ما شاء الله ملامح نجد الله يوفقكم ويبارك فيكم ويبعد عنكم عيون الحساد .
منتظرة والامل بالله الله يجزاك خير على النصائح القيمة ولو كل وحده زوجها اتزوج عليها استعانت بالله و حكمت عقلها وعرفت كيف تتعامل مع زوجها بعقل وتحكم في المشاعر وبالصبر لكان عرفت كيف تكسبه وكله توفيق من الله .ولو كل زوجه تأكدت انه هذا كله مكتوب من قبل ان تخلق السموات والارض وانه مقدر ومكتوب كان ما خلت الغيره تعمل عمايلها , والله زوجي لمن قالي انه بيتزوج قلتله بكيفك لاني متاكده لو انه طلع ونزل ومات على انه يتزوج وربنا ماكتبله الزواج ما راح يتزوج ولو اني مت عشان مايتزوج وربنا كاتبله الزواج راح يتزوج , قلت اتوكل على الله وطلبت منه انه يستخير ويختار وحده ذات دين واخلاق عشان ما تنكد علينا حياتنا وتخاف الله فينا .

كل عام وانتم بخير وتقبل الله منا ومنكم صالح الاعمال
اخت منتظرة او اي وحده من الزوجات الاوليات كيف نظام زوجك معك متى يجي ومتى يروح انا بدا يومي من امس الساعه 6 طبعا جاني الساعه 8لانه كان نايم ويبات عندي ويفطر اليوم ويتغدا ويطلع الساعه 6 المغرب ابي اشوف من معي

هلا اختي الدمعة
وكل عام وانتي بصحة وسلامة
اما سؤالك عن نظام زوجي فهو كالتالي
ليلة العيد صادفت ليلتي كان عندي
يوم العيد رحنا نصلي العيد انا وزوجي وضرتي
رجعنا والفطور كان عندي جلس عندي حتى اذن العصر وراح بيته الثاني
ويجلس هناك حتى العصر ثاني يوم ويجي عندي
وعلى العموم حنا في بيت واحد يعني هو موجود عندنا على طول لكن الفرق في المنام ليلة عندي وليلة عندها مع العلم ان كل وحدة مننا لها شقه كاملة
والناس اذا جونا للعيد يعيدون الرجاجيل على البيت الي فيه الرجال فقط اما الحريم يعيدون على كل وحدة مننا في بيته

انا زوجي قاهرني قلت له خذنا انا والعيال مشينا نتغدا برا رفض وراح مع واحد من اخوانه يعيدوا في قريه طلب مني عطر قلت ماتاخذ شي وفراش قلت ماعندي روح بيتك الثاني خذ منه وفلوس ماحط عندي اشلون امشي العيال بدل مايفرغ نفسه لنا كل سنه وهو رايح لباريس للقريه هذي قلت له لاتكون زوجتك هناك قام يحلف انها بيتها بس بصراحه انا مااصدقه انا جالسه في البيت طفشانه مره نفسي اعرف هي موجوده اولا انا اقدر اسال السواق تيعنا بس استحي عيب فشله وش اقول له وبنفس الوقت نفس اعرف الخبر اليقين اتصلت عبيت خالتي في نفس المحافظه وبطريقه سالت قالوا اخوات ضرتي الثلاث في هاذي القريه نفسي اعرف ميته قهر خخخخخخخ

السلام عليكم ورحمة الله وبركاته وكل عام وانتم بخير وعيدكم مبارك وتعودونه بصحه وسلامه وتقبل الله صيامكم وقيامكم وطاعتكم..:) لي وقت مادخلت المنتدى يعني العشرالاواخر ..عاداللي حسوا فيك:( :hahaha:ماعليه..انامشتاقه لكم ولسواليفكم .على فكره وش هالتطور الجديد صار التجمع تجمعين في تجمع واحد ايه عفيه عليكم هذا اللي كنت ابيه وكتبت اخر مره اقترحت فيه لو كل وحده من الزوجتين تتكلم عن السلبيات والايجابيات اللي ترغبها اوماترغبها في الاخرى لي عوده :)