Um.saad_qatar :

مساء الخير كتبت رد مرتين وكل مره يروووووح 😩😩 المهم الله يسلمج بنتي من كانت في الحضانه وانا أشوفها بعد ماقاموا يرضعونها مباشره بدون الانبوب ترجع وطلعت للبيت وهالشغله ماراحت حتى مره وديتها الطوارئ اختنقت ومره جاء الإسعاف يعني نفاسي كان عباره عن خرعات وتشخصت بنتي على انه عندها ارتجاع وعلموني وضعيات الرضاعه وغيره المهم مالج بالطويلة تمت بنتي على هالحال بس مب بشكل يومي بس ترجع وخف هالشي تقريباً بعمر ثلاث او اربع شهور ورجع لها بعمر ست شهور وبقوه ومعه أعراض ثانيه حساسيه في الخدود نفس القشور وجفاف وحمرت خدودها كنها فيها دم تخيلي الرضعه ترضعها وترجعها مثل النافورة بعد ماتخلصها مباشره ماتستفيد من الرضعه وكانت طول الوقت غازات وصعوبة في الخروج الله يعزج مع ان بطنها لين بس ماكانت تقدر بطنها منفوخ وكانت تصيح صياح مب طبيعي ابوها نومه ثقيل يقوم على صياحها وكنت احس التنفس عندها صعب وماخليت قطرات أنف وشفاط ماشريته وديتها قال الدكتور حساسيه حليب بقر صرف لنا حليب بريمالاك CMA علبته ذهبيه سعره أتوقع 95 ريال اول يومين استخدمته مع حليبها القديم لين تتعود عالطعم وبعدها لا عطيتها بروحه وماتقبلته وبعد اسبوع تقريباً الحمدلله مشت الأمور خفت حساسيه خدودها والترجيع ماخف بس وقف تماماً ماشاءالله الحمدلله بس الحليب له سلبيات نسبة البروتين فيه 25% بس اضطر اعوضها بالبروتين بس بالنسبه لعمرها صعب تغامرين وتعطينها اي شي شي ثاني ريحته سيئة شي ثالث بنتي صادها إمساك بطنها صار يابس الله يعزكم بس تخرج لا حظي اول بطنها لين ومايطلع شي اللحين يابس بس تخرج تكرمون الحليب وايد خفيف مايشبع ترضع رضعتها كامله وبعدها بشوي تبي ومامتنت بنتي عليه الزياده شي بسيط على وزنها ميه غرام تقريباً وبالقطاره يزيد وفرق الوزن بين بناتي من كانوا في بطني اول شي كان نص كيلو وبعدها صار 900 غرام وبعد ماجبتهم الفرق كان 700 غرام ومع الايام بنتي اللي صادها حساسيه كانت الزياده عندها ماشاءالله سريعه وصار الفرق بينها وبين اختها 400 غرام ومشاءالله صارت عافيتها زينه اقرب للمتن وبعدها ضعفت وصارت زيادة وزنها بطئية حسبي الله على بعض الناس تخيلي يشوفونها يقولون خدودها صارت وش كبر اللحين الفرق بينها وبين اختها كيلو وشي اتمنى ركون أفدتج اسفه عالاطاله ❤️

مساء الخير كتبت رد مرتين وكل مره يروووووح 😩😩 المهم الله يسلمج بنتي من كانت في الحضانه وانا...

لميس2008 :

مشكوره ياقلبي ع الرد❤❤ طيب الان وش وضعها هل استمريتي ع الحليب وكيفه مع زيادة وزنها تمام او مااثر على الوزن؟؟

مشكوره ياقلبي ع الرد❤❤ طيب الان وش وضعها هل استمريتي ع الحليب وكيفه مع زيادة وزنها تمام او...

Um.saad_qatar :

اي مستمره عليه للحين لانه الترجيع وقف ماشاءالله والوزن يزيد بس مب الزياده اللي ابيها يعني احس زيادة بسيطه اللحين كملت تسع شهور وزنها 6.400 😢 انا افضل الحليب تاخذينه تحت إشراف طبيب تشوفين اول اسبوع وترجعين تشوفين الوزن نقص او زاد انا رجعت بنتي بعد اسبوع طلعت نازله مية غرام ورجعتها له بعد شهر وثلاث أسابيع زادت تقريباً 300 غرام بس وبستمر لاني ماحب ادخل في دوامات تغير الحليب وهذا يناسب وَذَا مايناسب هو طلب تحاليل لبنتي علشان الوزن انا ماراح أسويها تطعيمتهم حق عمر السنه في ديسمبر ولازم قبلها نسوي تحليل ومابي اعذبها مرتين واتعذب معها يكفي اللي شفته فيهم في الحضانه 💔 بخلي التحليل مره وحده ان شاءالله ماعليها شر دامها تتحرك وتحبي وصحتها زينه خلاص اهم شي وبحاول أزود الوجبات بخليها اربع وجبات يومياً

اي مستمره عليه للحين لانه الترجيع وقف ماشاءالله والوزن يزيد بس مب الزياده اللي ابيها يعني احس...

Um.saad_qatar :

مرحبا بنات انا صار لي اسبوع بين المستشفيات اول شي مرضت وحده من بناتي زكمت وكحة وانتقلت لي العدوى وديتها قالوا عندها حساسيه صدر بداية ربو 💔💔💔 صرف لها فنتولين كانت تقوم مختنقه تبهدلت معاها ماكنت انام من الخوف المهم ماعطيتها الفنتولين وديتها دكتور ثاني بالأدوية اللي خذيتها فحص بنتي قال عندها خروج نفس طويل يعتبر من الربو وياليت تبدين تعطينها الفنتولين وبديت لها خلصت لها الكورس تعبت بنتي الثانيه كحة وزكام وديتها الحمدلله صدرها نظيف امس ارتفعت حرارتها اعطيها دواء حراره تخف وترجع ترتفع خفت صراحه يطّلع عندها حساسيه صدر وانا انسانه أكره الفنتولين للصغار يسبب نفضه لهم تعرفون اللحين تغير الموسم يعني بنضطر نستخدمه كل فتره الله يحفظهم ويحفظ عيالكم يارب

مرحبا بنات انا صار لي اسبوع بين المستشفيات اول شي مرضت وحده من بناتي زكمت وكحة وانتقلت لي العدوى...