الله يحيج اختي ذهبيه ويعطيج الصحه والعافيه وسعة الصدر يارب قرأت قصتك حبيبتي والله شي يقهر ويحزن حاسه بكل كلمه قلتيها وكتبتيها لاني عانيت مثلك من سوء تفهم الاهل والزوج واقرب الناس لج الي يقولك توسوسين وتوهمين ... والي يقول عياره ودلع.. ولي يقولج يبيلج تغير جو يعني قهر بكل معنى الكلمه والله عانيت من هالشي .. اهل زوجي بدال مايقولون لي ماتشوفين شر يا ام عيالنا قالوا نصابه تتدلع وهاجموني وصاروا يملون راس زوجي علي يعني كنت بلاقيها من وين ولا وين اهلي بعد يحاولون يلقون لي حل بس عيونهم تقول موسوسه البنت .. الشكوى لله

في البدايه قبل لا يجيني المرض بشكل هجمه كنت دائما احس بالارهاق والتعب وكنت اقول يمكن من فقر الدم وذاك الوقت ماكان عندي وعي كنت صغيره ماعرف اعالج نفسي واهتم بصحتي وكانت علي مسؤليه عيالي كانوا صغار ... يمكن ظروف حياتي والضغوط الي كانت علي وانا صغيره لها دور لان دائما مثل ماقريت يقولون اسباب هالمرض ياضغوط نفسيه او حادث سير او اصابه فيروسيه قويه يروح الفايروس بعد ماياثر على عضلاتنا :( وفي التحاليل بعددين ماله اثر حسبي الله ونعم الوكيل
المهم البدايه ارهاق ارهاق ارهاق الى ان تطور فجاءه الى صداع الم بالجسم كله ق وتعب مو طبيعي زغلله بالعين ونشفان رجفه بالجسم وتنميل بالاطراف الم بالرقبه رهيب وشد وتيبس واصلا التيبس في الجسم كله بس الرقبه بزود دوخه مستمره بس بعد كم سنه تطورت الى دوار ....مرضنا هذا مثل القفل يعني يضعف كل عضلات الجسم وييبسها عاد انتى وحظك انا ضرب لي في الرقبه اثر على وصول الدم وسببلى دوار ودوخه مستمره بس الحين الحمد لله من حاولت اريح عضلات جسمي وانا احسن بجد هالمرض انا اوصفه بالقفل الى يقفل عضلات الجسم يضخم كل مرض خفيف عندك ويطوره يعنى لو عندك القولون وهو بعد السبب فيه يزيده لك عشرات مرات ولو عندك فقر دم يهد حيلك ويزيده عليك لو عندك جيوب انفيه يضخم الالم والاتهاب والدوخه ويعمل قفله على قولت اخوانا المصرين والشاطره يابنات الي تفك هالقفل وتفلل العقد وحده وحده هذاا سر تخلصنا من اعراض المرض بسميه مرض القفل ههههههه
والله عشر سنوات من عمري قضيتها بالسرير ما اطلع من البيت الا لمستشفى وياليت بفايده الا احباط وقهر من كثر ما يأست جاني اكتآب وزاد الطين بله مع انه هالاكتآب من اعراضه بس وين الي يفهم .. يمكن رحت لعشرين دكتور مافي تشخص التحاليل سليمه اشعه الراس والام راي سليم .. البنت تدلع .. البنت فيها حاله نفسيه .. وانا اشرح واموت الى ان كرهت روحت المستشفيات نظرتهم العقيمه بعدها زادت الاعراض بس النفسيه تحسنت لان تعودت على الوضع والله كانت تجيني شهور ما اقوم من السرير الا لدورة المياه وانتوا بكرامه وماحد حاس فيي ولا مقدر :( شدعوه دلع عشر سنين بس شقول الشكوه لله
الزبده اني فككت الي فيني عقده عقده كسرت القفل ا بنات :) وهذا الحل الوحيد لمرضنا .. رحت لدكتور نفسي واخذت ادويه اكتآب الحمدلله شوي خففت شد عضلات الراس والرقبه الي كانت مسببه لي صداع ودوخه ... كان القولون ضارب عندي عالجته دائما اخذ له علاجات تهديه فتحنا عقدتين الحين خف ت الاعراض شوي سمحت لي اخذ راحتي واتنفس شوي واقدر اعيش مثل باقي البشر حياة طبيعيه على الاقل اسافر واتمشى واسوي زيارات واستقبل ناس مثل العالم الحمد لله ربي انا قانعه بنصيبي ربي لك الحمد الي نورتني ودليتني على شي يخفف معاناتي ربي خفف على كل مريضه بهالمرض والهمها علاجها ياااااااااااااارب احنا راضين بقضاء ربي ومؤمنين وصابرين ومحتسبين الاجر كله اجر وعافيه ان شاء الله ... بس كونا نلقى علاجات بديله تخفف عنا اعرض مرض القفل وتفككه وتخلينا نعيش مثل الناس الطبيعين هذا بحد ذاته خير وبركه ورحمه من رب العالمين اسفه على الاطاله والقرقه الوايد هههههه واي سؤال يا بنات انا حاضره :)

