ام رغوووودي

الا والله مجربتها وما انصح فيها ومنزله موضوع عنها

انا اخذتها في القيصريه

حلو انك صاحيه وتشوفين البيبي مع اني ما تهنيت على طول شالوه للحضانه لانه في الثامن

بس بعدين تعبت منها

ظهري جلس فتره طويله والله مدري كم سنه يالمني مع المشي او الشغل وكذا

نفس مكان ضرب الابره كان يالمني

وما اعتقد ان ه عدم خبره من الطبيب لاني سويتها في امريكا وهم يعطون الابره يوميا بشكل كبييير للحريم لانهم ما يبون الاجر خخخخخخخخ



تكفين حكيني عن موقفك مع امزوجك جاني فضول شديد
متى دخلت بالظبط مع الراس ههههه؟؟ ومتى طلعت؟؟

لو منك اقولها تطلع برااااا!!!






جودي وين قصتك؟؟
والا عشان ايمان غابت خلاص مالنا حق احنا؟؟؟؟؟؟؟؟؟

هههههههههههههههههه

لا والله موب القصد ..

طيب بطتبها اللحين واعلمكم بالتفاصيل التفاصيل لاني راعية سرد مو طبيعي

ام رغودي لا اشوى الاسهال خف الحمد لله

خلاص خوذي راحتك ولا تنسين ولا تفصوله

بسم الله الرحمن الرحيم
اما بعد خخخخخخخخخخخ

يالله تخيلت نفسي اكتب قصة ولادتي بغيت ابكي خخخخخخخ

المهم هذي قصتي من طقطق لسلامو عليكوو

في مثل هذا اليوم من السنه اللي فاتت كنت مملكه مالي يوميـن ومحدد عرسي بالعيد
وكانت خطبتي وملكتي وعرسي كلها بشهرين
وهذا كان اكبر غلط وبداية المشوار اللي كله اسود في كووحلي
المهم وقت الملكه كلمته وكلمني بس مكالماتنا فاااااااااااااتره كنت ادور اهتمامه وابيه يحسسني باهميتي ومالقيت
نسيت اقولكم انه كثير من اهلي يوم الخطبه لاموني ليه وافقت لانهم ناس مانعرفهم وجوني لانهم شافوني بمكان
وقالوا لي لازم نسأل عنهم
وانا وكلت عمي يسأل عليهم عاد مدري قصور من عمي ولا رداة حظ ولا نصيب خلاني ماكتشف شخصيته الا بعد العرس

ايام الملكه يوم اكلمه كان عاادي المهم بيوم اتفقنا على الزفه ووافق ينزف معي وهو انسان عادي ماعنده مشكله مع الاغاني وكذا
بعد يومين جاني وقال مسسسسسسسسستحيل انزف
قلت ليه قال علشان ماحب اسمع اغاني
قلت نصاب عطني عذر ثاني اقنعني وراح اوافق
قال ماحب الحريم يناظروني قلت ماردك بالملكه وعيونك على كل الحريم قال طيب كذا مزاج مابي انزف
قلت له ترى كذا تشككني فيك وانه في احد معين طالب منك ماتنزف معي لسبب ما & عاد بلحظتها حسيت بحاستي السادسه اللي مصيبه مدري من وين وارثتها هههههههههههه
انها وحده من عيلته ماتبيه ينزف علشان لا ينفطر قلبها عليه مدري ليه حسيت كذا بعدين اقولكم &

المهم جى العيد
وجى العرس انزفيت بروحي بعد ماردني ومارضى ينزف معي وانا بالكوشه تفاجئت انه جى بعدي ودخل وزف نفسه بروحه :|
طنشت عادي
اول يوم رجعنا كنت تعبانه وهلكانه واهلي تركتهم ونفسيتي زفت وكنت ابكي مارحمني وجى يبي حقه الشرعي بدون مقدمات
وبدون حتى دلع او كلام حلو :(
تقدرون تقولون اغتصاب !! لحظه لحظتين وتكتيف وأخذ اللي يبيه ونام
جلست لثاني يوم مصدومه ومانمت رجع صحى وكنت اتحممت وجلست بروبي بالصاله وكنت خايفه
شوي صحى وجاني والصاله سوى سواته ثاني مره بدون رد فعل مني وحسيت بشي انفجر لحظتها يوم قام مني اكتشفت نزيف قوووووووووي
وهو يضحك ويقول انه ادى اللي عليه |:
قمت تحممت ثاني وغطيت عالسالفه بالاولويز

هذا اول تصادم بيني وبينه ...

طبعا مايحتاج اقولكم اننا كنا بالبيت من اول يوم وماكان بيته مجهزه باكل ولثاني يوم بالليل اللي رحمني وجاب لي كودو خخخخخخخخخ


مرت الايام وانا كرهت هالعلاقه بينا وصرت بااارده ومو مهتمه مع اني مارده لاني اخاف اكون عاصيه ..

