السلام عليكم ياجماعه
هلا والله وكل عام وانتو بخير
أختي ملامح نجد أنا كتبت إني أمزح
شخباركم بنات عساكم بخير بس بسألكم على أختنا ظلمني حبيبي
وينها الله يهون عليها قالت إنه زواج زوجها ثانية العيد
يارب يطرح في قلبها الصبر والرضا ويكتب لها السعاده وين ماتروح
السلام عليكم ورحمة الله وبركاته
أخواتي قبل كنت كل ما اسمع أو أقرا فلانه تزوج عليها زوجها....اتعب نفسياً وأوسوس ...وتصير حالتي حاله...يصيبني خوف إن زوجي يتزوج عليّ...
مب إعتراض على شرع الله ...لا والله...ولكن بسبب صعوبه تقبل هالشي ...صعب عليّ أتخيل مجرد التخيل إن زوجي تشاركني فيه وحده ثانيه...
ما أبغي وحده تشاركني بزوجي لا في الحلال ولا في الحرام...وأكيد كل وحده منا تبغي هالشي...
بس هالمرة احساسي غير...
زرت وحده من جيرانا..تزوج عليها زوجها قريب وهي في النفاس المسكينه....وعندها منه العيال...
وشفت الزوجه الثانية عندها...لأنهم ساكنين في نفس البيت كل وحده لها غرفه..والبيت طابق واحد يعني الغرف متقابله..وتشوف زوجها وهو داخل على مرته الثانية دايماً
الزوجه الثانية ما كان فيها زود على الزوجه الأولى...يعني في الشكل الأولى احلى...يعني زواجه ما كان بسبب نقص في زوجته...يعني مجرد رغبه في الثانية
المهم...من طلعت من عندها وأنا أحس بالرضا من سالفة الزواج بالثانية....مادري ليش....شي في داخلي يقولي وشويعني لو يتزوج زوجي...مع إني قبل أموت ولا اسمع هالطاري....
وعلى فكره عندي إختي متزوج عليها زوجها وساكنه معاهم في نفس البيت ...بس إختي لأنها ما جابت له غير بنت وحده وما قدرت تحمل....يعني فيه عذر إنه يتزوج عليها....
بس جارتنا ما في عذر...وأغلب الرجال ما عندهم أعذار للزواج الثاني...
بالنسبة لزوجي ما قالي إنه بيتزوج...بس دايماً يجيب طاري الزوجه الثانية بالسوالف...كنت أعصب واسويها مشكله...وبعد فتره قمت ارفض الكلام في هالشي بدون عصبية حتى لو كان مجرد سوالف...
لا وشرطه لو فكر بالزواج إني أنا اللي أسير أخطب له...يعني ملزم إنه يذبحني قهر....حسبي الله ونعم الوكيل..
بس أحس إن رغبة الزواج تطري بين فتره وفتره على بال زوجي....وحالياً نحنا نبني بيتنا....كان مأجل فكرة ملحق المجلس في حوش البيت...ومكتفي بالمجلس اللي سواه في الفله.....بس من كم يوم قالي ببني ملحق المجلس..قلت له ما نحتاجه حالياً عندنا مجلس وغرفة طعام ..قال ابغي اسويه غرفة نوم لنا في المستقبل ما نقدر نطلع على الدرج...مع إنا مسوين مساحه للمصعد للمستقبل إن شاء الله....وعندنا غرفة للضيوف تحت بس حجمها صغير...
وبعدين قال بسوي مجلس مثل الملحق في حوش البيت وأبغي أسوي فيه غرفتين نوم..على شان إذا جوني ربعي يقدرون يباتون عندنا...قلت له غرفة وحده تكفي...لأن مب من كثر الناس اللي بتزورنا وبتنام عندنا....
حسيت من كلام زوجي وطبعاً ما قلت له هالشي...إن زوجي يفكر ويخطط لشي ...يعني كل الإحتمالات تقول في زوجه ثانية بتشاركني بيتي اللي صبرت سنين على شان أسكنه....
مره كان يسولف وقالي بسوي المجلس الداخلي غرفة نوم....قلت له ليش ...قال لزوجه الثانية....قلت له لو شو ما يكون ما تسكنها في بيتي وبيت عيالي...قال يعني أنا ما لي بيت...قلت له لك بيت إن كنت بروحك...بس هذا البيت رزق عيالي ورزقي..وصبرت سنين لين الله فرجها عليّ....وإذا تبغي زوجه ثانية...ابني لها بيت ثاني...