الله يعظم اجرك واجرنا اختي المنسدحه !!

كل ما تذكرتي الالم والعذاب الي شفتيه قولي ( اللهم اجرني في مصيبتي واخلف لي خير منها ) كل مرة تقولينها تأخذين الاجر كامل باذن الله .. هذا سمعته من شيخ .

الحمد لله انك تشوفين تحسن .. وان شاء الله الى الاحسن دائما .

ما جربتي العلاجات الطبيعيه او الفيتامينات والمكملات الغذائيه ؟ ذكرنا هنا في التجمع تجاربنا معها .

عندي سؤال شلون عالجتي القولون ؟

الله يجزيك خير اختي سمبلي على هالدعوه الحلوه .. وبجد اجرنا عند الله ان شاء الله ونعم بالله
بالنسبه للقولون بصراحه انتي عارفه اللخبطه الي يسويها هالمرض بالجهاز الهضمي يعني ماتعرفي عندك قولون ولا حموضة معده ولا غثيان ولا غبرة الزمان هههههههه استغفر الله ربي انا اول شي استخدمت zantac دواء زانتاك مع مسكن المغص scopina
كان جيد بس بالنسبه لي يجيب لي النوم بس يسيطر على الالم بس ماحنا ناقصين هدت حيل نبي شي مايخدر وينوم نبي شي ينشط بعدها ربي هداني لعلاجmotilium وهو علاج خفيف يستخدم للغثيان حتى للحوامل ونفعني كثير طبعا بدل السكوبينال وبالاخير تركت الزانيتاك واستقريت على pariet اخذ منه لمده عشره ايام بس ان شفت زادت عندي اعراض القولون
واخذ عشبه الجنسنج Ginseng والله احسها رهيبه واحس من اخذتها وانا في تحسن الحمد لله ربي بعد اخذ فيتامينات ستراس تابز مع الزنك وفي وحده من البنات كانت تشتكي من تساقط الشعر اعتقد اختي ماهزني انسان وهالفيتامين عجيب لشعر حتى البنات في كثير منتديات يمدحونه وهو كله فيتامين ب لتقويه الاعصاب
بااضافه لكل هذا اخذ علاجين للاكتآب كاتبهم لي الدكتور اذا تحبي اكتب لك اسمهم بكتبهم
والحين اشتريت الي ذكرتيهم سمبلي q10 ,msm

انا بعد عندي استفسار اختي سمبلي ولايهونون البنات الحين انا ودي اخذ فيتامين بي كمبلكس لصحة المراه فيه كل الفيتامينات بس خايفه لاني اخذ كل هالفيتامينات الثانيه واخاف ياثرون علي اذا زادت جرعة الفيتامينات لان الستراس تاب كله زنك وفيتامين ب والبي كمبلكس فيه كميه بعد وعندي نقص فيتامين دال ومحتاجه اخذه مع الكالسيوم مدري شسوي
وودي اخذ كيو تن واخاف لان قريت ماينأخذ مع مكملات غذائيه خصوصا اني اخذ جينسيج وهو منشط من انواعه ايش رايك فديتك؟؟