منتظرة والأمل بالله :

[شمس الحب1] الله يخليكم لبعض ويخلي لنا القسم الحين يابنات يوم زوجك تزوج عليك وش كان وقع الخبر عليك وكم جلستي مده وانت لا تاكلين ولا تشربين وكيف كنت تقومين بحاجة اولادك بالنسبه للي عندها اولاد والي ماعندها الله يرزقها امين يارب العالمين انا اول وحدة اجاوب وان شا الله انج واطلع الاولى ج/1ماصدقت وقلت بلا مزح ثقيل ورجعت نمت بعد كذا كلمني بالموضوع واكده لي وقال تكفين خليني اجرب حضي يمكن الله يرزقني بالعيال الي بيصيرون عيالك ووافقت لكن قلبي ولع نار والله العظيم يابنات اني اصحا من النوم بجوف الليل اصيح وهو يقوم يقرا علي ويقول خلاص مابي اتزوج اذا منتي موافقة ( شكله بس يبيني ارتاح والا هو انها موضوعه) 2- وشلون قدرتي تتخطين وتظغطين على اعصابك بعد كم من المده وصرت بعدها تضحكين معه وتسولفين عادي ج/2 انا ماقدرت اضغظ على اعصابي الا بعد طلاقي الاخير وقلت خلاص يابنت مالك الا بيتك وهذا امر حصل ماعاد منه فكة 3- متى شفيتي الزوجه الثانيه وبعد كم من المده ووشلون وضعك يوم شفتيها وبعدها وش صار فيك وهل تضايقتي وهل كان اليوم لك او للثانيه وهل نمتي في ذلك اليوم وهل بعدها صرت تشفينها بين فتره واخرى واتروحون مع بعض في السياره واذا ركبتي انت وهي السياره من تركب اول قدام ( لان كثير من الي تزوج عليها زوجها صارت بينهم مشاحنات بسبب هذا الموضوع بعضهم انصفهم الزوج وخلى الاولى تركب قدام والبعض الاخر خلى الثانيه تركب قدام والبعض من الزوجه الاولى من سكتت وقالت خلاص بركب وراء وهذا صار في موقف سمعت عنه ) ج/3 شفتها بعد سبع ايام ( السبعة الايام الي لها شرعا لانها بكر) يوم شفتها ارتحت صار الامر عندي عادي كانت مسكينة مستحية ومنفعلة مدري مني او من زوجي هههههه والله العظيم ماتضايقت بالعكس فرحت بها وجلسنا يومين نطلع وننزل على بعض فالينها فل بعد كذا بدت الغيرة تشتعل بقلبي من جديد بعد السبعة ايام كان اليوم لي طبعا وهي راحت لشقتها وزوجي نام عندي والله مانمت من الفرح شفتها طيبة وحبوبة ( اثاريني مفغلة والطيبة والي على نياتها انا ) اما ركوب السيارة كنت انا اركب لان زوجي فهمها على هذا الشي لكن بعدين يمكن بعد شهرين شفتها تسابقني وتركب قبلي قدام كانها بتقهرني فطلبت من زوجي انه يقول لها الي يومها تركب قدام يعني بيومي انا الي قدام ولو يومها هي الي قدام 4- والحين بعد سنه او اكثر قدرتي تتاقلمين مع الوضع او الان تحسين بشيء تجاه زوجك كره او حقد او زعل او غضب اي شيء اوصفي شعورك الحين ج/4بعد سنتين الحين تقريبا تأقلمت لو انه تجيني اوقات افقد الصيطرة على اعصابي اما بالنسبة لزوجي فنا ماكرهته ولا حقدت عليه لكن ماهو الحب الاول الي بقلبي ومثل مايقول المثل الاول تحول والله مااتمنى له الا الخير ولو شفت جاه شر او مرض او موقف صعب تلاقيني واقفة معه 5- كم لك الحين من تزوج عليك زوجك وهل الوضع الان مختلف عن السابق ج/5 جاوبت على هذا السؤال فوق 6- متى زوجك بداء يعدل ومتى جاء اخذك بعد ما تزوج عليك ج/6 العدل الله اعلم به لكن ان عدل فهو لنفسه وان ماعدل فعلى نفسه وانا ماراح اسامحه لاني احس انه يصرف عليها اكثر مني بحكم اني موظفه 7- هل سافر مع الثانيه او فضل البقاء في نفس البلده وهل انت سافرت معه عندما تزوج عليك ام بقية في نفس البلده مجرد تمشيات وطلعات ومطاعم ج/7 سافرو جدة اسبوع واخذوا عمرة وبعدين رجعوا ليلة سبع من زواجهم وهي الليلة الي قابلتها فيها وجها لوجه وبعدين وداني عمرة ورحنا جدة يومين فقط جعل ان شالله كل وحده تزوج عليها زوجها يرجع يحبها مثل اول واكثر يااااااااااارب العالمين امين امين امين بس حب وفعل مانبي حب فقط بالكلام ما ابي اقلب المواجع بس بغيتكم تستفيدون من الموضوع الزوجه الاولى وبغيت اعرف وشلون لو الوحده تزوج عليها زوجها ماهي المراحل التي تمر بها من والى الاخت نور الليل سوت معي مقابلة هههههه احم احم وكتبت الموضوع هنا بعنوان معاناة زوجه اولى وذكرت فيها المراحل الي مريت فيها جعل ان شالله اي وحده متزوجه ما يتزوج عليها زوجها وجعل ازواجنا يحبون اكثر واكثر وجعلنا ان شالله الله يثبتنا على طاعته جميع امين امين امين واي سؤال انا حاضرة

[شمس الحب1] الله يخليكم لبعض ويخلي لنا القسم الحين يابنات يوم زوجك تزوج عليك وش كان وقع الخبر...

غلا .. :

سلام يا بنات كيفكم وش علومكم بحكيلكم قصه أمي أبوي بيتزوج على أمي يوم 23 -11 يعني بعد العيد .. ونفسيتها تعبانه والله امي ما قصرت عليه بشي السبب أنها ما تخلف جا بتنا أنا وأختي بس وبعدنا ما خلفت بس أبغى أخذ مشورتكم ..حريم جماعتنا يقولون لها أحضري وأكشخي وفصلي فستان بذاك الكلام (يعني غالي) والكوافيره اللي بتروحين لها قولي لها أنك عروس عشان تبدع فيك وتطلع أحلى من العروس الثانيه وهي والله أحلى منها بكثير بس تعرفون السبب اللي ذكرته هو اللي خلاه يتزوج عليها أعطونا مشورتكم تكفون .. وكيف تتعامل مع أبوي... الله يجزاكم الجنه..

سلام يا بنات كيفكم وش علومكم بحكيلكم قصه أمي أبوي بيتزوج على أمي يوم 23 -11 يعني بعد العيد...