يا قلبي ذبحني ربي يشفيكي و يرفع ضرك ان شاء الله تروح و توكلي عالله وش نسوي والله اني افكر اغير بس زوجي رافض يقول لوخطيره كان قفلوا بس ان اشوف حرام بالذات الحوامل والاطفال و ان اصلا من احمل واروحهم ما مسك اغراضهم ومعقمي معاي وبناتي ما يدخلوا معاي مررره بس برضه لازم اهتمام اكثر واللي يقهر قله النظافه في قسم الولاده بعض الحريم الله يهديهم ما تكلف نفسها تشيل وساختها يعني معروف انها حقت والد والا نزيف فشلونا من الاجانب يقولوا هذولا وسخات والله منظر مقرف مقرف مافي تعاون الله يسهل ولادنا وتتسهل
يا قلبي ذبحني ربي يشفيكي و يرفع ضرك ان شاء الله تروح و توكلي عالله وش نسوي والله اني افكر اغير بس...
انا الحمد لله نفسيتي احسن من امس
طبعآ امس قلت لزوجي اروح اعيد المسحه بأي مستشفى والله يا بنات اني ما اتهميت للحمل او النزيف كل تفكيري بالبكتريا ومستعده اروح اي مكان اهم شي اتأكد من هاذي البكتيريا
ونروح العصر ثلاث مستشفيات يدخل لهم زوجي يسألهم هل عندهم المسحه هاذي او لا وكلهم يا ما يعرفونها او مو موجوده
وانا خلاص مصممه ما اروح البيت الا وانا مرتاحه ومطمنه واخر شي رحت الحبيب والحمد لله موجوده واول ما جلست بأستراحة النساء الا اشوف هذاك الكتيب عن البكتيريا يالله رحمتك قريت منه شوي وخليته ودخلوني ع استشاري انف واذن وحنجره علشان ياخذ مني المسحه
المهم قلت له اني تنومت بالعسكري وان فيه بكتيريا
وقال لي انتي تشتكين من شي الحين قلت لا قال اجل ما يحتاج ناخذ مسحه
وحتى لو فيك هتذي البكتيريا ايش المشكله
يالله احس ان كان ودي انفجر فيه
وطمني قال ان 70 ٪ من الناس موجوده فيهم هاذي البكتيريا وحتى لو سوى لي المسحه بتطلع ايجابيه وانها موجوده فيني
بس ما دامت اني ما اشتكيت من اعراض او جروح لا اخاف
قلت له بتطلع لي فطريات وتقرحات وقال ما بتطلع ان شاء الله لو تبين اسوي لك المسحه سويت وكشف على انفي وفمي وقال ما فيك الا العافيه وخلي عنك كلام النت ولا توسوسين ماشاء الله شك فيني اني اخذت كل هاذي المعلومات من النت
والحمد لله ما تأثر ع الجنين
والحمد لله رب العالمين
الحمد لله الذي لا يحمد ع مكروه سواه
احس اني ارتحت شوي بس لسه الشك والوسوسه موجوده
دعواتكم لي الحين باقي اشك انها بتطلع لي فطريات او شي الله المستعان وان شاء الله تعدي ع خير يارب
وقلت لزوجي العسكري ما راح ادخله لو اموت عندي الحين ثلاث مواعيد عندهم بس ما راح اروح لو ايش
دعواتكم لي حبيباتي
الله يحفظكم وييسر اموركم ويتمم لكم ع خير