قطوس
ربنا يوفقك يارب وتنجح عمليتك يارب انت وباقي البنات
بندقه
اخبارك ايه؟
اوعي تكوني عرفتي اهل زوجك انك حتعملي العمليه؟

مها
منوره ياقمر بالله عليك متغبيش عننا خليكي معانا علطول

مها
انتي كمان وحشاني مووت والله اخبارك ايه وبتعملي ايه في حياتك مش خلاص الشهرين خلصوا مش ناويه تاخدي خطوه تاني

الشيماء
انا متعملتيش مع ادم بس اللي اتعاملوا قالوا حوالي 15 ل 17 الف طبعا قابل للزياده او النقصان حسب التحاليل اللي الدكتور بيطلبها والعلاج وربنا يكرمك يارب

طفله عشرينيه
اول مره اسمع عن الدكتور ده بصي نصيحه الجقن لازم تروحي لحد معروف ومركز كويس امكانيته المعمليه ممتازه لانك حرام تسافري من السعوديه لمصر من غير ما تتاكدي..عندك مركز جنين ونركز ادم ومتطورين وممتازين ونسب نجاح مراكزيهم عاليه

بوبا
فعلا كل تاخيره وفيها خيره

شيمو
بصي حبيبيتي لو انا فهمت صح انتي دورتك 7/22 وهتروحي للدكتور يوم 7/10 تمام كده يعني لو هتبتدي الحقن بالبرتوكول الطويل هتاخدي دورتبن دوره 7 ودورة 8 لو القصير هتاخدي دوره واحده ..لو هتاخدي القصير هيعملك في دورة ولو الوقت ما كمليش وجوزك كان هيسافر هياخد منه عينه يجمدها وهو اصلا ممكن لما تروحيله يديكي في شهر 7 دواء لما دورتك تيجي اللي هي يوم 22 مانع للحمل ويخلي الدوره تنزل بدري عن ميعادها يعني بدل ما تنزل8/22 ينزلها اسبوع بدري او10 ايام عادي دكتور حسام عمل معايا كده نزلي دورتي اللي هبتدي فيها بدري علشان يبقي جوزي موجود بس عموما اناي لازم تشرحي للدكتور ومتقلقيش هما بيعرفوا يظبطوها متفكريش في الموضوع ده خاالص وباذن الله نفرح بيكي..يارب يكون كلامي مفهوم مش ملغبط

قطوس
ربنا يفرح قلبك ويعوض تعبك انتي ناويه علي مين في الحقن اناي استخيري وابتدي علطول متريحيش من التلقيح ابدائي علطول وباذن الله خير

مصريه
لا عيب عليكي انا مش اتفقت مع جوزي وقلتله المره دبه مش هعرف حد وعلشان العدل لا هعرف امي ولا اختي وانت كمان متقوليش لحد وربنا يقدرلنا الخير..قعد يقول طيب هنقلهم ايه وانتي راجعه تعبانه وانتي مش عارفه مريحه قلتله هتصرف عادي هبقا انزاهم وربنا يسهل بس فعلا صعب انتي متعرفيش اهل زوجي متعودين يسالونا رايحين فين واتاخرنا ليه ولازم نعدي عليهم واحنا نازلين وراجعينولو يوم منزلتلهومش يبقي لازم يعرفوا ليه فاهمه فده اللي مقلقه بس انا شغلت الزن بتاع كلست مصريه اصيله واديت البوز التمام لغاية ما اخدت كلمة شرف هههههه وربنا يسهل