ملهمه :

السلام عليكم يا بنات سوري عالتاخير رحت موعدي عند الدكتور ( حسين دشتي) يوم السبت .... اول شي قاس وزني نازله 6 كيلو ومقاس الخصر نازل 9 سم استانس واجد وقال انتي ممتازه ابيك تستمرين على جذي بعد شهر ..واذا تبين تقدرين تدخلين على نظامك نص كوب حليب كل يوم.. انا يا بنات خفت يقل التزول بس قال مو مشكله حتى لو يطول عشان ما يرد بسرعه ...انا للحين ما شربت حليب بس اذا جا يوم واشتهيته بشرب وان شاء الله ما ياثر بالنسبه لكل الاسئله انا سالته عن كل شي ما خليت للي اسألتني عن (بان كيك قليل الكربوهيدرات ) قال مة مشكله بس نص العلبه باليوم الجبن الابيض فيتا مو مشكله الدايت سفن والدايت كولا والدايت فيمتو كلهم نفس الشي بس لا تكثرون اكثر من اثنين كبار باليوم سكر سويت اند لو مو مشكله بس افضل سبلندا القهوة قالي تقدرين تشربين كوب واحد باليوم بكافاييييييين عادي مايونيز لا يزيد عن ثلاث قفشات باليوم خل البلسمك عادي اما عن كاكاو كاندريل قالي لا لا لا وعطاني كاكاو ثاني قالي اذا حيل ودك عالكاكاو ان شاء الله اقدر انزل لكم صورته اهم شي قالي انك ونستيني بنزولك والتزامك وان شاء الله بخلال شهرين الجايين راح تنزلين كل الوزن الزايد

السلام عليكم يا بنات سوري عالتاخير رحت موعدي عند الدكتور ( حسين دشتي) يوم السبت .... اول...