تبين نصيحتي
انسيه
اتركيه يكلمها
يغازلها
يموت عليها
خليك ياجبل مايهزك ريح

والله والله لو تركتيه وسفهتيه ليرجع لك
وتراه فتره وبيتزوج وبيطير فيها ثمن يرجع لعشه الاساسي
لكن لو عاتبتيه وناقشتيه وحاولتي تشدينه لك بالقوة ماراح يرجع لك
انتي لا تقصرين في حقوقه لكن لا تبينين لهفتك عليه
حسسيه انك تغيرتي مثل ماهو تغير وانك خلاص صار الموضوع عندك عادي
وترا بتشوفين شي كثير بعد مايجيبها وتسكن معكم لكن الصبر والسكوت هم العلاج لمثل هذا الرجال

والله يابنات مليون مليون مرة اكتبها
اتركوووووووووووووووو ازواجكم بدون عتاب ولو شفتوا منهم تقصير اشكوهم على الله
والله ليرجعون لكم اذا شافوكم مطنشين لكن اذا شافوكم ملهوفات عليهم زادو
لان الرجال من طبيعتهم مايحبون احد يتحكم فيهم او في مشاعرهم حتى لو كانوا غلطانين

هذي انا استنتجتها من تجربتي ومن نصايح بعض الاخوات العاقلات الي جربوا الدنيا وجربوا الرجاجيل

لقاء محبوب
اذا زوجك يكلمها لاتقعدي جنبه
تجنبيه بهالاوقات..
الرجل بهالحالات زي الطفل اذا اشترى
لعبه جديده..شوفي ابنك وش يسوي باللعبه
الجديده يفرح فيها ويلعب فيها شهر ويخلي
كل شي..
بعدها تلقائيا يرجع لالعابه القديمه وتتساوى
كلها عنده..
المهم هنا ردة فعلك انتي مهما فعلتي طرتي
ولاوقعتي..
لو تشققي هدومك قدامه بيزيد وانتي بيزيد قهرك..
حنا نتكلم هنا بعيد عن العاطفه اللي بتدمرك..
نتكلم بكلام العقل..اللي يؤلم لكنه يداوي..ادعي ربك
والحي عليه..
ثانيا ..تجاهليه تجاهلي حركاته الصبيانيه
ثالثا وهو الاهم لااااااااااااازم تشغلي نفسك بشي
يفيدك ويبعدك عن الجو اللي مسويه زوجك..
مالك اهل مالك صحبات..نادي ..مركز تحفيظ..
هذا بيطلعك من الهواجيس والافكار ..
والمستقبل بيد الله مايندرى وش يصير
ولايدري الانسان وين الخيره له بهالدنيا
حبيبتي اهتمي بأولادك اللي يحبونك ويطالعون
في وجهك بحسره والم..
ترى الدنيا ماتسوى..
والعوض من الله.

اهلين بنات

وش اخباركم ان شاء الله تمام

تعجبني العامريه ماشاء الله عليها اللي يزيدها عقل وثقل

اهلين احب الله والرسول
الله يرضى عليك ياعيوني ويسعدك دنيا واخره

اهلين امرأه العزيز
الله يسعدك ياعيوني
ويوفقك يارب بس ياليت تغيرين اسمك ماادري انتي ليه سميتي نفسك كذا

اهلين ANGEL HEART
الله يرضى عليك ياعيوني ويوفقك

اهلين العامريه
الله يسعدك يارب

اهلين اختي لقاء محبوب
انا ماراح ازيد على كلام البنات
ماشاء الله كفوا ووفوا
بس ابيك دايما انتي والبنات تدعون اللهم اربط على قلبي اللهم يامثبت القلوب على دينك ثبتني
وتتذكرون قصه ام موسى لما رمت ولدها في اليم
وبسبب دعاءها لله سبحانه وتعالى الله ربط على قلبها وثبتها واعاد لها ابنها