من كل هذا الكلام فكرت....قلت لازم أهيئ نفسي واتقبل فكرة الزوجه الثانية...قبل ما يسويها زوجي ويتزوج عليّ....يعني على قولتنا في الإمارات (ازهب الدواء قبل الفلعه)...يعني ( اجهز الدواء قبل الجرح) للي ما فهموا المثل...
أخواتي ابغي تكون أعصابي حديد وما اتعب...ابغي ارضى بشرع الله بدون أي اعتراض...واحتسب الأجر من الله سبحانه
خصوصاً إن الزوج لو بغى يتزوج له الحق إنه يتزوج حتى لو ما كان في عيب أو تقصير في زوجته الأولى...وحتى لو أقول زوجي ما يقدر على مسؤولية زوجتين...أرد وأقول لو يبغي هالشي بيقدر وما بيغلبه...الرجال مب هينين
قولولي كيف أقدر اسوي كل هذا....مع إني من ألحين أحاول إني اخفف من تعلقي الزايد بزوجي...أبغي هالشي يكون عادي...تزوج وإلا ما تزوج ما يهمني...المهم نفسي وصحتي..وراحتي اللي ما بيعوضوني شي عنهم
هو من يدخل عند زوجته الجديده ما بطري على باله أبداً...بينسى وجودي أصلاً...ليش أنا أضيع نفسي على شان واحد همه نفسه وبس...
حتى أفكر لو سواها...وعلى شان اريح نفسي ...بحط لي شروط وما بتنازل عنها...
وشروطي هي
إنها ما تسكن في بيتي
إنها ما تزورني ولا تتصل بي
إنه ما يطالبني بالتعرف عليها...وكل وحده تعيش في حالها
إنه بدال ما تكون ليلة عندي وليلة عندها...يكون اسبوع عندي واسبوع عندها...اريح لي نفسياً..لأني متعوده على نظام دوامه إنه يبات اسبوع فيه..
إن ما يكون بينه وبينها اتصال ومسجات طول ما هو عندي....وعني ما بتصل به أبداً طول ما هو عندها وبتناسى وجوده ووجودها...
إنه ما يطريني عندها وما يطريها عندي ..أبداً
شو رايكم بالشروط..؟؟؟؟
لا تضحكون عليّ ...أنا أحاول أفكر بعقلانية شوي...
ساعدوني في تهيئة نفسي...ولا تقولون لي...لا تشغلين بالج بهالسوالف ألحين...
طولت عليكم أدري سامحوني....بس لا تهملون موضوعي:( ...ولكم الأجر إن شاء الله
أخواتي قبل كنت كل ما اسمع أو أقرا فلانه تزوج عليها زوجها....اتعب نفسياً وأوسوس ...وتصير حالتي حاله...يصيبني خوف إن زوجي يتزوج عليّ...
مب إعتراض على شرع الله ...لا والله...ولكن بسبب صعوبه تقبل هالشي ...صعب عليّ أتخيل مجرد التخيل إن زوجي تشاركني فيه وحده ثانيه...
ما أبغي وحده تشاركني بزوجي لا في الحلال ولا في الحرام...وأكيد كل وحده منا تبغي هالشي...
بس هالمرة احساسي غير...
زرت وحده من جيرانا..تزوج عليها زوجها قريب وهي في النفاس المسكينه....وعندها منه العيال...
وشفت الزوجه الثانية عندها...لأنهم ساكنين في نفس البيت كل وحده لها غرفه..والبيت طابق واحد يعني الغرف متقابله..وتشوف زوجها وهو داخل على مرته الثانية دايماً
الزوجه الثانية ما كان فيها زود على الزوجه الأولى...يعني في الشكل الأولى احلى...يعني زواجه ما كان بسبب نقص في زوجته...يعني مجرد رغبه في الثانية
المهم...من طلعت من عندها وأنا أحس بالرضا من سالفة الزواج بالثانية....مادري ليش....شي في داخلي يقولي وشويعني لو يتزوج زوجي...مع إني قبل أموت ولا اسمع هالطاري....
وعلى فكره عندي إختي متزوج عليها زوجها وساكنه معاهم في نفس البيت ...بس إختي لأنها ما جابت له غير بنت وحده وما قدرت تحمل....يعني فيه عذر إنه يتزوج عليها....
بس جارتنا ما في عذر...وأغلب الرجال ما عندهم أعذار للزواج الثاني...
بالنسبة لزوجي ما قالي إنه بيتزوج...بس دايماً يجيب طاري الزوجه الثانية بالسوالف...كنت أعصب واسويها مشكله...وبعد فتره قمت ارفض الكلام في هالشي بدون عصبية حتى لو كان مجرد سوالف...
