أم دانه سألتيني بعد عن الاعراض
الحمد لله رب العالمين ما عندي اعراض بالمره اللهم لك الحمد بس قالت لي ان اذا في جرح لا سمح الله يلتهب وما يلتئم بسرعه وممكن تجيني فطريات وتقرحات والله يستر الحين والله كل شوي اشوف جسمي طلع فيه شي او لا نفسيتي تعبانه جدآ دعواتكم
يا قلبي ذبحني ربي يشفيكي و يرفع ضرك ان شاء الله تروح و توكلي عالله وش نسوي والله اني افكر اغير بس زوجي رافض يقول لوخطيره كان قفلوا بس ان اشوف حرام بالذات الحوامل والاطفال و ان اصلا من احمل واروحهم ما مسك اغراضهم ومعقمي معاي وبناتي ما يدخلوا معاي مررره بس برضه لازم اهتمام اكثر واللي يقهر قله النظافه في قسم الولاده بعض الحريم الله يهديهم ما تكلف نفسها تشيل وساختها يعني معروف انها حقت والد والا نزيف فشلونا من الاجانب يقولوا هذولا وسخات والله منظر مقرف مقرف مافي تعاون الله يسهل ولادنا وتتسهل
الصفحة الأخيرة
خلاص المفروض اذا يعرفون ان في بكتيريا يقفلون المستشفى بكبره يعني شي مؤسف الصراحه كثير حوامل يراجعون بالعسكري المفروض يحولونهم يصرفونهم وممكن تكون حالتهم اسوا من حالتي الي عندها السكر والظغط والي عمليتها قيصري الحمد لله ان الله صرف عني الربط عندهم والله يا بنات ما كنت مرتاحه من اول ما دخلت المستشفى وانا ادعي الله يصرف عني الربط اذا كان شر لي والحمد لله ع كل حال وزي ما قلتي يا ام دانه حسبي الله فيهم ما هم حريصين ابدا بالنسبه للقلفز والنضافه وقالت لي الي دخلت عندها امس لا تخافين في هنا دكاتره وممرضين وموضفين مصابين ومافيهم الا العافيه يالله رحمتك الحين والله مل ما رحت مكان اجلس اشك بنفسي اني اعديت حد مع ان ما ينتقل بسهوله ابدا الحين بنتي من البارح وانا اتجنبها واذا لمستها اغسل لها واعقم يدينها الله المستعان
وبعد ما خلصت من العسكري رحت مدينة الملك فهد الطبيه ومن اول ما دخلت المستشفى والله اول ممرضه قابلتها علمتهم ان في عدوى بكتريا وع طول سألوني ايش المستشفى الي تنومت فيه وانعديت منه قبل حتى ما اقول لهم عن حالتي او اني تنومت في مستشفى لان رحت علشان النزيف الي عندي والحمد لله ما قصرو معي اخذوني لغرفه لحالي ما دخلوني طورى علشان باقي الحوامل والمرضى وكشفو علي وع الجنين وطمنوني علشان البكتيريا واعطوني من عندهم كريمات في حالت لا سمح الله طلع لي فطريات وقالو البكتيريا عاديه مو خطيره بأذن الله لا علي ولا ع الجنين بس لازم اكون حريصه
بالنسبه كيف عرفو
بعد ما نوموني بالعسكري اجت الممرضه قالت باتخذ مني مسحه للأنف مسحه اعتياديه المستشفى يعملوها للمنومين واول ما رحت موعدي امس قالو لي بنتيجة المسحه حسبي الله عليهم يمديني اعدي الناس كلها يعني لو ما رحت موعدي ما اتوقع يكونون حريصين ويكلموني
دعواتكم بس والله حالتي حاله من البارح انام شوي واصحى ما قدرت انام زين كل ما غفيت حلمت المستشفيات وكلام النت الله المستعان
الحمد لله ع كل حال الحين اي شي احسه بجسمي اتشكك انه من البكتيريا هاذي اسأل الله العظيم ان يعديها ع خير
ويحفظكم جميعآ ويتمم لكم ع خير
اعذروني طولت عليكم مالي غير الله وانتو والله اعتبركم زي خواتي
ما اقدر اكلم احد او اعلمه البارح كلمت امي ويالله اقدر اكلمها استأذنت منها وقلت اني فيني النوم ما نمت من الفجر لو طولت احس بنفجر وابكي واعلمها لانهها بعيده عني وما ابغى تشيل همي
دعووووواتكم لي