يوم انك ماتبيني من البدايه من ايام الملكه وراااااااه مافكيتني منك ؟؟
تبين اطلقك البسي عباتك اوديك لاهلك وبطلقك
لبست عباتي وانا ماحس باي الام ولا تعب كأني فرحانه خلاص بفتك
هذا كله بنص الليل يوم فتحنا باب الشقه بنطلع نزلت قبله لحقني ابوه لانه سمعنا نتهاوش وجى يردني بس انا كنت ارتجف بدون مابكي واقول بروح لاهلي
جت امه وسحبتني سحب لبيتهم وجلستني بالصاله حقتها وناديت احد يجيب لي كاس مويه
وشغلت اللفزيون تكمل فلم كانت تتابعه وتقول لي بكل هدوووووووووووووء ..
عادي واذا يضربك ؟؟ خلاص انتي تورطتي وفي بطنك ولد اعقلي وخليك هاديه ترى كل الحريم ينضربون علشان يتأدبون ؟؟؟؟

انا انتفضت بس ماتكلمت ساكته كأني عارفه وش بسوي !!

جى وجلس جنب ابوه وابوه يسأله وش سويت للبنت ؟
وهو يقول ابد كنا نمزح مع بعض حتى شوفها قدامك مافيها الا كل عافيه يالله وراي دوام تصبحون على خير ونزل ؟؟

نزل ونزلت وراه لاني عارفه وش بسوي دخلت الصاله وفكيت جوالي ودقيت على امي وصحيتها
مابكيت قلت لها كلمتين ياتلحقين علي قبل اموت يماتلحقيني

ثاني يوم كنت في بيتنا .. ودخلت اتحمم وهذا كله وانا مابكيت هاديه جداً طلعت وكنت لابسه بجاما كت
مشيت الا امي تشهق من ظهري يوم اناظر الا كله ازرق
ظهري يديني فخوذي كلها مزرقه ومتورمه
لحظتها حسيت ان ري انصفني وخلى علامات ضربه على جسمي علشان محد يتهمني اني اتبلى واني مدلعه .

بعدت عن الناس يومين لا اكل ولا اشرب بس نايمه بروحي بالحر وبدون مكيف ومابي اكلم احد
فيني رغبه قويه اني اموت وارتاح ؟؟ مدري ليه
كنت اهوجس بزوج بدل مايكون راحه نفسيه يصير عله وترااب
وواهل ماصدقوني باول اختبار حقيقي بحياتي
وبواحد من اخواني يقول لي عادي واذا انضربتي ترى كل الحريم ينضربون وهو بغى يموت لما اخت زوجته ضربها زوجها :(

ماكان جنبي الا اكبر اخواني وامي حست بالذنب صارت تبكي عندي تبيني اكل وانا مستحيل ابلع شي
هذا كله وانا مالي شهر وعليها حامل

استخرت وماهديت الا يوم شفت بالحلم انه في حيوان لاف على رقبتي وغارز اظافره برقبتي ومحد فكه مني كل الناس تهرب لما تشوفني الين لقيت اكبر اخواني بوجهي يسحبه بشويش ويفكه من رقبتي وبدووون اي جرح
عرفت انه هذا اللي مقدر لي
طلبت الطلاق وواجهت كل العالم
جت امه وهي تحلف انه ماضربني واني اتبلاهم ..
واني مهمله ماطبخ بالبيت وانا خلال شهر سويت ثلاث عزايم كبيره وكل مافرش سفره طول بعرض كنت اصورها بجوالي علشان كنت فرحانه بسناعتي واوريها اهلي
كانت تقول اني اتهمت بنت عمه وانا مالي غرض
وطلعت بنت عمه نفسها اللي دخلته بالعرس وطلبته ينزف وقال لها طيب وانا قال لي لا
وهي اللي تكلمه بنص الليل علشان مدري ايش
وهي اللي ضربني علشانها ..

بهلفتره حاولوا كثير يثنوني عن قراري وامي وقفت معي ماتبني ارجع له
كلمته هاوشته وماعاد يكلم امي
يدق على جوالي بس علشان يسبني ويهاوشني ويتكلم عن جنينه اللي ببطني بصيغة انه لي لحالي يقول ولدك وولدك سحب نفسه كلياً منه ..؟؟!!

طوال شهور حملي مارسل لي قرش وكله امي متكفله فيه ..

اغراضي ارسلها لي بكراتين بيض بعد ماجتهم بشناط وصناديق ملبسه لبس خاص بالعرايس
رجعت لي هدوم عرسي وعفش زواجي ونصها لسه مانلبس

ليومكم هذا وهو يدق على عمي وخوالي
ويتهمني اتهامات حقيره
طلعني اصغر من اي شي بعيون اهلي

كله علشان يغطي على فعلته ..
لكني عرفت القى نفسي بالنهايه واصير قويه
وابيعه واشتري نفسي وبنتي وابيع شي اسمه زواج ثاني

خصوصا وهو حلف انه يعلقني للأبد وبيتزوج ثاني على باله بيقهرني خخخخخخخ

اكثر شي يقهر اني كنت ورده واللحين كل الهموم شايلتها

غيبوبه عشتها باقل من سنه وللحين مافقت منها

احيان اناظر كرشي واقول متى وكيف وشلون صار كل هذا

واحيان احس انه نصيب وانا راضيه باللي كتبه ربي لي

وتراني اكتئبت يامايسوى علي وش اسوي بنفسي اللحين خخخخخخخخخخخ

جودي ياعيوني الله يكون بعونك وحسبي الله عليه ونعم الوكيل واللخ مرررررررررررررررررررره قهرني
الله يوريك فيه يوم ان شالله
وفي قريبته هذي بعد اللي ماتستحي

بس ياعيوني لييييييييييييييييييه مو من االاول ناقشتي امك في الموضوع بصراحه ووضوح؟؟؟؟

غبيه وش تسوين فيني خخخخخخخخخخخخخ

عطيت الموضوع وقته علشان لا يجي يوم بالمستقبل واندم ..

وهذا اللي صاير اللحين مافيني اي ندم

الله ياخذ لك ولنا حقنا منه مره احسه متوحش هذا خيره انك تركتيه ولا تفكري
وانتي لساكي ورده وجوري بعد
ولايقدر لاهو ولاعشره من امثاله يذبلون هالورده كلها شهري وتطلعين من النفاس وتصيري احللللللللللللللللللللللللللللللى حديقة ورد في جده:26::26::26:

وتقهريه وتخلي الناس يتكلمو فيك وفي جمالك وان شالله ربي يعوضك خيييييييييييييير منه يارب ياكريم