الله يعينك من جد

كل الغلا 💗
لازم تروحي المستشفى احتمال ينفتح الرحم
ويشد الطلق معاكي والجنين راسو فوق
لان الولاده الطبيعيه وهو مقعدي مرررا ماهي كويسه
تسبب مشاكل للجنين انتي بغنى عنها
ف روحي راجعي اذا استدعى الامر رح يحولوكي قيصري
على طول
طمنينا ايش يصير معك
.
.
كيوت 💗
بخصوص المفرش تسلميلي ياقلبي 😊
عيونك الحلوه
.
.
ام وسام 💗
ياحليل عمر النتفه ويسعد العناد الي فيه 😂
ومن ناحيه انو رافض صدرك منجد هرجه يمكن اتعود على الرضاعه طيب حاولي معاه 😪
يعني اذا جاع لاتعطيه رضاعه عشان من الجوع يتقبل صدرك
او انك تستمري تشفطي وتحطي بالرضاعه عشان يستفيد من حليبك
.
.
جود💗
بخصوص عفوره ولدت بالاسبوع 35
.
.
ام رهف 💗
ياحياتي عليكي ☺
وعلى كلامك الحلو دا
ان شاء الله اذا ولدت اهم شي سو نسخ ولصق للموضوع
يعني مايحتاج اضافات
الا اذا شفتو تعليق مهم وتبغو تحطوه بااول الصفحات
للافاده يكون كويس
والاهم من دا كلووو قائمه الحوامل والتباشير تركزو عليها
وان شاء الله تتسهل
.
.
ام التونا 💗
ههههه اجل ناويه على الوالدات
تبغي تشوفيهم بتجمع ثاني للحوامل 😂😂
.
.
ام تركي ونونه 💗
الله يعافيك حبيبتي ان شاء الله اعدل القائمه
لاني كتبت عمليتك اتحددت 18 شعبان ورح اعدلها
واخليها 12 شعبان
ربي يسهلك امرك
.
.
LB💗
هههههه ولايهمك بعطيكي سلة المهرج كامله لكي 😂🙊
ربي يسعدك
وكويس انجزتي وجهزتي الشنط
انا كمان الحمدلله جبت اغراضي واغراض النونو اذا نمت عند اهلي بس اغراض ولدي اصيل لسى ماجبتها قلت اذا ولدت فجأه
بقول لزوجي يجهزها ليا
وكويس اكتشفتي انو في حاجات ناقصه عشان تبدائي تشتريها
.
.
رنو 💗
ياهلا بهالطله ربي يسعدك حبيبتي
.
.
روز 💗
بجد فتحتي اهم موضوع يراودني دي الفتره
ومرره محتاره مو عارفه متى اشيل بس قلت بسوي الحلاوه
يوم الخميس او الجمعه يعني تاريخ 28 او 29
واوقات اقول اسويها قبل افضلي بس مشكلتي
اخاف الشعر يطلع بسرعه لان ببدايه حملي
اتهنيت مرا وكان الشعر مايطلع بسرعه ودحين كل شي اتغير
مع تقدم الحمل وسار الشعر يطلع بسرعه 💔
وبخصوص الحلاقه من تحت انا بحلق كل اسبوع مرا
قبل مااروح للدكتوره لاني بجد اطفش احلق كل شويه
خصوصا مااشوف ولا شي واحوس بالمرايه 😔
واذا مثلا جاني مغص وحسيت انها بدايه طلق
بروح بسرعه ازبط وضعي اذا احتجت حلاقه
.
.
غلا عنيزه 💗
حبيت فكره مشروب خاص للغازات
كتبتها بالملاحظات 😊
وكويس زوجك وداكي تخلصي امورك
اما توزيعات الصابون اممم بصراحه شفت هالفكره
قبل كدا بالانستقرام بس مااتحمست لها
حسيت توزيعات المرايه + الميداليه الي فيها اذكار المساء
واذكار الصباح حلووه 👍 ويستفيدو منهاا
.
.
ورد الجوري 💗
كويس رفضتي التحريض
وان شاء الله بعد ماتخلصي الاختبار يجيكي الطلق الطبيعي
وتولدي بالسلامه ياعسسسل
.
.
غنج 💗
بخصوص الحليب الصناعي
اتوقع بليميل كويس
اخت زوجي صرفولها المستشفى بعد ماولدت
بس الله اعلم اذا تسبب امساك او مغص مااعرف !!
.
.
ميرال 💗
مثلا لو اتلخبطوو بفتح الموضوع خلاص مو لازم تنسخو
كل الموضوع والنصايح والمقدمه ( مو لازم )
بس انسخو قائمه التباشير والحمل
والي تبغى تقراء اي شي من النصايح والمواضيع يسير تفتح الروابط القديمه
.
.
سوسو سارونه 💗
سلامتك - وان شاء الله تعدي اختباراتك على خير
.
.
اشراقه 💗
بخصوص ردك للتوزيعات والمفرش
تسلميلي حبيبتي عيونك الحلوه
والله يعينك على الدوام والارهاق ان شاء الله فتره وتعدي
وبخصوص التعليقات الي على الباب
لقيت بمحل الحربي اشكال كتيره وحلوه تتعلق على الباب
بس مو زي الصوره الي حطيتيها
.
.
قطعه غيم 💗
مبروووك ياقلبي والحمدلله على سلامتك
😍
.
.
خزامي 💗
الله يعينك منجد مو عارفه كيف انصحك
ومبروك دخولك التاسع 💋ً
.
.
سنا القمر💗
ان شاء الله يفيدوكي البنات بخصوص الشغاله
وسلامتك من الكحه انا لما جاتني كحه صرفتلي
الدكتوره ايزبيان وكان مرا كوويس
والله يسهلك العمليه يارب
.
.
ساميه 💗
ياعمري عليكي 😢
الله يهونها لكي يارب العالمين
.
.
اسوار الغرام 💗
ليه حددولك عمليه ايش السبب !؟
اذا وضعك و وضع الجنين تمام
ف بأذن الله تولدي طبيعي ويجيكي الطلق
.
.

