ميرال 🌷
😂😂
ايوا اهم شي عاذريني لاني ام العريس 😁
.
.
الي سالت عن فوط النفاس نسيت اسجل
اسمها مو عارفه مين هي 🌷
انا اشتريت لوتس الحجم الكبير حق النفاس
اخدت كيس واحد وبعدها بشوف وضعي اذا الدم كان قليل
باخد فوط اصغر من لوتس
يعني انتي خدي كيس لوتس للايام الاولى بعد النفاس
وخدي كيس حجمها اصغر يعني الي تستخدميها
دايما بفتره النفاس لان الدم يقل تدريجيا
بخصوص المشد ماعندي علم
.
.
اشراقه 🌷
ربي يسعدك حبيبتي عقبال تحضري حفلات تخرج
اطفالك يارب وتحسي بشعور ام العروس وام العريس
😂😂
وبخصوص ان عيلتكم حساسه بصراحه
نفسس وضعي انا مرا حساسه لو ماما قالت شي ليا
يمكن يغمى عليا من الصدمه 😢💔
.
.
فوق الغيوم احلامي 🌷
وزن الجنين معك نفس الي صارلي باايام اصيل
بالسونار طلع وزن الجنين 3400
ولما ولدت طلع وزنو 2750
وحاليا بالسونار قالولي وزنو 2839
ف الله اعلم هل يطلع اكتر من السونار
ولا اقل !!
وبخصوص حفلة بناتك حاولي تحضري اذا قدرتي
احس دا اليوم مميز حيكون وتبقى بالذكرى
.
.
LB🌷
الدكتوره الي اتابع عندها ايوا شاطره ماشاء الله
واعطتني دا الاسبوع فرصه امشي فيها وتكشف عليا
الاسبوع الجاي حتى نشوف نزل او لا ! ض

حكاية طفل 🌷
تسلمي على الدعوات ياقلبي
بنشوف الاسبوع الجاي اذا مانزل للحوض
ايش حتقولي الدكتوره بس اتوقع قدامي اسبوعين
حتى اخلص التاسع وبعدها اذا مانزل يمكن تحولني قيصري
والله اعلم بس الجنين متجه للاسفل بس راسو مرتفع
وبخصوص المثبتات انا اخدت ابر مثبته في ولدي اصيل
كنت بنهايه السابع او بدايه الثامن
بس ولدت بموعدي بالزبط
.
.
ورد الجوري 🌷
منجد بنتك مالها حظ بحفلات التخرج بس الحمدلله
ان اهلك حولك ويحضرو معاها
وبخصوص التخطيط حاولي تشربي عصير سيزر
برتقال بالجزر افتكر نفسي بايام بكري كانو الممرضات
يطلبو مني قبل التخطيط اكون شاربه عصير
وبخصوص نزول الحنين للحوض
ان شاء الله يجيني طلق طبيعي وينزل للحوض
بس دكتورتي مو مؤيده فكرة انو يجيني الطلق والحنين مرتفع
يعني لو مرت دي الاسبوعين والجنين مرتفع ف اتوقع تحولني قيصري قبل مايجيني الطلق كدا حسيت من كلامها
.
.
شوشو العز 🌷
دكتورتي مصره ان الجنين لازم يكون داخل الحوض
مره ماهي مؤيده فكرة اني اولد طبيعي والجنين مرتفع
ف اتوقع عندي مهله اسبوعين اذا مانزل شكلها تقولي قيصري
لانها قاعده تلمح من دحين وبنفس الوقت تنصحني امشي
لانها تبغى تعطيني فرصه للطبيعي بس بدون مجازفه
لانها تخاف على العمليه 💔
يارب ييسرها ويكتبلي الي فيه الخير
وبخصوص ام زياد ولدت ماشاء الله ربي يباركلها
.
.
ام التونا 🌷
ايوا بشد على نفسي اليوم رحت الممشى مشيت 45 دقيقه
الله يعين ويسهل

