ريمو حبيبتى اولا بالنوسبة لميعاد تحليلى فهو الاحد اللى بعد العيد ...

ثانيا بالنسبة للدوالى ... انا جوزى فى بداية جوازنا بعد 3 شهور طلبت منه يحلل وكانت المفاجأة العدد مليون ... انا قلتله مايتخضش يروح يكشف ومؤكد السبب يكون دوالى فى الخصية وفعلا بعد ما كشف لقى عنده دوالى ... المهم الدكتور قاله نجرب العلاج الاول وكان رأيه فى الموضوع ده غلط الغلط لأن بعد 3 شهور من العلاج واللى كان عباره عن فيتامين E ودوا لتوسيع الاوعية الدموية ؟؟!!:mad: كان النتيجة ان التحليل بقى زفت الزفت بعد كده
انا بقى كنت اعرف دكتور جراح أيام ماكنت بشتغل فى التحاليل الطبية وخدالى بالك جراح مش أخصائى ذكورة وعقم وديتوا عنده وطلب منه أشعة تليفزيونية على الخصية ( ملحوظة أخصائى الذكورة أكتفى بالكشف الخارجى ) المهم طلع عنده خصية متدهوره فيها الدوالى من الدرجة التالتة وخصية الدوالى فيها بسيطة ولما استفسرت منه المفروض يبقى تحليله كويس طالما عنده خصية شغاله قالى مصطلح غريب ... لما بتكون فيه خصية تعبانه قوى التانية بتتأثر بيها ... أختك لنا قلبت الموضوع فى راسها وصلت الى الخصية اللى الدوالى فيها متدهوره بتبقى درجة حرارتها عالية وحيث انها ملاصقة لأختها فأكيد الحرارة دى بتأثر على وظيفة الخصية التانية

المهم عمل العملية وبقى فل والحمد لله ... العدد عنده وصل 20 مليون ونسبة التشوهات قلت بعد سنة من العملية ... يعنى بقى طبيعى



طبعا انا رغيت على دماغك ويمكن حولتك لكن الخلاصة زوج صاحبتك يعمل أشعة تليفزيونية على الخصية لتحديد درجة الدوالى وهل هى من النوع اللى محتاج عملية ربط ولا لأ ثم يتوجه الى جراح كويس يعمله العملية وبعد العملية مش حيحتاج ادوية بإذن الله غير فيتامين e , c

مسلمة حبيبتى انا مشفتش مشاركتك الا فى رد ريمو ... حبيبتى عاوزة نصيحتى ... فكك من الدكتورة البطاطس دى ... طبعا مش معقول حتنتظرى لحد ما ترجعى مصر على اللخبطة اللى عندك دى وكمان حكاية تروحى لدكاترة تانيين عندك يجربوا فيكى ويمكن يضروكى اكثر ما ينفعوكى برده مانصحكيش ...

طيب الحل عوزاكى تدخلى على موقع دكتور جميل دويك فاكراه بتاع عشبة القمح ... اكتبى اسمه فى جوجل حيطلعلك الموقع بعد ماتلاقى الموقع غيرى آخر كلمة .net الى org علشان تلاقى فى الموقع التانى بتاعه ابحاث مهمة عن الاعشاب عوزاكى تقلبى كويس لحد ماتلاقى العشبة او الاعشاب اللى محتاجه خلاصتها عشان موضوع لخبطة الهرمونات وكذلك ارتفاع هرمون الحليب لأنك بالطبع مش حتعرفى تشترى دوستنكس او بارلوديل عندك من غير روشته طبيب ... الدكتور ده عنده مؤسسة ضخمة لخلاصات الاعشاب وممكن تشترى من النت توصلك اينما كنتى ...
انا حدخل الموقع دلوقت يمكن الاقى حاجة تنفعك ... ربنا معاكى يا قمر

مسلمة قوليلى الأول انتى فطمتى جنة ؟؟ .. اذا كان الإجابة بنعم

يبقى عندك عشبتين

الاولى المريمرية ودى عشبة مولدة للاستروجين والهرمون ده له تأثير مضاد لهرمون اللبن يعنى تناول خلاصتها ( زيت وخل ) على طبق سلاطة 3 مرات فى اليوم ينشف اللبن بإذن الله

تانى حاجة البردقوش ودى عشبة منظمة لهرمونات الجسم .. يعنى بإذن الله مشكلتك تتحل ... ادخلى الموقع واشترى زيت وخل العشبتين دول ...

وحشتوووووونى من هنا للسنة اللى جاية
انا عارفة انى كنت مقصرة معاكم الفترة اللى فاتت ديه بس و الله غصب عنى سامحونى
طبعا صعب اقر اللى فات بس اللى فهمته ان مها حامل الف مليون مبرووووووووووووك
و كمان اوكسى فى فترة الانتظار ربنا يفرح قلبك يا رب
و يا رب خير للجميع ان شاء الله
انا دخلت كده على الطاير و لى عودة ان شاء الله

بحبكم فى الله

مسااااااء الخير
وحشتوني جدا بس والله النت زفت الزفت كل ما اكتب رد يطير وتطير معاه الصفحة ومش عارفة اخباركم بالتفصيل
بس عرفت ان مها ماشاء الله تبارك الله حامل الف مليون مبروك ياحبيبتي ربنا يتمملك على خير ويارب تكون عصابة عشان ما اكونش المجننة الوحيدة في الملف
اوكسي الف مبروك الترجيع وربنا ببركة الايام المباركة دي يرزقك منهم الذرية الصالحة
عندي ردود كتير
بس بصراحة الاحوال عندي كلها زكام وبرد وزن وعياط
مش عايزة اقول اسشماء عشان ماانساش حد بس كلكم في قلبي وبدعيلكم في الايام المباركةدي
هاحاول ادخل قبل العيد ان شاء الله