بخصوص اغراض المستشفى
انا اشوف دا الشي حريه شخصيه لكل وحده
حسب ضيوفها ومجتمعها وحسب ولادتها قيصري ولا طبيعي
،،
ف نحنا نفيد بعض بس مو معناتو انو الكل يسوي زينا
يعني ممكن الي تقراء تاخد الي يناسب وضعها واحتياجها
والي مايناسبها لاتاخدوو
،،
وفي بعضهم تاخد شي قليل وبسيط واذا احتاجت
مثلا تكلم اهلها او زوجها يجبلها الناقص
لكن !!
في بنات ممكن مايقدرو يعتمدو على ازواجهم او اهاليهم
ف يحبو يسوو احتياطهم من بدري وياخدو اغلب الحاجات المهمه
،،

امس رحت رد تاغ مع زوجي وكان مسوي تخفيض
واخدت لولدي اصيل ملابس
لانو ماعندو شي جديد لأستقبال الضيوف ،،
كل ملابسو مكرره خصوصا عند اهل زوجي
ف حسيت لازم اجبلو كم حاجه جديده يلبسها
اذا جو الضيوف بيت ماما
...
ونزلت اليوم مع ماما للسوق واخدت لـ اصيل جزمه بيضه
لانها تجي حلوه على الملابس الي اخدتها ،،
...
واشتريت رشاد قصيمي ،،
لاني لما جهزت تمرة النفاس قسمتها نصفين
وبحط الرشاد مع النص التاني للعشرين اليوم الاخيره
لان اول اشتريت رشاد هندي
والبنات مدحو القصيمي ف عشان كدا اترددت وماحطيت الرشاد الهندي مع التمر
قلت اشتري القصيمي وبعدين احطو
..

وجبت من محل الحربي الي بقربان
تعليقه بالخشب مكتوب عليها it's a boy وحطيتها على طاوله الاستقبال
بس محتاره باللون لان لونها سماوي فاتح مررا
واحتمال الون الاحرف بخليها كحلي عشان تناسب الثيمات
دي صورتها :


،،،


،،،