ما بعرف والله
بس انا بشرب زنجبيل عادي يوميا مع الحليب او الشاي

روز💗
انا استخدم امواس حلاقه فيونس بدون جل
بس يجي موس واحد ينباع لحالو تقريبا سعرو غالي
وتشتري الامواس بكيس لحالها ماسيه السعر بس
اتوقع 4 شفرات او 6 بالخمسينات
والشفره الوحده تطول معاكي
وقبل الحلاقه احط زيت نارجين واحلق
وكل ماحسيت الشفره اتملت شعر اغسلها بمويه
والامور ماشيه ..
بس منجد حزنتتيني بخصوص التسلخات
ماانصحك تستخدمي براون اذا الوضع كدا بيسير معاكي
يمكن جلدك مع الحمل صاير حساس اكتر
.
.
سديم 💗
الله يشفيكي ياقلبي ماعندي علم
.
.
الي ردو عليا بخصوص التعليقه بعد التلوين
شيراز & LB & يارجائي & سوسو سارونه
جوود & غنج & جنان الورد & ام رهف
روز& اشراقه & شوشو العز & راما
تسلمو يااامورات
.
.
سوسو سارونه 💗
بخصوص تفاعل البنات بالتجمع على اسوار
منجد باين الخوف عليهم حبيباتي 😢
انا لما جيت اقراء التعليقات الي فاتتني
وربي كنت مرا خايفه عليها وارتحت انها راحت بالنهايه
للمستشفى الله يهديها
.
.
ام التونا 💗
الله يعينك على الشغاله
منجد الشغالات لازم تشوفي شي سيئ فيهم
حتى شغاله ماما طيبه وتضحك معانا وبحالها
بس مرا ثقيله بشغلها وطول الوقت الجوال بأذنها وهي تشتغل
يعني زي شغالتك مرا بطيييييئه والسبب الجوال دا الي بأذنها
واذا قلنالها سوي كدا تنسى وماتسويه لازم نرجع نفكرها تاني
الله يعين بسسس وماما تقول بتحملها لين بعد رمضان اذا مااتعدلت بتطلعها
وبخصوص التوزيعات منجد احسها حركه حلوه وتفرح الاطفال
خصوصا قدوم البيبي لها نكهه خاصه بالبيت ف حلو ننبسط
ونسوي حركات حتى لو بسيطه وغير مكلفه بس تسعدنا وتسعد الي حولنا بقدم البيبي - والله يجيب سوبر مان الامور بصحه
وعافيه وتبشرينا وبخصوص السرير الي تجيبيه
بصراحه ماعندي علم لاني انا كمان محتاره وماقررت
.
.
تواقه 💗
هلا فيكي ياعسسل
انا من المدينه واشتريت التعليقه جاهزه بـ 20 او 25 ريال
من محل الحربي بقربان
ومفرش الطاوله تفصيل ( فصلتها عند خياطه )
.
.
صمت 💗
المفرش تفصيل بقماش الساتان بس الجهه الي بلمعه خليتها
من جوا والمطفيه على برا والكشكشه بقماش التل
فصلتها عند خياطه
.
.
غلا عنيزه 💗
الله يحفظك استودعك الله الذي لاتضيع ودائعه
ان شاء الله خير يارب لاتشيلي هم ياقلبي
وربنا يقومك بالسلامه ان شاء الله
.
.
عمشليق 💗
الله يسهلك اختبارك يارب
.
.
كيكه وحلاوه 💗
فكره حلوووه بالكلين بس مااتوقع اقدر اسويها
مرا كسوله مافيا اسوي 😂
يادوب اختي ساعدتني ولونت الاحرف
.
.
جنان الورد 💗
تسلميلي افدتيني بخصوص الرشاد ماقصرتي
.
.
خجل الورد 💗
هلا فيكي ياعسسل ان شاء الله تبدائي تجهزي
وتخلصي امورك على خير
و وضع سلفتك منجد ملخبط بس يلا دا المكتوب
والحمدلله على سلامتها وسلامه نونتها
.
.
برنسس 💗
ياعمررري الله يسسهلك وتولدي بالسلامه
ننتظرك تطمنينا
.
.
LB 💗
الله يهونها لكي ياقلبي وييسرلك امرك
والله ينصر سوريا يارب العالمين
.
.
اشراقه 💗
الله يتمملك وتدخلي التاسع على خيران شاء الله
.
.
بيسان 💗
الافضل ماتشربي لين يجيكي الطلق
.
.

مسهلا الولاده
الي كتبوها العضوات
انا نسختها بأول صفحه

وكمان prin5c5ess
كتبت انو في طلق
ان شاء الله تطمنا اذا راحت المستشفى

سوسو بيدو
مختفيه
الله يسهلها وتجي تطمنا عنها