ظلمني حبيبي :

لا يمكنك مشاهدة هذا التعليق لانتهاكه شروط الاستخدام.

أموت في هالمنتدى :

M!SS LANA هلا والله فيك إحساس مذل صح؟؟ بس شو أسوي هذا قدري أنا إنسانه حابه أعيش حياه هاديه وعيال يتربون بين أم وأب وأحفظهم القرآن ويكون بيتنا كله استقرار لكن هو يهد كل شي هو من النوع اللي يحب نفسه وهو دلوع أخوانه تعود من زمان إنه كل شي يباه يحصله وهو يعرفني قبل لا نتزوج لأننا عيال خاله أصلا يعني ماابتلش فيني وكان زواج تقليدي وهو لو ماكان مقتنع إني إنسانه ماتتعوض تلاقينه تزوج من زمااااااااااااااان بس لأنه قاعد يجرب ويجرب بس للحين مالقى شي جديد لأنه ماعنده سبب لو كان عنده سبب قاهر كان طلقني وتزوج صح والا أنا غلطانه لأنه ماعنده اسهل من الطلاق ؟؟ لكن الفاضي يعمل قاضي وسبب عدم توفقه هو رب العالمين إللي مايرضى بالظلم الله عاااااااااااااااادل وفوق كل ظالم مايرضى إني أنظلم ولاعيالي ينظلمون ولا بنت الناس تنظلم لأنه يدخل المواضيع بدون أي جديّه يعني بجربها وبشوف تصلح والا لأ ؟؟ واللي نيته يلعب ببنات الناس ربي مايوفقه غير كذا يشوفونه عنده استعداد يفرط في بيته الأول وعياله وبنت خالته إللي أصغر منه بعشر سنوات فيقولون إللي ماله خير في بيته وعياله ماله خير في بنتنا فيرفضونه الله يفرّج كربتي ويحميني ممن أراد بي وبأولادي سوءا ياأرحم الراحمين

M!SS LANA هلا والله فيك إحساس مذل صح؟؟ بس شو أسوي هذا قدري أنا إنسانه حابه أعيش حياه...

العامريه :

اموت في هالمنتدى اقولك قصة صديقتي واذا شفت مصيبة غيرك هانت عليك مصيبتك بس بقولكم يابنات انتم تقولون حب ومادري ايه..طيب اذا حصلتي كل شي بالدنيا وش بقيتي للآخره.. حياة سعيده واولاد طيبين وزوج تمام التمام وصحه وعافيه ومال وخيرات..عجلت لكم طيباتكم في الحياة الدنيا؟ وعلى فكره اللي تعجل له طيباته في الحياة الدنيا وتكون حياته كلها تمام هذا خافي عليه انه مستدرج.. انتم اذا عرفتوا طبيعة الحياة الدنيا اللي احنا عايشينها اكيد بترتاحون هذي الحياة اختبار وامتحان وابتلاء.. من امتحان للثاني ومن ابتلاء للي بعده..والنتيجه اما لصالحك ورفعة درجات في الجنه..او ضدك وشقاء في الدنيا والآخره. ربي اذا احب عبد ابتلاه ..والحمد لله كان ابتلائكم بهالناحيه.. ماابتلاكم بأخذ الولد فلذة الكبد..ولا بأخذ الصحه والعافيه راس المال.. الله اكبر رجل ماقامت الدنيا عليه ولابتنتهي اذا ظلم وتجبر.. فأقولك اختي قصة صديقتي للعبره.. هذي تزوجت قبل 15 سنه كانوا اخوان زوجها وخواته صغار وايتام امهم متوفيه..كفلتهم هي وصارت لهم الام والاب.. ابوهم كان مريض من قبل زواجها وبعد ماتزوجت صار طريح الفراش تخيلي اخوان زوجها وابوه كلهم مسؤوليتها.. ماقصرت ماشاء الله عليها والكل يشهد العدو قبل الصديق.. الا الزوج ماكانت بعينه شي مع انها ذابحه نفسها علشان ترضيه.. وهنا نقطه مهمه غلطت فيها وتوها تنبهت..انها نست نفسها في سبيل ارضاءه تنازلت عن كل حقوقها الطبيعيه علشان يكون راضي ومرتاح.. مشاويرها وحاجاتها كانت عن طريق اخوانها اكثر شي .. المهم توفى ابوه قبل سنتين الله يرحمه في بيتها راضي عنها..وتزوجوا خواته واخوانه بقوا عندها الحين الاثنين الصغار.. تقول كان جزائي انه وانا نفاس مسويه عمليه جا يبشرني انه بيتزوج علي.. الحين لها سنه جرح الولاده ماطاب من الصدمه النفسيه اللي سببها لها وهي نفاس تزوج واخذ وحده بنت حلال عمرها كبير تبغى ذريه الله يرزقها.. تقول مر علي مواقف عصيبه بسبب تصرفاته وطغيانه علي تقول مره قلت له هذا جزائي على الاقل راعي حالتي النفسيه مو علشاني علشان عيالك.. تدرين وش قال لها بعد كل هالسنين والعشره.. قال انتي ماخذك اتعبر فيك مجرد عبر فليه زعلانه :eek: تخيلي عجز الخسيس حتى يكذب عليها ويجاملها. الحين حنا حولها نناصحها ونشد من ازرها لانها شوي واستخفت .. والحمد لله في تحسن تقول انا الحين عارفه اني في ابتلاء والحمد لله على كل حال وعايشه اربي عيالي واشوف حالي خلاص ماعاد له قيمه. ان حظر نأدي حقوقه لله وان راح ماسألنا عنه.. طبعا يختلفون الرجال عن بعض..وعلى حسب اختلافهم يكون التصرف وردة الفعل اللي يخاف الله ويعدل هذا على الراس من فوق. اما اللي زي هذا فمثل هالتصرف هو اللي يناسب معاه ومن باعنا بالرخص بعناه ببلاش. الزم ماعليك صحتك العقليه اختي ..مادام عارفه طبيعة زوجك واتوقع انه زي زوج صديقتي فخلاص اعتبريه غير موجود وتصرفي على هالاساس .. لاتتعبي حالك كل يوم تنتظرين متى يتخلص منك.. الدنيا ماهي مطاوله احد ولاهو مخلد فيها . الله يعينك.

اموت في هالمنتدى اقولك قصة صديقتي واذا شفت مصيبة غيرك هانت عليك مصيبتك بس بقولكم يابنات انتم...