بنات انا عندي كلام كثير ودي اقوله

ودي اكون بجنبكم اواسيكم واخفف عنكم

لان مافيه زي ظلم الاحباء

وظلم ذوي القربى اشد مظاظاه على الحر من وقع السهام المهند

كلام منتظره والامل بالله الاخير فعلا صحيح

لان مره سمعت مثل من وحده جلست اضحك عليه ومع الايام اكتشفت فعلا انه صحيح

تقول الرجل مثل الكره اذا تشوتيها (ترميها)ترجع لك

وتقول الرجل مثل الظل اذا لحقتيه هرب منك واذا هربتي منه لحقك

انا مااقول اهملوا ازواجكم او اعصوهم لاسمح الله

لا ولكن ليه بعض الحريم تلغي وجودها

وكأنها خلقت لخدمه الرجل فقط وتلبيه رغباته وهي مالها رغبات

انا اعامل زوجي بالحسنى والمفروض هو نفس الشئ

لان الجزاء من جنس العمل

يعني لما اقدم شئ وماالقى عليه جزاء او ثناء او حتى احساس اني فعلا ماقصرت

لازم في هالحاله اشوف فين الخلل

انا كلامي للزوجات الاولايات

ليه بعض الحريم اذا تزوج عليها زوجها انكسرت نفسها وتحسها اهانه

لو اهانه لاسمح الله كان الرسول صلى الله عليه وسلم اولى بانه مايقوم فيها

وتتعب نفسيا ويمكن تفقد صحتها العقليه وممكن تفقد عيالها

وبعد فتره عشان تعدل الخطأ تمارس خطأ اكبر

اللي هو انها تضغط على عمرها وتحاول ترضيه زياده

وتتنازل عن اشياء كانت في السابق من الاولويات عشان بس يرضى

وفي الاخير تنقهر اكثر لانها تنازلت اكثر وماحصلت مقابل

انا مااحرض اي وحده على زوجها

انا اقول نفس الكلام اللي تقوله منتظره والاخت احب الله ورسوله

اقوم بمايرضي الله ولا الحق فلان ولاعلان وهو راح يرجع

السلام عليكم ورحمة الله وبركاته

والله اني احبكم في الله

لأنكم فعلا عاقلات وذكيات وعرفتم تمسكون بيتكم وازواجكم

مارميتوهم وخليتوه للزوجه الثانيه وطلعتوا انتم مثل مايقولون بالمولد بلا حمص,,

حبيباتي الغاليات انا عندي نماذج كثيييييييره من حولي لرجال معددين من اسرتي

يعني الوضع عادي عندي,,

الزواج الثاني ليس مصيبه,,, المصيبة مصيبة الدين مصيبة المرض مصيبة الموت

ومو كل من تزوج اصبحت زوجته الاولى فيها عيب او مايحبها

مين يقول هالحكي ومين يقول هالكلام,.,؟؟

الزوجه الاولى والثانيه ماعملوا شي غلط,,وكل الاثنتان تزوجوا بالحلال

الحكي كله والحكم بيد الرجل بيد الزوج لو كانت شخصيته تؤهله لفتح بيتين فراح يعيش سعيد

لكن لو كان يالله يمسك زوجه واحده فأحسن له ينثبر ويمسك بيته وعياله

واللي يبي يتزوج يتزوج هاذي غريزه في الرجل يبي يتزوج,,ماتكفيه زوجه

روح الله يسهل عليك,,لكن الرجل بحق هو اللي يكرم زوجته الاولى ولا يجيب طاريها بسوء

ويكرم زوجته الثانيه ولا يجيب طاريها بسوء,,

انا اقولكم نماذج واحكموا,,

-واحد تزوج الزواج الثاني,,والله زوجته الثانيه تقول احسب اني جايه اشتغل ممرضه لزوجته الاولى

من كثر ماسبها وحط فيها امراض وانها عاجزه ,, تقول تفاجأت يوم جيت

الحرمه ماشاء الله تبارك الله مافيها الا العافيه تطبخ وتنفخ وتمشي وماسكه بيتها وعيالها

تقول بصراحه كرهت زوجي,,لكن مااقدر اتطلق,,اللي زوجته الاولى سبها بهالشكل وما قدر العشره

هذا بالله وش تسمونه ,,بصراحه ((مو رجال)),,

-صديق اخوي تزوج للمره الثانيه واخوي راح يحضر زواجه,,تدرون وش يقول وش عذره

يقول **والله زوجتي الاولى ماتعرف تحط روج** بالله هذا عذر..؟؟؟؟!!!!

هذا وش تسمونه ((مو رجال)),,

-واحد من قرايبنا تزوج للمره الثانيه,,جاب زوجته الثانيه بعد الزواج وراحوا يزورون الزوجه الاولى

من يوم ماتقابلوا قال لزوجته الثانيه,,شوفي هاذي ام فلان ام عيالي وتراها ماقصرت وبيض الله وجهها

وابيكم مثل الاخوات ولا ابيكم تتزاعلون,,ولا ارضى بإهانتها

وقال لزوجته الاولى,,ِشوفي هاذي فلانه زوجتي الثانيه ابيك تعاملينها مثل اختك ولا ارضى انك تهيننها

يعني من البدايه حط قواعد وقوانين,,والله انهم مثل العسل,,زي الاخوات ماشاء الله تبارك الله

وعادل بينهم وكل واحده عارفه حقوقها,,هذا وش تسمونه ((رجال والنعم فيه)),,

يااخواتي لاتخسرون دينكم ودنياكم عشان زوج عشان رجل,,

مره كانوا يتناقشون عن الزواج الثاني وقالت واحده انا مستعده اسحره واكفر عشان مايتزوج علي

الله اكبر,,عشان زوج..عشان دنيا فانيه تكفرين؟؟

استغفر الله العظيم والله اقشعر جسمي من كلمتها,, يعني هذا كله حبا فيه ؟؟

لا والله الا حسد وبس,,

والاخرى تقول والله اني ارضى ان يخون بالحرام ولا يتزوج علي,,استغفر الله

والله لو تحبينه ماترضين ان يضيع دينه واخلاقه,, اترضين بالحرام وتحرمين الحلال؟؟؟؟

الانسانه العاقله لاتقدم دنياها على اخرتها وتعرف كيف تسير امورها..وتحفظ حقوقها,,

ولا تلفت للقيل والقال,, وعبارات الناس اللي ماتودي ولا تجيب وتكبر راسها على زوجها وتخرب بيتها

وتضيع عيالها,,الزواج الثاني ليس نهاية العالم بل بالعكس,,فرصه لك لكي تلفتي لنفسك

تعبدين الله اكثر..تهتمين بشكلك وبشرتك اكثر,,تهتمين بأهلك اكثر,,تواصلين صديقاتك اكثر,,

اعذروني تكلمت واجد لكن اختصرت قد مااقدر,, وبارك الله فيكم واثابكم وادام عليكم السكينه

مرحبا

منتظرة و الامل بالله شيكي على الخاص