السلام عليكم كيف حالكم واحوال اطفالكم ☺️ي رب بخير
جايه اشكي لكم حالي بعد اخر موعد ههههههههههه تحملو نفسيه الحامل عاد 😜انا في اخر موعد لي قالي الدكتور في واحد من اجنتي راسه ماء في المخ وقال احتمال اذا طلع وباقي فيه عمليه علطول من دكتور الاعصاب الحمد لله ع كل حال ضقت بيومها واللهم لكم الحمد راضيه بقضائه وقدره وبعد ما قريت عن الموضوع ارتحت شوي...
عاد ام سعد بسالك بنتك الي تعبانه في راسه شفاها الله فيها نفس المشكله ؟؟!
وقالو لك وانتي حامل ولا ماكنت تعرفين الا لما طلعت ؟؟؟؟
السلام عليكم كيف حالكم واحوال اطفالكم ☺️ي رب بخير
جايه اشكي لكم حالي بعد اخر موعد ههههههههههه...
لاتسبقين الأحداث ان شاءالله كل شي سليم روحي خبير أجنة لاتروحين طبيب نساء وولادة ان شاءالله مافيه الا العافيه
بالنسبة لبنتي الله يسلمج مافيها شي يوم كنت حامل وجبتها طبيعية ولا عندها اَي انتفاخ او اَي مشاكل
بعد ماطلعت من العناية وكمل عمرها شهر طلع نفس الكدمة صغيرة في رأسها قلت يمكن شي موقت وبيروح بعد فترة صار بارز يبين بس صغير كان عندها موعد شافها الدكتور قال همنجيوما وماكنا اعرف وشو رحت دكتور ثاني قال ورم وعائي دموي ورحت دكتور ثالث نفس الكلام بس نبهني انها في حال جاتها إصابة او خدش بيسبب نزيف لانها عبارة عن شعيرات دموية متجمعه وفيها كمية دم كبيره وللحين أراجع مع دكاترة الجراحة وسوينا تصوير لاعضاء الجسم نتأكد أنها سليمة شافنا دكتور أوعية ولها كذا علاج وقالوا افضل حل نصبر عليها لانها بتروح بس بعد بتحتاج عملية بعدين بس في حال صادها تقرحات او نزيف لاقدر الله بيتدخلون جراحياً وبتكون الجراحة على مرحلتين وحولوني عالجلدية بعد علشان التقرحات متخيله طول الوقت على أعصابي البنت تحك رأسها وصارت تزحف صرت اخاف يضرب رأسها في شي ويصيدها نزيف وعطوني حل ثاني بس رفضته رفض قطعي بيعطونها دواء بروبانلول حق مرضى الضغط والقلب بس لازم نراقب ضغطها وسكرها لانه يسوي هبوط ووزنها بعد لانه يسبب إسهال الله يعزكم ويسبب إضطرابات في النوم هذا مرض مب دواء والعملية قال الدكتور الأفضل مانسويها لانه بيكون الجرح طويل ومرتين بيشيلون جزء ومره ثانية بعد ومن مضاعفات العملية ممكن تسبب لها نزيف وعلى فكرة ترا قاعد يكبر اللحين صار بحجم المشمش ولونة احمر وواضح وتعالي شوفي لو رحت ولا حد شافها ودي اسجل صوتي وكل من سالني شغلته تعبت من الشرح للناس وكلت امري وأمرها لله استودعتها الله هي وأختها