بوبا : حبيبتى برافو عليكى انك افتكرتينى وانا مع نيفو على طول على الفيس بوك

يا ستى انا متجوزة من خمس سنين الاشوية كده بس فعليا هما تلاتة ونص بس لان جوزى بيسافر وبيجى وانا دلوقتى في السعودية معاه ...اكتشفت ان عندى تكيس مبايض بعد سنة من الجواز ةباخد كلجوفاج من ساعتها وتابعت تبويض لما قلت يا بس ...ورحت لتلات دكاترة وكلهم اجمعوا ان تحليل جوزى كويس اوى وانا عندى تكيس بس مايمنعش الحمل وادونى منشطات وبرضه ماحصلش حمل .... الحمدلله

دكتور شريفغ خطاب الوحيد اللى مارضيش يدينى منشطات وقالى ممكن اخد كلوميد لو عايزة بس مش محتاجاه وكمان قالى مش محتاجة المنظار وبرضه مش محتاجة تلقيح صناعى لان عملى تحليل مابعد الجماع وكان ممتاز وقالى باللفظ كده انا مش حاعمل غير اللى موجود في التحليل ده يبقى مالوش لزمة ومصارف وخلاص

صبرنا لحد دلوقتى وجيت هنا قالولى على دكتورة شاطرة وكان بقالى فترة كبيرة ماتابعتش تبويض وماعرفش حالتى ايه ...المهم عملتلى سونار وقالتلى ان التكيسات زادت جدا وتقريبا مافيش تبويض مع ان دورتى متظمة كل شهر ممكن بس تاخر يومين تلاتة بس بتيجى كل شهر ....وكمان قالتلى ان عندى الرحم مقلوب ودى اول مرة حد يقولى المعلومة دى ...المهم خدت منشط وكان في تبويض كويس وبرده ربنا ما اردش وقلت مش حاروحلها تانى

ان شاء الله حانزل مصر كمان تلات شهور تقريبا وناوين باذن الله على اطفال الانابيب وكنت سالت عزيزة على شريف خطاب ونظام العملية عنده وكده لانى تقريبا حاعملها عنده وبرضه محتارة بين جنين وادم بس جنين غالى شوية ... انا طولت اوى عليكو معلش بس علشان تعرفوا كل حالتى
واللى عنده اقتراح او نصيحة يقولى وربنا كريم حيكرمنا كلنا بامره

غاده
اهلا بيكي يا قمر معانا ويارب يرزقك وكنت بقا مختفبه عن التجمع ليه...ان شاء الله ربنا يكرمك عن قريب بصي هو ادم متخصص من ناحية الزوج اكتر وجنين هو غالي فعلا بس دكتور حسام ممتاز وعندك كمان دكتور اسماعيل ابو الفتوح بيشكروا فيه قوي انا سمعت عن موضوع الرحم المقلوب بس حتي ده عادي الستات بيحملوه عليه عادي ..هو انتي عملتي اشاعه بالصبغه وله لا.. وعلي فكره احيانا كتير الدكتور يشوف ان كل حاجه تمام غي السونار ويقول مش محتاج متظار وبعدين يعملوه يلاقوا التصاقات او اي مشاكل هي اللي مانعه الحمل

صباح الخير علي احلي بنات

زهقت يابنات من حبسه البيت والمذاكره ووحشني الرغي معاكم عاوزه ارغي واتكلم ياترى مين موجود يرغي معايا يالله تبوظ المذاكره النهارده بجد نفسي افك شويه

مفيش حد كله نايم ولا ايه ؟؟؟؟؟؟؟