مشيمشة :

اهلين بوخيتي ام حمودة كيف حالكم او كيف حال حمودة ووخيته ان شاء الله بخير او بنقولك عندي طريقة حلوة بالك تعجبك واديريها واللي هى نقولولها :22: السنيورة :22: او بالنسبة للمقادير :26: :26: كوب زبدة كوب سكر ناعم كوب نشأ زوز بيضات زوز ظروف فانيليا ملعقة كبيرة مش معبية بيكنج بودر كاكاو لتغيير لون العجينة دقيق مايعجن :26: :26: الطريقة :cook: اضربي البيض مع الفانيليا بعدين ضيفي السكر الناعم واضربي الخليط بعدين ضيفي الزبدة ..... ثم النشأ واضربي الخليط بعدين ضيفي الدقيق او اعجني لوين تبدالك العجينة متماسكة يعني تقدري تفرديها علي الرخامة اوبعدين ديري الكاكاو فوق العجينة واعجني لوين تولي كلها لونها قهوية او بعدين خودي طاسة او شكليها دوائر او مدا بيك ماتكونش الدائرة كبيرة او لما تكملي ستفيها في الطاجين او حطيها في الكوشة علي 300 درجة مئوية او خليها من تحت قبل اطيب بعدين حمريها شوية من فوق المهم ردي بالك لان ربع ساعة تبي وتطيب وانت كل مرة شوفيها او لما اطلعي الطاجين تلقي روحك كانك مدايرة بسكويت لان لما اضوقيها تلقيها زي البسكويت تتقرمش خلاص توا خلي البسكويت كله علي جنب وتعالي وتي حاجات الزينة من فوق واللى هما كالتالي مربي توت مكسرات لوز زبيب جنجلان جوز هند شكلاطة بيضاء اول حاجة تاخدي البسكويت بالطرف او تدهنيه بالمربي بعدين اترشي فوق منه جوز الهند علي المربى بعدين اتحطي الزبيب واللوز والجنجلان والمكسرت كلهم اتزينيهم علي السنيورة او اخر حاجة تاخدي الشكلاطة البيضاء بعد ما دوبيها اتخططيها علي الحاجات يعني تزينيها فوق السنيورة بحيث اتولي امخططة بالشكلاطة البيضاء او بعدين حطيها في الفريز دقايق بيش تجمد الشكلاطة او طلعيها ...... وان شاء الله اتكون عجباتك :( السنيورة :(

اهلين بوخيتي ام حمودة كيف حالكم او كيف حال حمودة ووخيته ان شاء الله بخير او بنقولك عندي طريقة...

omhamooda :

واوووووووووووو ماشاء الله شكلها تدنن لكن كيف يلصقن المكسرات اماله المربى هلبه مع شن انقدموها انى تقربصتى الله يسلمها عطتنى طريقه حلوه تو انجربهم الزوز بس انى غشيمه فى الحلويات ليا 4سنين متزوجه عمرى ما درت حلويات حتى اهل راجلى ديمه ايعزروفيا

واوووووووووووو ماشاء الله شكلها تدنن لكن كيف يلصقن المكسرات اماله المربى هلبه مع شن ...

مشيمشة :

اهلين وخيتي ام حمودة ايه والله حلوة تعرفي او بالنسبة للمكسرات يلصقوا بمجرد اتحطي المربي يلصقوا فيها او بعدين اللي ايزيد ايتبتهم الشكلاطة لما تجمد عليهم او طبعا اتقدميها مع الشاهي او تعرفي ماتخافيش حتى اني اتعلمت بعد ماتزوجت :( او يمشي الحال ان شاء الله يالله ان شاء الله اتجيك قنينة او قوليلي شن ايصير معاك او ماتنسيش اتبوسيلي السنااااااااااااااااااااااااااااااااافر

اهلين وخيتي ام حمودة ايه والله حلوة تعرفي او بالنسبة للمكسرات يلصقوا بمجرد اتحطي المربي يلصقوا...