حوائيه اول شي مشكوره ع المقطع بصراحه استفدت منه كثير وبلخص لكم بشكل بسيط اللي فهمته من الحلقه بأجزاءها الثلاثه

طبعا الدكتور يقول ان الفيتامين د هو هرمون وهو جزء مهم جدا بجسم الإنسان ويكون ماده حول خلايا المخ والجسم بشكل عام ومتى ما نقص وجوده سبب اختلال بجميع الخلايا مو بس بالعظام

الأكل اللي يوجد به الفيتامين هو زيت كبد الحوت والسلمون والحليب قليل وكامل الدسم والكبده والبيض

كحد ادنى المفروض نتعرض للشمس ثلاث ايام اسبوعيا مدة نصف ساعه والوقت الأفضل عندما تتعامد الشمس ع الكره الأرضيه يعني منتصف النهار يعني ع 12 وهالوقت اشعة الشمس فيها الآشعه فوق البنفسجيه والمسئوله عن تكوين هذا الفيتامين والافضل مانعرض الوجه للشمس لإنه حساس ولكن اللي تقدر تتعرض كل يوم من عشر لربع ساعه ماراح يضرها تعرض يدها ورجولها ونعرف اننا استفدنا من الشمس لما يصير لون الجلد مائل للإحمرار ساعتها نكتفي

ترى الشمس اكثر اهميه من العلاج العلاج لحاله ماينفع


بالنسبه للمغنيسيوم تكلم عنه الدكتور وقال انه مهم مع الفيتامين ولازم نرفعه اذا كان نقص وحتى الأوميقا 3 والكالسيوم
وعموما فيه وحده من البنات هنا قالت ان التمر غني بالمغنيسيوم ياليت م نهمله

وقال ان فيتامين د م له علاقه بالغده الدرقيه بس له علاقه بالجار درقيه

وتطرق لنسبة الفيتامين بالجسم وقال ان الطبيعي من 30 وفوق اذا بالنانو جرام ومن 70 اذا بالنانو مول

وبالنسبه للحالات اللي مرت عليه وشفيت ومن اغرب هالحالات قال ان فيه حرمه ب 30 من عمرها جاءت له وهي ع كرسي متحرك وقالت عندها الم بعظامها والدكاتره بعد الأشعه لاحظوا ان فيه فتحات بين الخلايا وانها اورام ولكن مايعرفون وين مصدرها وقالوا بناخذ عينه ونشوف المصدر وقالت انها تجهز اوراقها للسفر خارج الكويت عشان تتعالج وقال لها الدكتور اللي باللقاء بعد ماشاف تحاليلها ان كل شي سليم بس بنسوي تحليل لفيتامين د بس وقالت انها مافيها تنتظر خصوصا انها تعبانه من سنوات قال اصبري علينا بس ثلاثه اسابيع وبالفعل طلعت النتيجه نقص بالفيتامين ورجعت له بعد العلاج اللي استمر 6 اسابيع وهي تمسي ع رجولها وتقول له انها تدعي له هي وزوجها بس عيالها يدعون عليه لإنها صارت تلاحقهم اذا حاسوا عليها بعد ماكانت ع كرسي وعاجزه عنهم >الله يتمم عليها عافيتها يارب


بالأخير اتمنى لي ولكم الشفاء والعافيه ولاتهملون نصايح الدكتور وماقصرت حوائيه نفعتنا بالمقطع ومن حبي لكم ودي بعد تستفيدون من كلامه مثل م استفدت

دعواتكم لي ولخواتي بالشفاء

بنات انا عندي الام في جسمي مره قويه مااقدر ارفع بنتي اللي عمرها 4شهور ودوخه واتعب بسرعه في الليل ماانام من الام عضامي حللت عن فيتامين د طلع 8 نازل بس لاني ارضع بنتي قال مافيه علاج ياثر افطميها وتعالي وصعبه افطمها عمرها 4شهور والله احترت تعبانه بالمره ياليت تفيدوني

انا بعد نفس سؤالك ياملكة ياليت اذا فيه احد يجاوبنا

السلام عليكم
ايهم الشمندر الأحمر او الابيض حلو لنقص فيتامين د؟؟؟؟
طيب ينفع بدل زيت كبد الحوت كبسولات زيت كبد الحوت ولا؟؟
الله يعافيكم

عادي أنا سافرت قبل اكتشف النقص وما فرقت الدوخه لانها ملازمتني من الأساس انتي لاتفكرين وحاولي تشغلين نفسك بالطائرة عشان ماتتعبين:)