رحت لاهلي يومين لظروف خاصه
ورجع ياخذني وبالسياره واحنا راجعين الساعه اثنين نص الليل رن جواله وكان جهتي مسكته له بكل نيه طيبه شلت له الجوال وحطيت سبيكر ..
الا ذاك الصوت الزين خخخخخخخخخخخخ
الووووو هلااا فلان اشوى انك رديت احسبك رحت تجيبها :(
عاد هو اختبص قال لا لا اهلي معي راجعين بيتنا
الا يوم تعدل نبرة صوتها وتقول طيب طيب شلون عمي وعمتي عساهم بخير يالله مع السلامه ؟؟؟
انا عرفت هي مين من صوتها لاني اول مره شفتها زايرتني عرفت انه عندها شي ماني عاجبتها وتشليني وتحطني بعيونها هي بنت عمه ومتزوجه ولد عمه
وعلاقتهم من هم صغار مع بعض
وكل يوم والثاني طابه عندي بحكم اهلها ساكنين جنبي
وتتعذر باي هذر علشان اشوفها عندي وبنفس الوقت القاه يرجع فجأه من مشواره ويجي البيت

المهم نرجع للسياره يووم قفلت وانا اناظره وهو يتصبب عرق
قلت وش ذاا ؟؟
قال لا لا تحسبينها فلانه ترى مو هي هذي وحده ثانيه تقرب لي من بعيد تبي سلف خخخخخخخخخ
عاد انا حفظت اخر اربعه ارقام وجيت بخزن رقمها بجوالي علشان ناويتها بفضيحه بغى يسوي حادث وقدر ياخذ جواله
وصلنا البيت ودخلنا وانا لاصقه فيه علشان لا يروح ويمسح الرقم
ويوم عجز يبعدني عنه وهو متوتر وانا بوجهه وكنت اتكلم ببرود واقول هات الرقم
لاني عارفه اني بسوي جريمه الصباح
ماعرف كيف يصرفني رفع يده اعللللللللللللللى شي
وعطاني كف ..

وانا ماكملت شهر في بيته :(

اللحين اكمل الباقي :(

تا تا تاااا << مؤثرات صوتيه

صكني الكف من هنا التوى وجهي من هنا
وهربت من الخوف للغرفه وسكرت الباب
هو اختفى وتركني حابسه نفسي بالغرفه 24 ساعه بدون اكل وخايفه اطلع وخايفه اكلم اهلي ولا اكلم احد
ليه ماكلمت اهلي ؟؟
لاني غبيه احسب انها مشكله عاديه وتنتهي وماي اهلي يعرفون
ولاني غبيه احسب ان البيوت اسرار ..
عدت 24 ساعه وانا حالتي زفت الين ربي ارسل اخوي يكلمني بالجوال انهرت وقلت له ..
قفل بوجهي شوي الا امي تكلمني وتلعن شكلي وتقفل بوجهي خخخخخخخخ مدري ليه عيلتي سافهتني
شوي الا اسمع صوته يرد على امي وبكل أدب يقول سمي ياعمه اللحين اجيبها بس لما تفهمين القصه بتعذريني :(

رحت البيت وكنت بارده مو مهتمه مدري ليه ..؟
امي شافتني بهالحال حسبتني انا راس المشكله
ماسألتني التفاصيل
ثاني يوم جى وطلع فيني عيييييييييييييييوب الدنيا
ومنها اني مارضيهبالامور الخاصه ؟؟
يبي يكسر عيني ومايخليني ارد واستحي قدام اخواني الوصخ
وقال انه ضربني لاني مديت يدي عليه وعطيته كف واهنت كرامته ؟؟؟
وقت ماشفت تصديق بعيون امي انا انهرت ولميت شنطتي الصغيره بدون محد يكلمني وقلت له يالله نرجع انا رضي خلاص لاني من داخلي حسيت انه مالي اهل يسندوني بلحظتها ..

رحت البيت وهو مبسوط انه كسر عيني طنشته رحت الصاله مابي اقعد معه لحقني
وصار يدف راسي بيده يقول مره ثانيه مابيك تتعنطزين علي اذا امك عارفه انه يجي منك هالشي
وهو كذب الكذبه وصدقها ..
انا عاد ذيك الليله راسلت اهلي بالمسجات وكتبت كلام قووي قوووي وانهارت امي وارتفع ضغطها وخفت عليها وطنشت الموضوع
يومين احلل القى اني حامل :(
وصار يقول شفتي هوشتنا كانت وحم ؟؟؟

بعد اسبوعين او ثلاثه صحيت مالقيته جنبي بالسرير
يوم اروح للصاله لقيت لاب توب وهو منبطح على بطنه وفي الشات
قربت منه ومانتبهلي لانه منسجم جداً
يوم اناظر لقيته يكلم بنت بحكي وصخ وصخ وصخ وصخ
لابعد الحدود كلام يثيره ..
مافضحته وماهاوشته طنشت له الحركه وقلت له تراك تقلل من نفسك بالطريقه .. ورحت الغرفه
لحقني وبكل وقاحه ماتأسف ..
لحقني لانه مثار ويبي يطفي ناره جعلها تشتب فيه ههههههههه

لحظتها حسيت انه انا بنفسي اللي مهينه نفسي
انا نفسي اللي معطيته هالمجال انه يدعسني
طبعا اخذ حقه مني بالاغتصاب كالعاده ونام وشخر ..

يومين كنت بالصاله جاني وعيونه حمر غريبه روعتني
واستفزني وانا ماسويت شي مسكينه قسم بالله خخخخخخخخ
سب امي وسب ابوي الله يرحمه وسب تربيتي ..؟؟؟؟
كذا بدوووووووووووون مقدمات
انا ماستحملت صراحه وقفت وحطت وجهي بوجهه قلت انت اللي ماتربي يوم تتطاول على انسان ميت بقبره ..
ماكملت كلمتي شالني وحذفني عالجدار وقفت من قو الصدمه شالني ثاني ورماني على ثاني جدار وبرضو صدمني ووقفت قلت اذا ماحشمتني حشم جنبنك اللي في بطني لا يموت من ضربك شالني ورماني اقوى رميه على الجدار !!!

تكسرت وعظامي تفتت وقويت اوقف ثاني ورجعت له وقلت له طلقني ...............................

لحظات واكمل