نبأ عاجل



أفادتنا هيئات رسمية نظمية " حبيبتنا نيفو "
بأن الطلق والمخاض عند القمراية " كوكر "
قد أسفر عن بنوته جميلة جداً " كرمه "
وقد أدى التهاني وأكل البونبوني الأخ العزيز " كريم "
و الأب الغلبان بيصوت من مصاريف البامبرز والسيريلاك
ونحن من جانبنا نقدم التهاني والمباركات بوصول المولوده
وعقبال ما نفرح بيها ألف مليون مبرووووووووك



كان معكم من أهدى مكان في الأرض
محدثتكم زينب إبراهيم

ابن اخويا النهارده صدمني
وأنا بكلمهم في التليفون
لاقيته بيسألني عن بنت أختي قلتله دي عند مامتها
قالي طيب هو كل اللي متجوزين مخلفين
طيب أنت متجوزه وليه مش مخلفه
طبعاً أنا محستش غير ودموعي نازله
راحت مامته وباباه أخدوا بالهم فقالوله هات التليفون
أنا عملت إن رصيدي خلص وقفلت قبل ما أخويا يكلمني وأنا كده
الغريبه إني من 3 أيام بالظبط قعدت أفكر إن طفل من ولاد إخواتي أو إخوات جوزي
هايسألني السؤال ده وقعدت أفكر هاقوله إيه ؟
وماوصلتش لرد وبرده معرفتش أرد على الولد النهارده
بس قعدت مبلمه يجي ساعتين
عقبال ما عرفت أنطق
يارب يارب ترزقني وترزق أخواتي وكل المسلمات المحرومات يارب
يارب ماتحرمناش من نعمة الذرية الصالحة يارب يارب

كوووووووووووووووووووووووووووووووووووووووووووووووووووووووكر
اللللللللللللللللللللللللللللللللللللللللللللللف ملييييييييييييييييييييييييييييييييييييييييييييون مبرررررررررررررررررررررررررررررررررررررررررررررروك

زوزو ماتزعليش نفسك يابنتى الحمد لله انه بيحصل حمل وبارادة الله وبامره هتفرحى باحلى نونو بس الصبر الصبر
والله يازوزو فرجه قريب ان شالله بس ادعى وربا هيكرمك انت وكل البنات
اوكسى ربنا يفرحنا بيكى ياااااااااااااااااااااارب

نادو
الله يبارك فيكي يا رب عقبالك وكل البنات اللي معانا هنا يا رب
سارة
الله يبارك فيكي يا قمر
وربنا يعينك ويقويكي يا رب

اوشي
اخبارك ايه يا جميل

كوكار
الف مبروك يا حبيبتي
والف حمد لله على سلامتك
ربنا يبارك في البنوتة كرمة
وربنا يجعلها قرة عين لك في الدنيا والاخرة ويطمنا عليكي دايما يا رب

زوزو
دمك شربات يا زوزو
الواحد مش يشبع منك ابدا يا بنتي
متغبيش عننا كتير
وربنا يجزيكي خير انك طمنتينا على كوكر
ونفسي كمان تطمنينا على نيفو

اما بقى بالنسبة للموضوع اللي احزنك وخلى دموعك تنزل
فاولا انت قلبك حنين وقريب وانا متاكدة عشان كدة مقدرتيش تمسكي دموعك
ثانيا هو فعلا موقف صعب خصوصا لما يطلع من طفل بريء
بس الاكيد ان الحمد لله احنا راضيين
والاكيد كمان انك لو ركزتي كنتي هتعلمي ابن اخوكي اد ايه الرضى بالله مهم
قولي يا زوزو لسة ربنا ماردش
وحاولي يكون الموضوع بالنسبالك عادي
زي مثلا واحد مش عنده عربية
ليه
كل الناس عندها عربية ليه انتي مش عندك؟
عشان لسة ربنا مش أمر ولا قال لينا "كن" فيكون
انا والله عارفة كويس جدا انك عارفة كل الكلام ده
بس في لحظة واحدة مشاعرنا بتغلبنا

وزي ما اوشي بتقول
الحمد لله انك بيحصل حمل طبيعي من غير دوخة
انت عارفة يا زوزو
انا لحد اليومين دول مش مسدقة اني حامل
لما ميحصلش حمل ابدا بيبقى في سور عالي نفسيا بينك وبين الحمل
وكل ما الزمن يعدي كل ما السور يعلى
لحد ما تبصي على الحمل وكانه خيال

انا عايزاكي اولا تتفائلي وتفرفشي كدة
وتتيقني انك ان شاء الله هتشيلي ولادك بين ايديكي
وتفرحي بيهم وتحبيهم اوي على اد صبرك لحد ما وصلو
اكثري من الدعاء لله عشان ربنا بيحب العبد اللحوح
:)
بس قوليلي يا زوزو
هو انت بتاخدي ابر كلكسان او هيبارين اول ما بتعرفي انك حامل والا دي حاجة وحالتك حاجة تانية