لا وشرطه لو فكر بالزواج إني أنا اللي أسير أخطب له...يعني ملزم إنه يذبحني قهر....حسبي الله ونعم الوكيل..
بس أحس إن رغبة الزواج تطري بين فتره وفتره على بال زوجي....وحالياً نحنا نبني بيتنا....كان مأجل فكرة ملحق المجلس في حوش البيت...ومكتفي بالمجلس اللي سواه في الفله.....بس من كم يوم قالي ببني ملحق المجلس..قلت له ما نحتاجه حالياً عندنا مجلس وغرفة طعام ..قال ابغي اسويه غرفة نوم لنا في المستقبل ما نقدر نطلع على الدرج...مع إنا مسوين مساحه للمصعد للمستقبل إن شاء الله....وعندنا غرفة للضيوف تحت بس حجمها صغير...
وبعدين قال بسوي مجلس مثل الملحق في حوش البيت وأبغي أسوي فيه غرفتين نوم..على شان إذا جوني ربعي يقدرون يباتون عندنا...قلت له غرفة وحده تكفي...لأن مب من كثر الناس اللي بتزورنا وبتنام عندنا....
حسيت من كلام زوجي وطبعاً ما قلت له هالشي...إن زوجي يفكر ويخطط لشي ...يعني كل الإحتمالات تقول في زوجه ثانية بتشاركني بيتي اللي صبرت سنين على شان أسكنه....
مره كان يسولف وقالي بسوي المجلس الداخلي غرفة نوم....قلت له ليش ...قال لزوجه الثانية....قلت له لو شو ما يكون ما تسكنها في بيتي وبيت عيالي...قال يعني أنا ما لي بيت...قلت له لك بيت إن كنت بروحك...بس هذا البيت رزق عيالي ورزقي..وصبرت سنين لين الله فرجها عليّ....وإذا تبغي زوجه ثانية...ابني لها بيت ثاني...
من كل هذا الكلام فكرت....قلت لازم أهيئ نفسي واتقبل فكرة الزوجه الثانية...قبل ما يسويها زوجي ويتزوج عليّ....يعني على قولتنا في الإمارات (ازهب الدواء قبل الفلعه)...يعني ( اجهز الدواء قبل الجرح) للي ما فهموا المثل...
أخواتي ابغي تكون أعصابي حديد وما اتعب...ابغي ارضى بشرع الله بدون أي اعتراض...واحتسب الأجر من الله سبحانه
خصوصاً إن الزوج لو بغى يتزوج له الحق إنه يتزوج حتى لو ما كان في عيب أو تقصير في زوجته الأولى...وحتى لو أقول زوجي ما يقدر على مسؤولية زوجتين...أرد وأقول لو يبغي هالشي بيقدر وما بيغلبه...الرجال مب هينين
قولولي كيف أقدر اسوي كل هذا....مع إني من ألحين أحاول إني اخفف من تعلقي الزايد بزوجي...أبغي هالشي يكون عادي...تزوج وإلا ما تزوج ما يهمني...المهم نفسي وصحتي..وراحتي اللي ما بيعوضوني شي عنهم
هو من يدخل عند زوجته الجديده ما بطري على باله أبداً...بينسى وجودي أصلاً...ليش أنا أضيع نفسي على شان واحد همه نفسه وبس...
حتى أفكر لو سواها...وعلى شان اريح نفسي ...بحط لي شروط وما بتنازل عنها...
وشروطي هي
إنها ما تسكن في بيتي
إنها ما تزورني ولا تتصل بي
إنه ما يطالبني بالتعرف عليها...وكل وحده تعيش في حالها
إنه بدال ما تكون ليلة عندي وليلة عندها...يكون اسبوع عندي واسبوع عندها...اريح لي نفسياً..لأني متعوده على نظام دوامه إنه يبات اسبوع فيه..
إن ما يكون بينه وبينها اتصال ومسجات طول ما هو عندي....وعني ما بتصل به أبداً طول ما هو عندها وبتناسى وجوده ووجودها...
إنه ما يطريني عندها وما يطريها عندي ..أبداً
شو رايكم بالشروط..؟؟؟؟
لا تضحكون عليّ ...أنا أحاول أفكر بعقلانية شوي...
ساعدوني في تهيئة نفسي...ولا تقولون لي...لا تشغلين بالج بهالسوالف ألحين...
