ام الوسيم :

اهلين بنات وش اخباركم ان شاء الله تمام تعجبني العامريه ماشاء الله عليها اللي يزيدها عقل وثقل اهلين احب الله والرسول الله يرضى عليك ياعيوني ويسعدك دنيا واخره اهلين امرأه العزيز الله يسعدك ياعيوني ويوفقك يارب بس ياليت تغيرين اسمك ماادري انتي ليه سميتي نفسك كذا اهلين ANGEL HEART الله يرضى عليك ياعيوني ويوفقك اهلين العامريه الله يسعدك يارب اهلين اختي لقاء محبوب انا ماراح ازيد على كلام البنات ماشاء الله كفوا ووفوا بس ابيك دايما انتي والبنات تدعون اللهم اربط على قلبي اللهم يامثبت القلوب على دينك ثبتني وتتذكرون قصه ام موسى لما رمت ولدها في اليم وبسبب دعاءها لله سبحانه وتعالى الله ربط على قلبها وثبتها واعاد لها ابنها بنات انا عندي كلام كثير ودي اقوله ودي اكون بجنبكم اواسيكم واخفف عنكم لان مافيه زي ظلم الاحباء وظلم ذوي القربى اشد مظاظاه على الحر من وقع السهام المهند كلام منتظره والامل بالله الاخير فعلا صحيح لان مره سمعت مثل من وحده جلست اضحك عليه ومع الايام اكتشفت فعلا انه صحيح تقول الرجل مثل الكره اذا تشوتيها (ترميها)ترجع لك وتقول الرجل مثل الظل اذا لحقتيه هرب منك واذا هربتي منه لحقك انا مااقول اهملوا ازواجكم او اعصوهم لاسمح الله لا ولكن ليه بعض الحريم تلغي وجودها وكأنها خلقت لخدمه الرجل فقط وتلبيه رغباته وهي مالها رغبات انا اعامل زوجي بالحسنى والمفروض هو نفس الشئ لان الجزاء من جنس العمل يعني لما اقدم شئ وماالقى عليه جزاء او ثناء او حتى احساس اني فعلا ماقصرت لازم في هالحاله اشوف فين الخلل انا كلامي للزوجات الاولايات ليه بعض الحريم اذا تزوج عليها زوجها انكسرت نفسها وتحسها اهانه لو اهانه لاسمح الله كان الرسول صلى الله عليه وسلم اولى بانه مايقوم فيها وتتعب نفسيا ويمكن تفقد صحتها العقليه وممكن تفقد عيالها وبعد فتره عشان تعدل الخطأ تمارس خطأ اكبر اللي هو انها تضغط على عمرها وتحاول ترضيه زياده وتتنازل عن اشياء كانت في السابق من الاولويات عشان بس يرضى وفي الاخير تنقهر اكثر لانها تنازلت اكثر وماحصلت مقابل انا مااحرض اي وحده على زوجها انا اقول نفس الكلام اللي تقوله منتظره والاخت احب الله ورسوله اقوم بمايرضي الله ولا الحق فلان ولاعلان وهو راح يرجع

اهلين بنات وش اخباركم ان شاء الله تمام تعجبني العامريه ماشاء الله عليها اللي يزيدها عقل...

ام الوسيم :

فعلا كلام يامشاعل عين العقل المشكله في الرجل وكثير اقابلهم واعرفهم تقول والله لو يعدل او انه يكرمني ومايهيني والله لاروح اخطب له لكن عندنا في المجتمع اول شئ ان الحرمه الاولى دايما مقصر او فيها عذروب ثاني شئ مجتمع لازم تبررين له يعني واحد تزوج وحده ثانيه هو حر لا عندنا ناس ملاقيف ليه تزوج وعشان ايش وفيه وقاحه لدرجه السؤال في الخصوصيات هل هي مقصره معك في ال....... بالاضافه الى ان اهل الزوجه الثانيه يسألونه عن الاسباب وهذا من حقهم ومجتمعنا ذكوري والرجل تربى على انه صح دايما فلما احد يجي يسأله قليل فيهم اللي يقول الحق وان زوجته الاولى ماقصرت بالعكس تلقينه يطلع اي عذروب زي صاحب الروج ولما يسألونه اهل الزوجه الثانيه قليل اللي تلقينه واضح معاهم بالعكس اكثرهم يدعي المثاليه ومن الملام طبعا الزوجه الاولى اكيد مقصره

فعلا كلام يامشاعل عين العقل المشكله في الرجل وكثير اقابلهم واعرفهم تقول والله لو يعدل او انه...