المحبه للجميع* :

معليش انا أسترق الدخول وأقرا على أستحياء مدري ليش بس بصراحة ردك الأخير يا (ظلمتها يا حبيبها ؟؟) بأيش ظلمك مدري ؟؟ خلاني أمسك كي بوردي وأكتب !! معليش المفروض هذا تمسكينه بإيدك وأسنانك ايش الكلام هذا وهو يا صبره عليك ..!!!! أقول أعقلي يا مره هو حابك وشاريك والله أنك تحاسبين ..؟؟ مثل زوجك حتى لو جت أطلق بنت ماراح يتركك لأنه انساااااااااان بكل ما تعنيه الكلمة بس أذكريني ذيك اللحظة وأدعي لي ... يا حياتي الرجال مو كلهم مثل زوجك وزوجك مو رخمه وضعيف..!! الا حابك حب كبير بس السؤال دامه يحبك بهالشكل يتزوج ليش ؟؟ أكيد فيه سبب قوي دوري عنه وقولي له بأتغير وشوفي وش بيقول ؟؟ أقول يا حبيباتي الله يكون بعونا وعونكم وترا كل البيوت تعاني سواء المتزوج عليها او لا لأنه خلق الأنسان في كبد ... اللي زوجها عادل تحمد ربها وتكبره لأن كثير من اللي تزوجوا رجالهم نسفوهم ؟؟ وأقولكم قصة وحده من قرايبي يمكن فيها عبرة هي وزوجها كانوا مضرب مثل وهي آية في الجمال والسنع والذرابة؟؟ كل كل كل اللي يخطر على بالكم كانت فيه توب بعد ثمااااااان سنوات جاء زوجها بشخصية مختلفة تغير مره صار يسج ويسرح كثير يتأخربرا... تقول صرت أحس أنه في البيت قاعد معي بجسمه روحه برا أيش الاسباب الله أعلم..؟ تقول ما خطر ببالي ولا واااااااااحد في الميه أنه متزوج ؟؟؟؟ ليش ما تدري الا أنه يبي يغير..!! المهم تقول فكرت الزم ما علي صحتي وعيالي .. ياما حريم مرضوا وماتوا بسبب أزواجهم ؟؟ تقول ما تسوى علي اضيع نفسي وأمرضها وهو ناظر نفسه انا بعد أناظر نفسي .. وهو نسفته بس حقوقه أدتها وبس .. المهم طلق الثانية تقول يوم طلق قلت في نفسي أكيد أنها نزوه وش سوت ؟؟ تقول رجعت له قلباً وقالباً لأنه عرفت قيمتي ولو ما عبر؟؟ وجرب غيري وعلى قولة ما تعرف قدري الين تجرب غيري المهم تقول أغدقت عليه الحنان كله عشان نفسي وعشان اعيش وأحتسبت الأجر وقلت هذا أبتلاء من رب العالمين تقول صبرت صبر أيوب بس قلت الحياة لازم تمشي بس من دون مشاكل لازم أرضي نفسي وهو الى الآن ما تاب وده ياخذ ثانية وثالثة تقول ما عاد همني قلت أعيش لنفسي وصرت أكثر لبس من أول وأكثر أشراقة واكثر حياة وهذاها عايشه ماشاء الله هدوء وربي باسط عليها معيشتها ماشاء الله تقول من رضي فله الر ضا ومن سخط فعليه السخط.. هذا أمر الله لازم أرضى فيه لأنه اذا رضيتي أستكانت نفسك وزانت أمورك ورزقتي من حيث لا تحتسبين والرجال تزوج والا قعد ما وقفت الحياة عشان رجاااااااااااال تقول الله أبتلاني بزواج زوجي والحمدلله بقالي حياة زوجي و نفسي وعقلي وعيالي وكل أهلي ... الزبدة الله يبتلي الناس على قدر ايمانهم فانا أقول أبتلى بزواجه ولا بفقده أو بفقد أحد عيالي لاقدر الله والا وش رايكم؟؟ والواحد يحمد الله انه عند هالحد.. ودائماً رددوا دفع الله ما كان اعظم ولربما هي رسائل من رب العالمين نحاسب فيها انفسنا معليش هذربت واجد أعذروني

معليش انا أسترق الدخول وأقرا على أستحياء مدري ليش بس بصراحة ردك الأخير يا (ظلمتها يا حبيبها...