تجمع سبيشل بأخوات الازواج..يا زوجات الأخوان..ممنوع الدخول..

الحمد لله علاقتي بزوجة اخوي جدا رائعه

وبالعكس حبايب وعلاقتنا زي العسل وابدا ما في بيننا اي شي

وهي ما شاء الله عليها ما تحب تغلط والا تزعل احد

بالنسبه لي انا علاقي بها ممتازه واعتبرها اختي الصغيره واحبها لانها طيبه وقلبها صافي

معليش أنا من اللي ممنوع يدخلون بس بدخل >>> بالقوة يعني

أنا عانيت ومازلت أعاني من أخت زوجي الصغيرة تخيلي أصغرهم مب صغيرة بس إنها أصغر خواته عمرها الحين 24 للكن شفت العذاب منها والله أحيانا أعجز أقول الله يسامحها

كنت أجي من الدوام وفي رمضان وأنا أشتغل وهي تروح تنام وكانت أيامها في الثانوي ومن شدة جحادتها وعشان تبين انها صغيرة كانت تجحد دورتها الشهرية ولا تاكل قدامي في رمضان والله كأني رجال مو حرمة وكانت تختلق الكذب علي وتغير مني لأبعد حد.. حتى مرة كانت عندنا وأنا برا البيت وتقول بنتي انها ياماما جت واقت في غرفتك ( غرفة نومي ) تخيلي الصراحة انا اعتبرها وقاحة وش تبي في غرفة نومي الناس مالهم خصوصيات وأسرار ولابيني وبينها ميانة عشان تدخلها

وأتعجب والله اني أفرح اذا صرت مرت أخوي حلوة وسنعة وعندها راتب لأنها أكيد بتنفع عيال أخوي على الأقل ..
وعلى الرغم اني الحين بعيدة عنها لكني أشيل هم اذا رحت أزور خالتي بسببها .. لكن مصيرها تجرب

رسايل مون..
أم صالحة..شكرا لمروركن..ولكن..وشلون كانت العلاقة بينكم جيدة..
هل كنتن متزوجات قبل أن يتزوج أخوتكن..أم أنكن عاشرتموهن في بيت واحد وبعد ذلك تزوجتن؟
المسألة مهمة هنا..
أم العلامة..
جزاك الله خير..ولكن..كان المفترض ما تدخلين إلا غذا كنت بتتكلمين عن زوجة اخوك..مو أخت زوجك..شكرا مرة أخرى..

هلا والله...

أنا بصراحة جديدة بالصنعة... لسه مزوجين إخواني بالعطلة...

ولا أدري إذا هم يجيهم مني شي يضايق... الله أعلم...


عموماً... أنا عمات عيالي بيض الله وجيههم كلهم إلا واحدة فيهم موكلة عليها رب العالمين...
وأنا واحدة من الناس ما يخليني أكرههم إنهم قالوا كلمة ولا ما زاروني ولا وجبوني...لأن كل واحد عذره معه... أنا أكره الإنسان اللي يضرني متعمد... وبعد ما الله رزقني العيال صار ما يهمني اللي يضرني بنفسي عند اللي يضرني بعيالي... هذا اللي ما أفوته أبد ولا أسامح فيه أبد... بالذات لما يكون اللي ضارك أم ويعرف شعور الأم...

حسبي الله عليه توكلت وهو رب العرش العظيم...