طولت عليكم أدري سامحوني....بس لا تهملون موضوعي:( ...ولكم الأجر إن شاء الله
مسا الخيرر
معليش انا بخشش عررض بس حابه ادعي لكم ان ربي يسخر لكم ازوااجكم ويهون مصابكم يارب ياكريم
وحابه ارد على مها الاماراات.. ربي يعينك ويهدي بالك ويسخر لك زوجك ولا يشوف غيرك
بس بالنسبه لشرووطك اعرف وحده متزوج عليها زوجها وحااطه نفسسسسسس الشرووط ..
بس عادي ليله لها وليله لضرتهاا ... وزوجها طبعا مارفض ولبى كل اوامرها
وممكن تكون الضره طيبه وممكن فيها حقهاا
بس حلوو انها قطعت الشئ من اووووله لاقالت بشوفها اهلي احلى مني ولاشئ .. زوجها له يمكن 4 سنوات متزوج واهي على رايهاا وكمان السفرات مو على مزاج زوجها متى مايبي يسافر معاها لا طبعا بشوور ام العيال
والله يعينك يااختي واحتسسبي عن ربي وخلي بالك من عيالك وان شالله مايصير اللي فباله
واتذكري كل شئ مكتوووب بس اهم شئ لاتقصري بحق عيالك واهتمي بنفسيتك لان عيالك بيتاثرووا بنفسيتك وربي يهوون على الجميع
اسفه بنات بس انا حكيت لها من واقع تجربه وحده اعرفها
معليش انا بخشش عررض بس حابه ادعي لكم ان ربي يسخر لكم ازوااجكم ويهون مصابكم يارب ياكريم
وحابه ارد على مها الاماراات.. ربي يعينك ويهدي بالك ويسخر لك زوجك ولا يشوف غيرك
بس بالنسبه لشرووطك اعرف وحده متزوج عليها زوجها وحااطه نفسسسسسس الشرووط ..
بس عادي ليله لها وليله لضرتهاا ... وزوجها طبعا مارفض ولبى كل اوامرها
وممكن تكون الضره طيبه وممكن فيها حقهاا
بس حلوو انها قطعت الشئ من اووووله لاقالت بشوفها اهلي احلى مني ولاشئ .. زوجها له يمكن 4 سنوات متزوج واهي على رايهاا وكمان السفرات مو على مزاج زوجها متى مايبي يسافر معاها لا طبعا بشوور ام العيال
والله يعينك يااختي واحتسسبي عن ربي وخلي بالك من عيالك وان شالله مايصير اللي فباله
واتذكري كل شئ مكتوووب بس اهم شئ لاتقصري بحق عيالك واهتمي بنفسيتك لان عيالك بيتاثرووا بنفسيتك وربي يهوون على الجميع
اسفه بنات بس انا حكيت لها من واقع تجربه وحده اعرفها
هلا بالجميع
اختي مها الامارت
الله يسخر لك زوجك ويخليك نصيبة الوحيد من نساء الدنيا
اما سالفة الشروط فالمؤمنون على شروطهم لكن من راح يفي بهذي الشروط كلهم يضيعونها وينسونها او يتناسونها الا من رحم ربي
اختك منتظرة شرطت على زوجها نفس الشروط والله العظيم ماتحقق منها شي
فالبداية قال ابشري وبعد الزواج نسيها
لكن مااقول الا حسبي الله ونعم الوكيل
وترا الرجاجيل ماهم مثل بعض يمكن فيه رجال يخسر حياته علشان يفي بشرطه لكن الاغلبية مثل حال زوجي
اختي مها الامارت
الله يسخر لك زوجك ويخليك نصيبة الوحيد من نساء الدنيا
اما سالفة الشروط فالمؤمنون على شروطهم لكن من راح يفي بهذي الشروط كلهم يضيعونها وينسونها او يتناسونها الا من رحم ربي
اختك منتظرة شرطت على زوجها نفس الشروط والله العظيم ماتحقق منها شي
فالبداية قال ابشري وبعد الزواج نسيها
لكن مااقول الا حسبي الله ونعم الوكيل
وترا الرجاجيل ماهم مثل بعض يمكن فيه رجال يخسر حياته علشان يفي بشرطه لكن الاغلبية مثل حال زوجي
الصفحة الأخيرة
حبيبتي فكي نفسك من تتبعه والسؤال وراه
وش بتاخذين من هذا كله الا وجع الراس
والمشاكل واللي تبينه ماراح يصير بالعكس
راح يطفش منك ومن مشاكلك ويدور الراحه
عند غيرك.
تحملي الامور ببدايتها صعبه مره ومع تعويد
النفس على الانظباط والصبر بتتعود.
الله يسخره لك ويهديه.