انا عندي مرة اخوي جنيه من تحت لتحت دايم تحرض اخوي علينا على انها

في بيت مستقل ولا تجي الا كل 4 او3 شهور حتى في سوالفنا العاديه تقلبها

وتخليلهها راس ورجول على اننا عمرنا ماعاملناها الا بطيب وامي مافي مثلها معاها

عسسسسسسل ولا مره افتحت فمها او قالت فيها شي عند اخوي وامي اللي تقوم فيها لاولدت

على انها ماتستاهل تخيلو انها ماقد اعزمتنا على فنجال قهوه والله العظيم واحنا مابيننا والله شي

ولاعمري جيت بيتها الا اول ماسكنت حتى امي ماقد اعزمتها او جابتلها هديه لها 11 سنه

فيها قطاعه فظيعه بمعنى الكلمه بس الله يعوظنا في مرة اخو تبيض الوجه.....

اهلييييييييييين بنات

الصراحه موضوع روووعه

انا عندي مرت اخو وانا عندي خوات زوج خخخ

وبما ان الموضوع عن زوجات الاخوان

انا ماعندي غير اخو واحد متزوج والباقين توهم الله يرزقهم

الصراحه مرة اخوي رووعه ماشالله عليها الله يرزقنا بوحده زيها لأخوي الثاني

طيبه وحبوبه طبعا هي ببيت مستقل لحالها

وتغير اخوي بعد ماتزوجها كثيير

كان عصبي معنا ولا يعطينا وجه

ومن يوم تزوج وهو يناظر خواطرنا وصار بار بأمي اكثر من اول

طبعا من الله ثم مرة اخوي الله يسخرهم لبعض

وماقد شفنا منها الا كل خير اللهم لك الحمد

والحين انا تزوجت وعرفت وش معنى مرة الولد

الصراحه بعد ماتزوجت انا عرفت اشياااء كثيره

تصدقين كنت اسوي حركات تقهر طبعا من دون قصد والله يشهد علي

والمسيكينه ماعمرها زعلت مني ولا تضايقت بالعكس كانت لي اكثر من اخت

ويوم تزوجت عرفت وش كثر تحملتني خخخخخخ

طبعا اشياء بسيطه لا احد يروح باله بعيد

مثلا ادق على اخوي اقوله ودي اروح السوق وازن عليه لين يطيع وهو يوم اجازته فهمتوا

يعني طول الاسبوع ينتظرون هاليوم عشان يطلعون مع بعض

وخخ اجي انا اقول طلعوني السوق ((لأنه هو دايم اللي يطلعنا))

وتسكت ولا تعصب ولا تقول شي بالعكس احيانا ماتروح معنا ((تخاف ودنا نشتري شي ومانبيها تشوفه مع اننا ماقد سويناها .. بس كذا ياقلبي عليها يعني خوذوا راحتكم))

ويوم تزوجت وااااااااااااااو تطلع براسي نخله لو قالت وحده من خوات زوجي ابيك تطلعنا السوق
وهو يوم اجازته انقهر واقول هذي ماتقدر طبعا بيني وبين نفسي

>>>قررقر واجد

بس الزبده صرت احترمها اكثر والله يوفقهم ويسخرهم لبعض

عيون وليد..
البرنسيسة الصغيرة
رندورغد
rs1407
الفروجة الحلوة
شكرا على مروركن..
الله يعطيكن العافية..
استفدنا من الإجابات كثيرا..
يعني تصرفات أخت الزوج أحيانا تكون عن جهل..وما تقصد تستفز زوجة الأاخ..
يعني ايضا.أن مصالح الزوجة ربما تتعارض مع مصالح الأخت..ولذلك يحدث الشجار..هل أنا محقة؟
تابعوا يا بنات..أنا معكم..الله يعطيكم العافية..

الحمد الله يا بنات هي في حالها وانا في حالي لسه ما تزوجوا بس ملكة
هي من النوع لي ما ييقصر يعني تسوي واجبها باي مناسبة ما تقصر وكلامها سطحي ما تحب تتكلم ويانا بتفاصيل لا اهلها ولا شغلها ولا شئ تسمع منا احنا وتبتسم وتجاملنا واحنا نجلس نخترع كلام عشان نسوي موضوع
الحمد الله بالنسبة لي ما ازعجها في شئ ابدا بعيدة عنها عشان ما يصير قال وقيل ومشاكل
هي اكبر مني ب 4 سنين بس ما لها اخوات وحيدة متلي دايما تقول لاخوي ليش اختك ما تنزل معي السوق ولا تتقرب مني انا احبها تكون زي اختي ونروح وينجي مع بعض وتتصل دايما تقول ايش رايك نروح نطلع اي مكان بس دايما اعتذر لها لاني ما احب اتقرب وتصير مشاكل يمكن من كلمة تسالها ع ن اخوي وانا اجاوب صراحة واخوي يكون ما يبي يقول الشئ هاد ازعل معاه..
الي ما اطيقه فيها انها تسوي حركات ايش ما تساليها تقول ما بعرف لدرجة ماما سالتها ايش الكيس لي اخوي دخله معاه وكان حاطه قدامنا قربها بس ماما ما حبت تفتحه يعني قالت لها ما بعرف وهو قربها وكانوا طالعين مع بعض بعدين اكتشفنا جايب لها مجلات ديكور عشان بيتهم وهي لي مختارتهم..يعني هي اسوء شئ فيها وانا بسميه كهن كهينة كل شئ تخبيه حتى لو اخوي جاب لها هدية اكون انا شايفتها قبل عنده واخد راي فيها تلبسها ولو سالناها قلنا لها ما شاء الله حلو تقول شكرا ما تقول هذا من اخوي ابدا والحركات فبيتنا طبعا ما تنتهي يعني تدلع اخوي لما تكون عندنا بشكل موكتير لايق (اقصد مفروض مو قدام الناس يعني)........
المهم اني انا من جهتي كافيتها شري وخيري زي المصريين ما بيقولوا صباح الخير يا جاري انت في حالك وانا في حالي لا تقولوا اتقربي منها لاني انا وايد صريحة واخاف من كتر صراحتي اقول لها شئ تزعل وتصير مشاكل بيننا
الله يرزق اخوي التاني زوجة احسن مو عشان هي مو كويسة لا حرام بس يعني نتمنى الافضل دايما
ولو زيها برضه خير لانها تعتبر من زوجات الاخوة الكويسه دايما اقول كل وحدة لها حركات وما احد فينا كامل والحمد الله انه ما رزق اخوي بشريرة ولا كنت ذبحتها او ذبحتني..
والله يوفق الجميع (طولت هاههه

أنا شابكة مع الخطين لكن شوفي يا قلبي انا مجربة زوجة اخ وأخت زوج لكن
اللي أعرفه ان زوجة الأخ هي اللي تحاول ترضي الحمولة وتحسب لهم ألف حساب ؟؟

تصبر مهما بدر منهم أي شي كرمال عيون زوجها:love:
والحرمة السنعة العدلة تحسب حساب لزوجها
مهما بدر من أهله ؟؟ وتطنشهم بأدب مو بقلة حياء :30: كلنا دخلنا على ناس وجربنا
لا أحد يقول ما عانيت أقول الله المستعان الا والله عانيت :30:
بس كل شي بأجره


اللي نشوفه أن مرت الأخ هي اللي ينحسب لها حساب ؟؟
وأخوات الزوج ياكلون هواء :) :hahaha: