ملامح نجد :

ايوه خلوني اكمل هذرتي .......... شفتو انا حبوبات مع اني ما شفت الكلام الى كان سبب تقفيل ملفنا لكن هذا حنا جينا نحب على روسكم وصارت السالفة صافي يالبن .. قولو حليب يا قشطة وخلونا نستفيد من تجاربنا ايه والله صدقتي يا عيون تركي على كلامك ((كلام الناس مالهم الا القيل والقال يعني الوحدة لو يتزوج عليها زوجها قالوا ناقصة ولية يدورغيرها وماملت عينة وما حط عليها حرمة الا من علة فيها والحرمة الي تاخذ واحد متزوج قالوا فيها بلا ء ولية ما تقدموا لهاالشباب الا عيب ونقص وشايفين فيها شي)) ذبحونا وخربو بيوت عمرانه فلو كل واحد انشغل بنفسه وبعياله كان ابرك لكن اللقافة ومحاولة تصحيح ما يرونه خطا بزعمهم من تجربتي اول ما تملكت كلاااام ليه وافقت على متزوج وش فيها من عيوب ولا وش فيهم شبابنا ما تبيهم مع انه بصراحة ما تقدم لي من هالشباب الى يقولون واحد بفتح النفس و والله أن اخوي الكبير حاول يوقف الزواج ويمنعه يقول ليه تعاف وتترك الشباب وتتزوج متزوج مع انه فارق العمر بينا مو كبير علشان ينقال انه شايب لكن الكتبه والنصيب وبعض اقاربي الله يهديهم يوم زواجي بدل ما يفرحوني نكدو علي بلبسهم كانهم جايين عزاء قدام المعازيم ولما البنات شغلو المسجل على طق طفوه وقالو الصوت مزعج ولما جابو البخور شوي وطلعوه من المجلس يقولون به اطفال ينكتمون من الدخان والله اني انقهرت وقلت بنفسي لو زواج ناس ثانيين ما تلقفو به كذا لكن الحمد لله ثمن تعالو شوفو النصايح بس - انتبهي لا تروحين لها لو قال لك تعالى سلمي على زوجتي الاوله خلي لك شخصية ترى الرجال ما تزوج يبي يجمعكم شوفي وش انه شايف من الاوله يبي يفتك منها - خليك رسميه بتعاملك مع اهله لا ينقلون بينكم الكلام ولا تكثرين روحات لهم - اذا ما كانت ليلتك لا تقعدين لحالك قولى اخاف لحالى روحي عند خالتك فلانه أو فلتانه خليه يوديك - عوديه على انه دايم يتمشى فيك مطاعم وحركات - لا تحملين بسرعه ترى الرجال يبي يتهنى - لا تاخذين موانع حتى لو قال لك لانه بعض الرجال سنه سنتين واول ما تكبر المشاكل يطلق والحمدلله ما سمعت نصايحهم أو اتبعتها بالعكس تمام هي الى جات يمي تبارك وتسلم ويومها قسم بالله اني حسيت اني مخنوقة لاني ما كنت انا البدارة لها الحركة وكسبت الاجر بس الخوف كان يمنعني اهله حبوبين مره ومتقبلين الزوجة الثانية لانه مو اول واحد من اخوانه يتزوج ثانية ليلتي يكونون عندي ومو ليلتي اكون عندهم يعني ما فيه تفريق الا بغرفة النوم بس حملت بخوف والرجال طار من الفرح مع انه مو على قل عيال لكن على قولته كل واحد يجيب رزق معه اكثر ما يخرب علينا نصايح الاهل والاقارب الى مسوين فيها حكماء زمانهم حتى اني صرت اتحاشاهم لانهم كثير يسالوني عن حياتي ويضربون لي امثال تشين نفسي وتكرهني لكن بمجرد ما ارجع لبيتي واشوفهم انسى كل الدنيا بقلبي شي يقرقع يقول ليه المشرفات ما حذفن بعض الردود الى تتهم الزوج بالخيانة واشباه الرجال وبالشي المستعمل اذا كان كذلك فاستغفر الله العلى العظيم بيكون الرسول صلى الله عليه وسلم منهم لانه عدد والصحابة من بعده والله الخونه واشباه الرجال هم الى يشوفون حريمهم الحين بالاسواق لا حسيب ولا رقيب وتاركينهن يفتنن خلق الله لا غيره ولا حشيمة وبعد كل هالفتن نقول للرجل لا تتحرك مشاعرك وتدور الى يعفك

ايوه خلوني اكمل هذرتي .......... شفتو انا حبوبات مع اني ما شفت الكلام الى كان سبب تقفيل...

شمس الحب1 :

الله يخليكم لبعض ويخلي لنا القسم الحين يابنات يوم زوجك تزوج عليك وش كان وقع الخبر عليك وكم جلستي مده وانت لا تاكلين ولا تشربين وكيف كنت تقومين بحاجة اولادك بالنسبه للي عندها اولاد والي ماعندها الله يرزقها امين يارب العالمين وبعدين 2- وشلون قدرتي تتخطين وتظغطين على اعصابك بعد كم من المده وصرت بعدها تضحكين معه وتسولفين عادي 3- متى شفيتي الزوجه الثانيه وبعد كم من المده ووشلون وضعك يوم شفتيها وبعدها وش صار فيك وهل تضايقتي وهل كان اليوم لك او للثانيه وهل نمتي في ذلك اليوم وهل بعدها صرت تشفينها بين فتره واخرى واتروحون مع بعض في السياره واذا ركبتي انت وهي السياره من تركب اول قدام ( لان كثير من الي تزوج عليها زوجها صارت بينهم مشاحنات بسبب هذا الموضوع بعضهم انصفهم الزوج وخلى الاولى تركب قدام والبعض الاخر خلى الثانيه تركب قدام والبعض من الزوجه الاولى من سكتت وقالت خلاص بركب وراء وهذا صار في موقف سمعت عنه ) 4- والحين بعد سنه او اكثر قدرتي تتاقلمين مع الوضع او الان تحسين بشيء تجاه زوجك كره او حقد او زعل او غضب اي شيء اوصفي شعورك الحين 5- كم لك الحين من تزوج عليك زوجك وهل الوضع الان مختلف عن السابق 6- متى زوجك بداء يعدل ومتى جاء اخذك بعد ما تزوج عليك 7- هل سافر مع الثانيه او فضل البقاء في نفس البلده وهل انت سافرت معه عندما تزوج عليك ام بقية في نفس البلده مجرد تمشيات وطلعات ومطاعم جعل ان شالله كل وحده تزوج عليها زوجها يرجع يحبها مثل اول واكثر يااااااااااارب العالمين ما ابي اقلب المواجع بس بغيتكم تستفيدون من الموضوع الزوجه الاولى وبغيت اعرف وشلون لو الوحده تزوج عليها زوجها ماهي المراحل التي تمر بها من والى جعل ان شالله اي وحده متزوجه ما يتزوج عليها زوجها وجعل ازواجنا يحبون اكثر واكثر وجعلنا ان شالله الله يثبتنا على طاعته جميعن

الله يخليكم لبعض ويخلي لنا القسم الحين يابنات يوم زوجك تزوج عليك وش كان وقع الخبر عليك وكم...