فواحة الفل 🌷
انا مستغربه من دكتورتي انها ماقالت اذا جاكي الطلق
بنعطيكي فرصه مثلا 6 او 7 او 10 ساعات اذا
مانزل الحوض نحولك قيصري ف هنا ممكن ارتاح
انهم اعطوني فرصه !
بس بشوف دي الاسبوعين لين اخلص التاسع ايش حيصير
وايش تقرر الدكتوره
.
.
خزامي 🌷
ايوا دي اخر فرصه ليا للطبيعي وصراحه انا بحاول
ابذل بالاسباب وربي ييسرها
وبخصوص الالم الي جاكي ماعندي علم بصراحه
الله يبعد عنك السوء
.
.
يارجائي 🌷
يسعدك ربي عالتجاوب بأذن الله بحاول امشي كتير
والله يسهل
.
.
ام رهف 🌷
ماشاء الله عليكي الله يعطيكي الصحه والعافيه
كويس رتبتي امور البيت 👍
وبخصوص طلوع الدرج والله مرا اتعب منها خصوصا
من يومين ماسكني شد من المؤخره ☺
فجأه جاتني بعد حفلة اصيل 😄
واليوم رحت الممشى يادوب مشيت 45 دقيقه
حتى ماقدرت اباعد بالخطوات عشان دا الشد المتعب
يعني الدرج ابدا ماحقدر عليه 😭
.
.
ام خوخه 🌷
بحاول اسوي القرفصاء ان شاء الله اقدر عليها
لان الدرج مررره مرره ماقدرت عليها 😓

اميره 🌷
انا اخدت بامبرز عنايه مميزه الي لون كيسها ابيض
.
.
ام وفاقده الام 🌷
بخصوص تخرج اصيل من الروضه
الله يبارك فيكي حبيبتي
وان شاء الله الموكيت والجلسه توصل وتكون زي ماتبغي
.
.
دموع شاعره 🌷
ربي يسعدك حبيبتي على نصائحك
ودعواتك الجميله 💋🌹
.
.
روز 🌷
ربي يسعد قلبك على النصائح
ان شاء الله ابذل بالاسباب وربي ييسرها
يارب العالمين
.
.
ام اياد 🌷
ايوا انا عشان كدا مستغربه
يعني ساميه حاولو معاها والمسكينه تعذبت
كل دا عشان ماتفقد اخر فرصه للطبيعي
بس دكتورتي كلامها نفس كلام دكتوره جوود999
مو عارفه ايش اسوي بشوف الاسبوع الجاي
اذا الجنين برضو مرتفع ولمحت للقيصري
يسير بشوف دكتوره تانيه واخد رائيها
.
.
شيراز 🌷
تسلمي عالنصايح بأذن الله بسويها
وربنا يكتبلي الي فيه الخير بأذن الله
بخصوص قطن الصدر انا اخدتها من سنتر
شركة بيجون
والحمدلله على سلامة بنت اختك ربي يخليها لكم يارب

غنج 🌷
ماعندي علم من ناحية المرايه
.
.
نجوم الليل 🌷
في حملك الثاني الجنين نزل للحوض ؟
وربنا يسعدك على كلامك المريح 💋
بخصوص روب النفاس انا اخدت حقت بنت خالتي
وبصراحه مو عاجبني لان يجي ابو 2
يعني البس الروب كت وفوقو طبقه تانيه بكم طويل
بس قلت بمشي نفسي فيها
.
.
قدري سيصبح اجمل 🌷
انا اول مرا اشتري رضاعه افينت قزاز الي تجي مدوره
وكبيره بس ام وسام تقول مرا كبيره وماتنفع للمولود
واخدت بيجون وارتحت فيها باايام بكري واخدت
برضو بتجهيزي
ف انتي الافضل تاخدي بيجون الحجم الصغير ورضاعه افينت خليها لما يكبر النونو شويه وبخصوص الالوان !!
مااتوقع ان في منها الوان
وعشان تعرفي انها حقت مواليد ينكتب بالعلبه 0+
وحلمات مايحتاج تاخدي الا اذا النونو كبر
تغيري الحلمه وتاخدي اكبر وتجي مرقمه
بخصوص التحريض ..
ايوا مرا نفسي انها تسويلي تحريض
بس دكتورتي مو مستعجله عالتحريض لان لسى ماخلصت شهري
وبشوف المراجعه ايش الي حيسير
ومرت اخوكي سوت التحريض بخاص وبعدين ولدت بحكومي؟
ولما سوت التحريض كانت مخلصه شهرها ؟؟