لي فتره مادخلت التجمع. .تقريبا أسبوع. .أحس اني مليت من كل شي تعبببببانه نفسيا جسديا. ..سيطرت علي الهموم والنووووم كثر معي أسبوع الأكل منسده نفسيتي حتى القراءة بطلتها إلا البقره ولا تغيرت في شي والله اني بديت أكره حياتي وعيشتي اللي عايشتها. سبع شهور البقره وأحس الهم الغم موجود أحلامي دعاره ونومي كثر وهم وغم واحزان مخيمه علي يااااااارب اشفينا ولا خذنا انا معاد أتحمل شي انا اجاهد واتعب وغيري مرتاح متهني ليه هالعذاب ياربي

حبيبتي طروفه تعوذي من الشيطان واستهدي بالله مايصح الكلام اللي تقولينه ولا تيأسي من رحمة الله ربي رحمته واسعة كريم وبإذن الله ربي راح يمن علينا جميعا بالشفاء العاجل ويسعدنا ويحقق لنا مرادنا تفائلي خير
انا معك اوقات نحس باليأس والاحباط لكن المفروض مانستسلم ابد وان ضعفنا نرجع نطلب المعونة من الله ونكمل ونحمدالله ع كل حال

انا لي فترة تاركة البقرة الله المستعان وحتى الرقية صرت اكسل عنها واعاني من الاحباط والكدر ع حالي لكن الحمدلله وبالنسبة للنوم لي مدة صاير نومي كثير وانام حتى لو بالسيارة او توني صايحه عادي ارجع انام متعبه هالحالة

ودي ارجع اقرا البقرة بس فيني كسل احس شي يمنعني

ودي اروح لراقي يرقيني احس رقيتي لنفسي ماعادت تنفع


خلونا نرجع مع بعض نقرا ونشجع بعض ونشد من عزم بعضنا وكل وحده تدعي للثانية بظهر الغيب

بنلت الله يسعدكم بسالكم هل الحسد يتحول لسحر انا عندي حسد رحت لراقيه وقالت لي حسد كانت وهي تقرا ايات الحسد كنت استفرغ المهم البارح اسمع جاراتي يقولون الحسد اذا طول يتحول سحر

حافظو عالاذكار والذكر
الاولى تحفظكم وتقيد من تاثير العارض عليكم
خاصة قول لا اله الا الله وحده لاشريك له...
والله احس فيه يتلوا بجسمي ويتعذب اذا قلتها..
لان فايدتها حرز من الشيطان * تشله حرفيا*
وبتحسون بثقل مو طبيعي لانها مية مرة تنقال لكن مهمة لاتتركونها
والثانية تقويكم وتشيل عنكم الكسل * اذا استثنينا الامراض العضوية مثل نقص فيتامين دال *
(اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَارًا وَيَزِدْكُمْ قُوَّةً إِلَى قُوَّتِكُمْ )
الذكر يقويكم .. سبحان الله العظيم.
واذكر من جديد ببرنامج محمد الخزيم
رائع واستفدت منه كثير الله يجزاه خير
تلقونه بيوتيوب
وابي ااكد على شيئين
ان الرقية ليست البقرة لوحدها! هي سبب للشفاء
ولها تاثير ونتايج عالناس واولهم انا !
لكن لاتتناسون ان اهم الاسباب والرقية المذكورة بالشرع هي المعوذات والفاتحة والادعية المعروفة مثل رب الناس اذهب الباس..وكل هذا بسيط وسهل
ومستحيل تحسون معها بصعوبة
فلاتضيقون على انفسكم وتحملونها مالاتطيق
وقبل هذا كله اهم شي الاعتقاد بان الله هو الشافي وان هذا البلاء اختبار وانه مجرد وقت ونتشافى
(ان الله إذا أحب قوم ابتلاهم فمن رضى فله الرضى ومن سخط فله السخط)
المهم الصبر والعمل بالاسباب للشفاء والدعاء وعدم الياس
ادعو الله ولاتتسائلون ليش ربي مايستجيب؟
و قولو بدالها ( الله بيستجيب ان شاء .. ****لله بيستجيب)
نفسيا بتتقوون وبترتاحون .. و****لله تستجاب ويسعدكم بطريقة فوق خيالكم
لاتصيرون مع البلاء والمرض .. ضد انفسكم
هالبلاء يوسوس فيكم بطريقة ماتحسون فيها بانفسكم.. افكار سلبية وتشتيت بالافكار وقلة تقدير الذات .. كل هذا وغيره منه ..
اطردوا اي فكرة سلبية منه بالاذان والتكبير
لان الشياطين تهرب عند الاذان
هالكلام اقوله لنفسي قبلكم
الله يرفع عني وعنكم