يجيني تعليقات غير و استفززز استفزاز غير طبيعي من الي ماعندهم توائم ودائما حاطيني تحت المجهر وينتقدوني مع بناتي..انا وحده من بناتي تصيح ماتحب الاغراب يشيلونها..صاحت مع اخت زوجي جتك ام زوجي وبكل عدم ذوق ((مع العلم ان علاقتي فيها رائعه)) قالت وباعلى صوت وبهواش اييييي لانك حاجرتهم ماتطلعين بنياتي ولاتخلينهم يشمون هوا ماغير بهالبيت لايروحون ولايجون..عفوووواااً؟
سالتها قد صار عندك توأم؟ قد صار عندك وظيفة لين ٣:٣٠؟؟ سكتت وتنحت فيني ماتوقعت ارد..قلت مو حلو ننتقد وحنا ماجربنا الوضع..
وفعلاً انا متى اطلعهم ان شاء الله؟ اجي ثلاث ونص..اكل وارتاح واخذهم من الشغاله لين الوقت صاير المغرب وانا بناتي من تظلم العين يتغلقون صياح وتطلب لين وقت النوم..
الويكند افرح ارتاح وان طلعت ابي اخلص شغلي ولا اتقضى سريع سريع..وش الي حاجرتهم!!
شعب يستمتع بتأنيب ضميرك بدون مايفكرون هالكلمة وش اثرها عليك..مايفكرون ان نفسيتك ممكن تتعب بسبة هالكلمة وتقارنين توأمك بالاطفال الي باعمارهم وتلاقينهم فعلا يطلعون ويروحون ويجون مع اهلهم وتوأمك جالس..
طبعا هي تركض على انه تبي احطهم عندهم او انه هي تطلعهم..وانا ماتركتهم عند امي وخواتي عشان اتركهم عندها..انا مااتحمل افارق بناتي ابد+عندي حب سيطره غير طبيعي لو اكتشفت ان الشخص الي انا تاركتهم عنده مخالف تعليماتي ممكن نخسر بعض 😅
لان انا بالاخير الي باكلها وهذول ثنتين بسم الله عليهم والله لاخرب نومهم او اكلهم اني اتبهذل مره..

تعليق ام سعد على بنتها ضحكني انها ماتبي الألعاب..لان فعلا انا بناتي كذا 😂😂
مايبون العاب تبي مفاتيحي يبون الريموت يبون النظاره يحبون الساعات..
سلسالي الي لابسته هذا اقصى طموحاتهم ينهاروووون عنده..قايله لابوهم ان قطعوه بتجيب لي غيره 😅

بنات واحد من عيالي مزكم ومتسكر خشمه ويالله ينام 💔 وسمعت ان قطرة الانف مضره للرضع ،، وش استخدم له اخاف يختنق وقت النوم مايتنفس كويس